娛樂滿紛 26FUN - Powered by Discuz! Board

標題: 李魔鬼派錢元朗天水圍學生，每人五千 [打印本頁]

作者: 自拍男 時間: 2016-10-19 11:26 AM 標題: 李魔鬼派錢元朗天水圍學生，每人五千

10月17日，係香港應該記住嘅日子，因為呢一日就係首次香港富豪以現金向市民派錢嘅大日子！誠哥嘅「李嘉誠基金」早前公布會向元朗、天水圍及離島嘅應屆DSE中學生派發5千大元，而昨日正式開第一階段，向天水圍及元朗各一間中學嘅應屆DSE考生派發5千元現金券，同學用現金券就可以去銀行直接換Cash。講金額呢，總數受惠學生約5,700人，其實加埋3千萬有找，對誠哥而言連散紙都稱唔上。不過意義上就真係好大喇，因為係政府以外嘅私人名義機構向市民派錢喎，出名「君子愛財，取之有道」嘅誠哥竟然向學生哥派錢！當然網上討論區一眾口痕友又有各種意見啦，兩個字可以形容晒：「葡萄」。觀乎網民之聲，似乎都係負評居多喎，鬼咩，自己又無得袋，不如睇下以下評語，你哋又有無同感？
對其他考生不公
今次基金會就話希望DSE考生可以有錢準備應考，可以「買文具、補充練習」，不過好多人質疑，如果咁派錢畀人應考，咁對住喺其他地區嘅DSE考生變相不公平，因為基金會係一刀切無需任何入息資產證明咁派，住元朗、天水圍嘅考生，生活條件及家底未必比其他地區差喎。
究竟學生會點用
基金會話明學生用錢方法可以「自由使用」，雖然建議大家用喺學業上，但係會唔會太高估呢班17、18歲年輕人嘅自制能力呀？問心，當年你自己18歲時無啦啦有5千蚊，拎去大吃大喝留番少少已經叫「識諗」喇，最醒嗰班？一定轉頭拎去出新iPhone啦仲等咩。
落政府面
從來睇歷史事件，一個地方嘅政府都係因為腐敗無能，先會出動到民間組織或者私人名義去救濟平民，宜家咁派發，咪即係話香港政府無能，扶貧不力，市民要靠城中嘅富豪派錢救濟囉。小編就只諗起上世紀嘅哥倫比亞大毒販Pablo Escobar當年都好似係咁派錢畀窮人咁囉。
價值觀受影響
學生哥，對錢嘅價值觀往往好受同輩、家庭嘅影響，今次派錢之後，難免令呢班學生覺得「無錢就會有人幫」，而抱住呢種心態，反而唔可以力爭上遊，如果假切佢哋真係屬於貧窮一族，咁派錢更加令佢哋依賴，而且仲要限地區咁派，加深佢哋自己對所住地區嘅偏見。

圖片附件: 96aca7e052843198011f257e56f0764d.jpg (2016-10-19 11:26 AM, 260.6 KB) / 下載次數 0
http://26fun.com/bbs/attachment.php?aid=2837832&k=8aa6f77c5ecc4cc9088df296e37fe15e&t=1731341601&sid=T7tZis