娛樂滿紛 26FUN - Powered by Discuz! Board

標題: 袁偉豪出寫真，元老點評? [打印本頁]

作者: 自拍男 時間: 2018-7-18 11:31 AM 標題: 袁偉豪出寫真，元老點評?

男人最痛

查看相片

激凸泳褲晒肌加埋個誘人甫士，女粉絲點捨得唔買！
更多

無綫「型男」袁偉豪得到不少女觀眾歡心，集靚樣與Fit爆肌肉於一身，繼在劇集中「晒股」後，今日會殺入書展，推出的純影集有「全裸」及激凸泳褲Look，實行以最激一面硬撼寫真女。

藝人袁偉豪（Ben）Body線條靚、肌肉又均勻，今年更代表男士加入書展寫真戰，自資六位數字推出純影集，更與團隊到印尼峇里拍攝。除了激凸泳褲照、生活及工作寫真外，相集還會以全裸為終結，「激」鬥一班寫真女將楊思琦與松岡李那等，而收益將撥捐行善。

差啲畀人影全相

今次推出純影集，Ben指一來紀念入行20周年，二來亦完成多年心願：「其實十年前已經想出，但當時狀況有啲吃力，依家個人大咗、多咗好多經歷，天時、地利、人和下促成今次成事，都係命運嘅安排。」雖然相集離不開商業元素如泳褲照，但並非純粹騷肌，他說：「本相集記錄咗呢兩、三年嘅生活點滴同工作寫照，當中仲有寶兒（女友張寶兒）客串演出，但冇正面出鏡，全部都係啲Wideshot，背面同側面交代。」

問到相集還有甚麼賣點？Ben才自爆尾段會以一張全裸相作結：「其實係有意思嘅，係人生嘅睇法，都幾激！我哋BB仔嚟到呢個世界時乜都冇，當我哋走嗰日都係乜都帶唔走，我用呢幅相嘅意境同文字去交代作為相集嘅終結。」又爆出拍攝時的蝦碌事：「咁啱影全裸照個景點，係印尼出名嘅海灘，所以好多人，仲有人喺度影婚紗照！當時我摟住毛巾，諗住一除就影，點知影完轉頭已見後面啲人舉起手機想自拍，驚影埋我即刻遮住前面。」至於會否為女友影水着寫真，他坦言不介意：「最緊要成件事做好啲，將來攝影技巧再高啲先！」

張寶兒一句話促成事

全程陪影的寶兒接受訪問時坦言，支持男友推出相集：「上年尾佢同我講有個願望，就係出本相集，我當時輕描淡寫咁話：『咁出囉！』跟住就去籌備！我都好鍾意呢本書，傳遞嘅唔單止係相嘅美感，仲有一種有訊息嘅生活態度！（畀Ben操刀幫你影寫真？）我成日都叫佢，佢唔得閒之嘛！不過佢真係好鍾意影相。」