翁靜晶前日同埋屋企人去咗迪士尼玩，影咗好多滿地垃圾嘅相；除咗垃圾相之外，仲有嘅就係遊客打尖嘅相同片。

翁靜晶仲貼張相講打尖，佢好詳細咁講咗樂園入面嘅遊客打尖嘅方法：

打尖的方法層出不窮
1. 先叫小孩子迅速打尖到前方，然後後來趕上，說要找尋孩兒。
2. 打了尖後怒眼凝視，如圖。
3. 不斷在後方推撞。
4. 突然手舞足蹈。

翁靜晶講嘅「如圖」，真係有圖，佢影咗一個女人，用好凌厲嘅眼神望住鏡頭，完全表達咩叫「怒眼凝視」。

翁靜晶除咗有相之後，仲有一條片(影片連結: http://bit.ly/1oBftnJ )，片入面就係一個內地男人打尖嘅片段，片段中翁靜晶話：「大陸人真係頂唔順，死迫過去，唔會講唔該借借、Excuse me、畀我行一行，唔會講0架，佢哋把口唔係攞嚟用。」之後就影住一個男人一路不停咁打尖，穿過咗翁靜晶一行之後，仲一路向前推進。翁又謂：「窮兇極惡，死推死撞的女人，被James 用鏡頭捕捉了..........嘗試叫她別這樣，她假裝聽不明白!!!!!!!」

有不少網民大鬧自由行不守規矩，翁靜晶也有回應道：「很希望可以想出教育他們的方法，再這樣下去，華人的國際形象掃地，香港人也脫不了關係，會受到全世界排斥。」、「下一輩的中國人，若然是我們的希望，那麼便更應該及早向他們灌輸公德觀念。去旅行，只可以抱着『用』的心，不能夠抱『耗』的態度。前者是享用，後者是濫用，大有分別。耗人者，其實也在耗己的。」

翁靜晶仲敎咗大家一個正字，因為條片叫做《強國人的打櫼藝術 The Art of Powerful Nation Quene Jumping》當中「櫼」就係打尖嘅正字，不愧為大律師，拍片話內地人嘅同時，都不忘教大家正字。