娛樂滿紛 26FUN - Powered by Discuz! Board

標題: 哈利波特落戶大阪　亞洲麻瓜朝聖 [打印本頁]

作者: ellen520 時間: 2014-8-1 09:54 PM 標題: 哈利波特落戶大阪　亞洲麻瓜朝聖

哈利波特瘋魔全球，想親身感受魔法世界，就要去美國。但係七月第二個「哈利波特魔法世界」喺大阪影城開幕，對亞洲麻瓜嚟講簡直係一大喜訊！

大阪呢個哈利波特魔法世界耗時4年興建，耗資約34億，當然哈利波特電影中嘅場景都會一一重現。場內有機動遊戲、特色商店、餐廳等…經過肖像室之後，就嚟到校長室！終於見到三位主角：哈利仔、榮恩同妙麗，但“噓”一聲又唔見咗，見識到隱形斗篷嘅厲害！

終於到戲肉，4個人一架過山車卡，特點是吊腳式打橫行面向螢幕，配合4K高清影像技術，就好似身處影像中與哈利仔一起經歷整個小說系列的重要場口。

玩完機動遊戲，可以去活米村掃紀念品。想試吓魔法校園學生最鍾意嘅柏蒂全口味豆同朱古力蛙，就要去色彩繽紛嘅「蜂蜜公爵」。行到攰可以去「三根掃帚餐廳」食嘢，或者喺車仔檔買奶油啤酒，一邊飲一邊可以喺廣場欣賞青蛙合唱團表演，記得等到入夜欣賞埋城堡及活米村的夜景先走呀。

日本環球影城
地址：大阪府大阪市此花區櫻島2丁目1番33號
電話：(+81)5-7020-0660
網址：http://www.usj.co.jp/hk/harrypotter

注意：哈利波特園區每日限6,000人進場，額滿至止。
鳴謝：日航天地旅遊、日本環球影城

http://hk.apple.nextmedia.com/supplement/travel/art/20140728/18813662

歡迎光臨娛樂滿紛 26FUN (http://26fun.com/bbs/)