娛樂滿紛 26FUN - Powered by Discuz! Board

標題: 應昌佑腎絞痛，痛到面青，Call白車送院 [打印本頁]

作者: 自拍男 時間: 2016-11-13 05:21 PM 標題: 應昌佑腎絞痛，痛到面青，Call白車送院

【東方日報專訊】歌手應昌佑昨日出席公開活動，突然身體不適，劇痛到面青口唇白的他稱「個胃頂住頂住」，原本堅持捱到活動完畢的他最終頂唔順要call白車，留院兩個多小時後自行出院，醫生指他是腎絞痛而非胃病。
應昌佑昨日出席新進歌手蘇慧恩的音樂會記招，同場還有藝人可嵐、黃建東及馬嘉均等撐場。記者會進行期間，見在後台休息的應昌佑面青口唇白，坐在櫈上不時彎腰攬肚兼滿頭冷汗，但他仍專業地接受訪問：「今朝同太太、囝囝去飲茶，食咗蝦餃，鹹水角，之後個胃就『頂住頂住』，不過我冇事嘅。」有人送上胃藥及水，服藥後他照舊上台送禮物給蘇慧恩，但明顯強顏歡笑。
出院後中氣十足
其後應昌佑稱要去廁所，再折返現場時等上台影大合照前，工作人員見他「胃痛」加劇，即時call白車。救護員到場後叫他坐上救護櫈及戴氧氣罩，之後送他往明愛醫院。應昌佑上救護車途中一臉痛苦，蘇慧恩聞好友急病入院，記招完畢即飛車到醫院探望了解情況。
應昌佑在醫院打止痛針、照X光及驗尿後，醫生見他劇痛大減就准他自行出院。出院後他再受訪，中氣十足地說：「冇事，唔痛啦，醫生話我係腎絞痛，可能同飲唔夠水有關，因為痛個位近個胃，我先以為係胃痛。（再做詳細檢查？）我會睇家庭醫生先，等佢再轉介啦。」
蘇慧恩感激撐場
蘇慧恩在醫院接受電話訪問說：「多謝佢病到咁辛苦都嚟撐我，等佢好番再請佢食大餐補吓身。」提到她只有九首新歌就在九展開音樂會，她指屆時除唱新歌，還會唱其他經典金曲及跟多位嘉賓合唱，並自爆會跳桌上舞：「件衫低胸又騷長腿，都好性感o架。」
同場的可嵐透露現時靠教唱歌維生，不過課室租金已是收入的一半。問到老公可有養她？已和老公分居兩年的她說：「佢生意唔好，佢有養個仔，我只要求佢畀一蚊贍養費。」

圖片附件: 1113-00282-019b1.jpg (2016-11-13 05:21 PM, 236.7 KB) / 下載次數 0
http://26fun.com/bbs/attachment.php?aid=2841407&k=63965d91f764b4e3c3509b87f72aa0d8&t=1732304274&sid=GBYyib

歡迎光臨娛樂滿紛 26FUN (http://26fun.com/bbs/)