娛樂滿紛 26FUN - Powered by Discuz! Board

標題: 工藤寸心穎理解力差威脅爆內幕，元老點評? [打印本頁]

作者: 自拍男 時間: 2018-9-3 09:01 AM 標題: 工藤寸心穎理解力差威脅爆內幕，元老點評?

查看相片

黃心穎
更多

落選港姐工藤佑采被指黑面Hea跳舞而備受批評，師姐黃心穎亦指她做人態度唔抵爭，直言對其徹底失望！沒料一番話觸發雙方罵戰，工藤昨晚在網上爆Seed反擊，寸爆心穎閱讀理解有問題兼博見報，更揚言不排除大爆選美內幕。心穎則理直氣壯堅持當日言論，更寄語對方尊重自己。

2018香港小姐競選雖已塵埃落定，但是非卻未有停下，事緣工藤佑采於賽事當晚，被發現在跳舞環節Hea跳兼黑面，連監製何小慧亦斥她態度欠佳，及後工藤於社交平台為自己發聲平反，狂呻一星期要練四隻舞以及比賽過程辛苦等。身為師姐的黃心穎前晚與張振朗、何雁詩和翟威廉等出席無綫新劇《牛下女高音》收工飯時，亦發表回應，沒料卻成為罵戰的觸發點！

怒斥護主心切

心穎不諱言選美過程一定辛苦：「件事我覺得佢唔啱，當年我選係隔兩日就做唔同嘢，咁人哋做到，佢做唔到就係自己問題，我仲以為黑面係佢嘅跳舞態度，如果係做人態度就唔抵爭。（覺唔覺得落選仲要做布景板好慘？）又唔覺得，當年我哋係最後十強先可以喺決賽出現，但今屆廿個都可以已經好好，辛苦咗咁多個月，梗係想喺台上展現自己，留個好好嘅回憶，所以應該跳好佢，咁樣做就徹底對佢失望。」

不料此番言論觸動到工藤的神經，昨晚7時許她在社交平台爆Seed，圖文並茂逐點反擊心穎，毫不留情直呼心穎全名，或許怒火蒙蔽了雙眼，結果連「穎」字也打錯：「我份人一向奉行人不犯我，我不犯人，好多事退一步海闊天空，所以從來冇公開喺網上話人，但係我都講過，我唔係打不還手，罵不還口。黃心（穎），我幾時有講過，我話比賽辛苦不滿意？」更暗示有人抹黑她，故你不仁我不義，不排除爆選美內幕，還寸心穎護主心切，又說：「你堂堂三甲香港小姐，連閱讀理解都唔識？真係叻豬！你嘅行為真係表現到你係幾咁美貌與智慧並重。」又以老經驗口脗指導心穎應如何回應才是正確，並斥心穎借她宣傳：「其實你係咪好耐冇見報？所以要出嚟話一下我？」發文不足一小時，已有大批網友留言，惟對其言論反應不一。

馬國明：大事化小

對於被工藤寸爆，心穎接受本報訪問時說：「我堅持當日講嘅嘢，尊重自己、尊重舞台。（佢話你護主心切！）護乜鬼，有參選嘅人都知，去到係要打定輸數，我唔信係最後一分鐘先叫你出去跳，佢應該都預咗有呢件事，仲要話我靠佢見報，我唔係好想同佢個名扯上關係，覺得成件事係掉轉嚟！」至於心穎男友馬國明稱對事件不知情：「希望大事化小，小事化無，無謂再講啦！」

查看相片

工藤佑采
更多

查看相片

心穎（右起）、張振朗和何雁詩出席新劇飯局。
更多

查看相片

黑面Hea跳
比賽當晚，工藤被發現Hea跳兼黑面。

作者: 迦樓羅女王 時間: 2018-9-3 09:25 AM

講真 , 工藤小姐根本係香港扭曲價值觀既產物 ...

係香港 , 一玩 "悲情宣傳" 就大把人會支持 , 唔理佢咩野樣 ,
有無才華 ... 悲情係值得同情 , 但當 "悲情" 變成一種工具 ,
我覺得就只剩下嘔心 !!!

作者: 自拍男 時間: 2018-9-3 09:34 AM