娛樂滿紛 26FUN - Powered by Discuz! Board

標題: 買網站得個殼，31歲創業青年蝕十幾萬 [打印本頁]

作者: 地溝男 時間: 2016-7-3 05:59 PM 標題: 買網站得個殼，31歲創業青年蝕十幾萬

【東方日報專訊】不少青年自設或購買網站一嘗做老闆滋味，有八十後創業者看好補習中介網前景，對一個推介「每個月賺到三萬幾元」的網站躍躍欲試，今年一月，更借了母親的十多萬元退休金，與朋友經業務中介購入該補習中介網站，欲透過為學生家長及補習導師穿線拓展事業，豈料經營不足一周，已發現問題多多，更驚悉自己猶如購入「空殼」，如今只能慨嘆「唔蝕都蝕咗」。類似網站的生意買賣繁多，更是本地創業中介的熱門推介，專家建議有心創業者應細閱合約，避免一筆過付款以減少損失。
三十一歲的林先生（化名）表示，一月中在業務中介網上留意到這個家長及導師配對的補習中介網：「佢寫每個月賺到三萬幾蚊，咁咪即係三個幾月已可回本？好吸引喎。」看見如此「筍盤」，林與朋友大為心動，林事後亦曾做資料搜集，除要求賣家提供銀行月結單外，亦曾以導師會身份加入補習網，了解到有居住豪宅的家長透過該網報名，林一度計算：「每單補習抽三個星期補習費嘅佣，估計幾個月已有超過十九萬元（佣金）。」
心急無留意合約細則
自信滿滿的兩人卒於同月廿一日簽約，協議以九萬八千元購入網站，另額外付三萬五千元中介費、二千元買網域名稱。至二月，林經營網站近一周後，發現仍無任何家長或導師報名，冀得到早前尚未進行配對的家長資料，但一直無法聯絡上賣家，而業務中介負責人則稱「唔關我事」。後來找到賣家，對方卻指合約上寫明只提供「導師教育中心資料」，並無提及家長資料，林這時方知自己猶如購入「空殼」網站。
十多萬元投資分分鐘化為烏有，林坦言自己太心急，考慮數天便「扑槌」購買，「死因」更是簽約時沒留意細則。
母借出逾10萬退休金
林先生現時從事市場工作，有份正職令他生活不成問題，但母親十多萬元的退休金卻可能一去無回頭，創業變「買教訓」，林不無惆悵地說：「媽咪因為退休有筆錢鬆動，先支持我創業，本來打算賺錢就分番畀佢，點知搞成咁……」
其實，今次已非林首次創業，他讀大學時曾經營網上拍賣，最初成功每月賺一、兩萬元，只是網上拍賣普及，競爭愈來愈大，且需花大量時間上載貨物及回覆網民，最終他才放棄，未料今次投資網絡生意卻損手，他直言：「好後悔，自己又唔係冇讀書，點可以咁蠢同咁草率？」
專家籲磋商分期付款
香港創業協會會長吳兆華指，年輕人初闖創業之路應該更小心、謹慎：「有實物（店舖）穩陣啲」，當中又以連鎖式經營為優先，「起碼有一定商譽，易啲上手」，雖然發展可能較慢，但更能掌握市場環境，即使最終失敗也可留下寶貴經驗。他又提醒，打算透過業務中介創業的年輕人，要小心細閱合約條文，並與賣家磋商是否可分期付款，「Trial run（試業）一段時間先再畀晒。」

圖片附件: 0703-00176-020b1.jpg (2016-7-3 05:59 PM, 128.8 KB) / 下載次數 0
http://26fun.com/bbs/attachment.php?aid=2818138&k=ef9dd585372e0e6d7f17f6ede8627d52&t=1732565844&sid=8Jacxh

