娛樂滿紛 26FUN - Powered by Discuz! Board

標題: 松岡李那、久保杏奈、葉梓嵐，元老三揀一? [打印本頁]

作者: 電騙男 時間: 2018-7-16 10:31 AM 標題: 松岡李那、久保杏奈、葉梓嵐，元老三揀一?

查看相片

葉梓嵐Big爆上圍搶「峰」頭！
更多

書展後日開鑼，一眾藝人及o靚模為寫真集宣傳作最後衝刺，日模松岡李那以超低胸上陣造勢，更獲日模好友久保杏奈率先買寫真支持；而擁有32E火辣上圍的模特兒葉梓嵐，雖然趕不及於書展推出寫真，但考慮以AV的綑綁SM造型踩場攞頭彩！

松岡李那（Linah）昨日出席寫真集《I'm Yours》發布會，穿上桃紅色Deep V裝性感亮相，更獲專程來港的日模好友久保杏奈（Anna）送花力撐，並一口氣買了200本寫真集以示支持。Linah說：「Anna尋晚問我今日嘅時間同地點，我先知佢會嚟，佢仲同我搭埋同一班機，班機Delay咗一個鐘，所以頭先搭港鐵趕過嚟。（着到咁性感搭港鐵？）唔係，嚟到先換，不過太匆忙，工作人員畀咩我就照着。」

送寫真畀林德信

她指第一批寫真印了一萬本，打算買來送給媽媽，以及張建聲、林德信等男性好友。問到寫真最性感尺度？她表示全部都性感：「有一張我冇着上衣，淨係用雙手遮住上身，嗰張拍得好靚，但我睇過本書唔見有呢張相，可能等賣晒，出第二版先放落去。」

問到Anna可有打算出寫真？她直言不是主打性感路線，加上性格像男生，所以不會考慮。她又透露原來男友也有為Linah的新書出一分力：「Linah其中一套泳衣係由男友設計，所以真係好特別，我會拎晒啲寫真返日本送畀朋友。」

玩變幻「球」

此外，葉梓嵐今年亦會推出寫真，但因早前返內地參加選美活動，寫真製作押後，因而趕不及在書展推出，預計九月才公開發售，她說：「今次本寫真影咗兩年，經歷咗我肥瘦、皮膚黑白嘅日子，都睇住上圍大細嘅變化，書入面有廿幾個造型，最性感係半裸騷紋身同埋有綑綁SM造型，都係挑戰我性感極限！（點解會玩綑綁？）之前做節目採訪綑綁大師，其實好有藝術感。」為免在書展寫真戰場輸蝕，她預告屆時也會用自己方法踩場，向Fans派發周邊產品如年曆卡，更考慮以書中最爆的綑綁造型踩入會展搶鏡！