標題: 網民十大討厭藝人，bxxx21 有乜感受? [打印本頁]

---

作者: 講獨男    時間: 2018-6-5 09:41 PM     標題: 網民十大討厭藝人，bxxx21 有乜感受?

實至名歸



第十位：王浩信
查看相片

憑劇集《不懂撒嬌的女人》Saving成新一代暖男嘅王浩信，人氣急升，喺劇中嘅深情融化唔少少女嘅心。可惜喺現實生活中，婚後仍然緋聞多多嘅佢同陳自瑤婚變傳聞不斷，最近傳出陳自瑤已主動提出離婚。受離婚傳聞影響嘅男神王浩信，被網民稱為偽暖男，令人氣秒速下滑。
第九位：林師傑
查看相片

巨聲幫林師傑平時都工作量唔多，不過就經常見報。早年緋聞不斷嘅佢有過唔少緋聞女友，連佢舊愛鄧穎芝都暗寸佢隔日就影到一個。不過近年已經修心養性，仲向拍拖3年女友歐陽巧瑩求婚。
第八位：崔建邦
查看相片

有賤男之稱嘅崔建邦，偷食緋聞傳過唔知幾多次，又有打女朋友前科，網民唔鍾意佢都正常嘅。
第七位：黃翠如
查看相片

「宅男女神」黃翠如過檔無綫後極速上位，差唔多套套劇集都擔正做女一，可惜被評佢嘅演技麻麻，無論做咩角色都只得一個表情，最終搞到觀眾反感。
第六位：吳業坤
查看相片

14年坤哥為《萬千星輝賀台慶》其中一part扮棋，當時唔少人都戥佢唔抵，事件令佢備受注目， 之後喺頒獎典禮攞咗唔少獎項。可惜坤哥被揭感情生活混亂，又傳背住前緋聞女友Super girl成員Aka識女仔，更被網民話佢係「偽毒」，踢爆佢係扮傻扮被動，搞到以前傻傻戇戇嘅宅男形象冇曬，
第五位：何雁詩
查看相片

巨聲幫何雁詩向來星運平平，上年被指介入鄭俊弘同未婚妻Beebs之間做第三者，之後更急速公開戀情，令佢同鄭俊弘形象插水。
第四位：陳百祥
查看相片

一向言論出位嘅陳百祥（叻哥）經常公開發表時事評論，次次都語出驚人，好似早前佢上港台節目《視點31》，期間直斥高爾夫球場起住宅係荒謬，仲話香港嘅住屋問題一直都存在：「你嚟得香港住，就要接受香港從來都係貴嘅地價㗎嘞，而家講緊西雅圖，美國人都要瞓街，而家都係瞓細啲嘅房，細啲嘅廳。」，言論一出即引起觀眾不滿。
第三位：李思捷
查看相片

被喻為「溝女王」嘅李思捷，緋聞多多，就算佢近年都無咩節目同劇集演出，但仍然無減佢喺網民心目中嘅討厭程度。
第二位：林盛斌
查看相片

擔任節目主持一向出色嘅阿Bob，本來都幾有觀眾緣，不過太多廣告 、節目及劇集都有佢份，不過觀眾緣就麻麻。最近無綫播出新一輯《美女廚房》，唔少人都話因為有佢而罷睇。
第一位：鄭俊弘
查看相片

上年，乖乖仔形象嘅鄭俊弘被爆出背住未婚妻Beebs暗交何雁詩，網民最討厭一腳踏兩船嘅人，更封佢為「世紀賤男」，形象插水。

---

歡迎光臨 娛樂滿紛 26FUN (http://26fun.com/bbs/)

Powered by Discuz! 7.0.0