作者: 地溝男 時間: 2016-7-3 06:00 PM

港英年代 = 香港地遍地黃金

港共年代 = 香港地遍地陷阱

作者: 地溝男 時間: 2016-7-3 06:03 PM

大熱天時，仲著長袖厚外套

作者: 地溝男 時間: 2016-7-3 06:08 PM

港女大熱天時，又著裙又著襪異曲同工

作者: 學生妹會長 時間: 2016-7-3 06:20 PM

本帖最後由學生妹會長於 2016-7-3 06:21 PM 編輯

忠忠直直，終須乞食？！假貨比真貨好？！唔呃唔騙，神仙難變？！

咖啡機兄弟推「磁能線」網上集資再揭騙局，疑走數 1,800 萬！

眾籌集資網站近年盛行，很多有創意但沒本錢的初創者成功獲得資金完成夢想。但係香港卻出現兩位兄弟趙公允、趙公亮，早前推出智能咖啡機 Arist 集資項目成功吸金後被網民稱為「香港之恥」。可是，這兩位兄弟去年再一次重施故技，推出另一個叫「Znaps」(磁能線)的集資項目，並吸金近1,800萬港元，但被踢爆又是一個騙局。

趙公允、趙公亮兩兄弟去年7月在 Kickstarter 開設一個叫「Znaps」的項目，該產品刊登後獲得大量香港科技媒體(不包括我們)報導，因而一夜成名。由於其產品創新，方便用家使用，成功吸引了 7 萬多個世界各地的網民認購，令其集資超過 300 萬元加幣（約1800萬港元）。此產品原定去年 11 月發貨，但後來卻以品質問題為由拖延至今。
據蘋果日報追蹤報導：

Znaps Limited的登記地址為新涌崗一工廈單位。記者上門查訪，發現該單位沒有公司名牌，應門職員稱認識趙公允及其妻子劉志芳，拒絕透露其單位從事何種業務，只強調該處與Znaps的業務無關，又稱「（Znaps）用咗個（工廈）地址做（公司）登記。」

由種種跡象所見，懷疑這個項目又是另一個「騙局」。兩款產品已經為趙氏兄弟吸金達 2,500 萬港元，雖然已經有「苦主」報了警，但奈何網站設於美國香港無法立案。現時部份「苦主」已在社交網站上組織了起來，希望透過產品違反商品說明條例為由，集體向海關舉報。

「磁能線」項目成功集資多達 300 萬加元

來源：蘋果日報

作者: 地溝男 時間: 2016-7-3 06:30 PM

吸金兄弟 = 掠水兄弟

作者: 地溝男 時間: 2016-7-3 06:32 PM

磁能線 = 痴撚線

作者: 66630 時間: 2016-7-3 06:38 PM

有版你睇6fun壇

作者: 地溝男 時間: 2016-7-3 06:42 PM

有版你睇6fun壇
66630 發表於 2016-7-3 06:38 PM

日日上6哥墳壇就唔會咁易比人呃鳩

作者: 66630 時間: 2016-7-3 07:14 PM

日日上6哥墳壇就唔會咁易比人呃鳩
地溝男發表於 2016-7-3 06:42 PM

日日朝拜6哥d post蝕十幾萬精蟲

作者: Winters 時間: 2016-7-3 11:13 PM

對一個推介「每個月賺到三萬幾元」的網站躍躍欲試 > on9!

作者: 自拍男 時間: 2016-7-3 11:44 PM

對一個推介「每個月賺到三萬幾元」的網站躍躍欲試 > on9!
Winters 發表於 2016-7-3 11:13 PM

橋唔伯舊，最緊要戇鳩

作者: 費事高 時間: 2016-7-3 11:47 PM

屌.....你邊有蝕到錢,一毛子都無蝕到,係你阿媽為左幫你發以為做生意就等於會達既春秋大夢而賠上佢辛辛苦苦捱足幾十年先有既退休金,捱就捱幾十年,比人呃就一星期咁就無左十幾個,依家香港咩環境?咁易就可以搵錢?同你講話每個月會有三幾萬落袋,咁都好好做喎,唔使半年就可以翻本,半年後就穩賺不賠,有咁好既事會益你呢個三唔識七既外人?用下你個腦去諗下啦,分唔分到邊到係腦邊到係屎狒呀?仲唔快d再去搵下仲有咩老細可以做,再問你阿媽再拎錢做多次老細,其實我都可以幫到你,只要你比十零萬我,我擔保你每個月可以有4-5萬落袋,3個月後你就翻本喇...諗諗佢啦

歡迎光臨娛樂滿紛 26FUN (http://26fun.com/bbs/)