娛樂滿紛 26FUN - Powered by Discuz! Board

標題: 愛拼才會贏，成功脫貧的公屋明星，你信唔信? [打印本頁]

作者: 地溝男 時間: 2017-2-2 09:47 PM 標題: 愛拼才會贏，成功脫貧的公屋明星，你信唔信?

唔好以為做得明星就一定好有錢，其實圈中好多藝人都係公屋出身，家境唔太好，不過靠住自己嘅勞力同努力，終於捱出一片出頭天，成功搵到錢脫貧，搬出屋邨上車住豪宅！

最近吳業坤就係其中一位新業主！坤哥自從憑住歌曲《原來她不夠愛我》爆紅之後，越唱越有市，仲頻頻拍廣告同埋出騷。有傳佢上半年勁賺七位數字，仲準備咗過百萬置業，打算入手四、五百萬嘅二手私樓，正式同屋邨講再見。公屋出身嘅坤哥生活係單親家庭，曾經坦承屋企要靠綜援過日子，但佢一直都冇放棄，藉住參加歌唱比賽進軍娛樂圈，最終守得雲開見月明。雖然佢成日被網民鬧偽毒，但佢默默搵真銀孝順屋企又真係抵讚嘅。

吳若希
媽媽吳若希同樣係積極搵錢脫貧嘅藝人之一。佢出道成為歌手後密密出歌，又成日都幫唔同產品代言，極速吸金。佢曾經自爆自己一星期內連接3個廣告，勁賺七位數字！喺福建出世嘅吳若希本身都係小康之家，但後來家道中落移居香港，住四百呎公屋。生活拮据嘅佢自入行開始就積極賺錢，唱歌、拍劇樣樣通吃，所以入行四年已經成功脫貧，豪住何文田豪宅，仲成日揸靚車代步。宜家仲泊到個好碼頭，榮升人妻兼準媽媽，勁～

文詠珊（Janice Man）雖然之前因為一口「流利」英文而被網民瘋狂恥笑，但唔講唔知，原來佢自小住喺荃灣公屋，14歲就已經出道做model賺錢，當時仲因為青澀外貌而被封為屋邨女神。出道11年嘅JM做咗兩年o靚模之後就轉戰影壇，仲曾經擔正做女主角！三年前佢更加成立屬於自己嘅工作室，榮升腦細！之後佢開始進軍內地市場搵人仔。嗰段時間佢頻頻拍劇集、電影、廣告，每集片酬更加急升至30萬人仔，吸金能力一流！佢早喺前年已經實牙實齒話一定要返香港買豪宅同媽咪共享天倫，仲話希望可以一筆過畀清。唉，這些機會真係⋯⋯。

鄧麗欣（Stephy）
唔經唔覺，鄧麗欣已經出道十五年。出道時嘅佢同家人住喺屯門公屋，後來佢喺娛樂圈努力打拼，出過組合、做過歌手，又拍過劇集同埋電影，無論係樂壇定影壇嘅產量都非常多。雖然佢出身屋邨，但人窮志不窮，出道八年後即刻升呢入住貝沙灣大屋。唔好以為故事完結，事實上Stephy越買越豪，冇耐之後就豪擲700萬喺香港仔置業。後來佢轉戰內地賺人仔，身家更加豐厚。佢被爆試完名車之後即刻爽快用百萬買入，非常豪氣！即使出道已久，但Stephy仍然積極喺娛樂圈打滾，真係一分耕耘一分收穫啊～

圖片附件: 15e06f4db59d10ba73916e7210045e36.jpg (2017-2-2 09:47 PM, 224.2 KB) / 下載次數 0
http://26fun.com/bbs/attachment.php?aid=2854739&k=6d4a83ee5999a637f89287eea72529f4&t=1726986985&sid=kIjm07

作者: 地溝男 時間: 2017-2-2 09:48 PM

北上走兩轉馬上脫貧

作者: 地溝男 時間: 2017-2-2 09:49 PM

以前文萊

今日支那

作者: 地溝男 時間: 2017-2-2 09:49 PM

比阿爺睇中，馬上做皇后

歡迎光臨娛樂滿紛 26FUN (http://26fun.com/bbs/)