26歲大台《3日2夜》「咪神」歐陽巧瑩（Tammy）明日升呢做人妻，跟30歲「木偶哥」林師傑有情人終成眷屬，晚上在尖沙嘴某酒店筵開30多圍囍宴。兩人既甜蜜又鬼馬嘅婚紗相曝光，Tammy換咗幾套靚靚婚紗，不但盡顯「咪神」完美body，仲好似八爪魚咁夾實未來老公影相，煙韌爆燈。
婚禮前夕，準人妻Tammy接受傳媒訪問，踢爆木偶哥今早8點先返到屋企，冧爆表示：「佢作咗首歌畀我，噚日排band（bigday live band）排到今朝先返屋企，心痛！」問到情歌叫乜名？Tammy話：「我乜都唔知㗎，保持神秘感。心情未得閒緊張住，不過係有少少興奮，因為籌備咗咁耐，終於到聽日了！」
睇番兩人嘅婚紗相，Tammy甜絲絲話：「最難忘嘅係睇相嗰下，見到佢個樣好開心，佢仲download咗落嚟做wallpaper，覺得佢好迷戀我，我好高興，哈哈！」
明日做老襯嘅木偶哥為咗向老婆表愛意，寫咗《美麗的你》同《So in Love》兩首歌在婚禮上告白，木偶哥接受傳媒訪問表示：「一直都想寫歌畀TamTam，3年前已經寫咗《So》，為婚禮再寫《美》送畀佢，音樂對我哋好重要，佢鍾意我嘅其中一個原因，係睇到我keep住對音樂團火，《美》係講我哋嘅故事，自己中文唔係十分叻，點知真係迫到去8、9月，因為搞結婚我哋經歷多咗，自己用15分鐘寫好呢首歌，我仲搵咗譚俊彥喺婚禮上彈solo，希望自己可以唱得好好畀TamTam聽。」 查看相片
查看相片
查看相片
查看相片
查看相片
查看相片
