【星島日報報道】早前有港媽要求攝影師「免費贊助」活動攝影服務，成為一時熱議，事隔數月後有類似事件發生在歌手狄易達身上。狄易達日前在facebook分享經歷，指有某大型商場公關邀請其跳舞學校的學生表演，當狄易達問到預算多少的時候，對方卻反問：「即係邀請你地嚟表演我哋要畀返錢你？」令狄易達感到無奈，更在文中開首就爆粗：「嬲你當我onX」。
狄易達指某日與朋友談天時，講到做表演除了報酬外，其實都會視乎演出有沒有意義、是否有趣味性等，而有時候為做慈善亦接受無償演出，但最生氣的是「朋友你當我onX」，而對話中通常都會出現「機會論」字眼：「畀機會你做宣傳」、「可以係咁大的場地表演」。而早前狄易達就收到該商場的邀請，但對方卻從沒想過預算問題，狄易達唯有回答：「咁⋯我哋嚟你商場食野係咪可以唔洗（使）畀錢？」
對此狄易達認為其實雙方可以坦白溝通：「工作有困難、唔夠預算可以溝通，我地之間的坦白比較重要，你想我去幫，無問題，無謂講咁多『機會論』，不如好好溝通」。不少網友認同狄易達所言，有人就重提港媽要求贊助一事：「我地有45個媽媽可以幫你個page Like n Share 做宣傳 」，狄易達回答：「我哋都有幾百個學生來試食」。
圖片附件: 20160609f130338.jpg (2016-6-9 10:13 PM, 121.3 KB) / 下載次數 0