娛樂滿紛 26FUN - Powered by Discuz! Board

標題: 屋邨妹變上等人，張曦雯住豪宅揸波子代步，Thomp 點評? [打印本頁]

作者: 自拍男 時間: 2018-11-22 10:07 PM 標題: 屋邨妹變上等人，張曦雯住豪宅揸波子代步，Thomp 點評?

本帖最後由自拍男於 2018-11-22 10:09 PM 編輯

高級富豪雞

新紮女神張曦雯，近日在劇集《跳躍生命線》死過翻生引起全城熱話，形象入晒屋，更殺入埋無綫《萬千星輝頒獎典禮》星馬獎項「最喜愛 TVB女主角」提名名單，事業穩步上揚，張曦雯亦目標為本，為把握機會上位，同身邊富二代追求者劃清界線；唔講唔知，外表似足ABC貴氣高不可攀，原來張曦雯係屋邨妹出身，自細家住黃大仙下邨出自草根家庭，十歲移居美國先成功洗甩屋邨味，當選華姐冠軍加入無綫六年，近期劇接劇愈住愈富貴，搬入半山豪宅揸百萬波子代步，成功變身上等人。
撰文：東方新地圖片：新傳媒圖片
延伸閱讀：
《義不容情》第1-4集劇情 | （附精華片段！）藍潔瑛演活窮媽媽梅芬芳捲入謀殺案被岳華判死刑
《義不容情》第5-9集劇情 | 周海媚登場暗戀溫兆倫、有康有健兄弟多次爆爭執
張曦雯父母鋪路移民12年「國際中華小姐」冠軍張曦雯，憑住33C無敵火辣身材，上年在社交網直播打機豪邁爆粗真情流露，成功吸納大班宅男追捧，封她為「打機女神」而人氣急升。一口流利英文作風洋化似足 ABC有貴氣，加上主持明珠生活有時尚品味，令人更覺高不可攀，唔少人以為張曦雯是富家女出身，但其實貴氣只是包裝，張曦雯原來出自草根家庭，小時家住黃大仙下邨係名副其實屋邨妹，父親做技工阿媽幫人做facial，十歲得父母鋪路移民美國才改寫人生，在芝加哥修畢大學企業管理系，回港選華姐一夜成名。據知情者透露：「雖然佢家境一般，但佢爸爸媽媽好辛苦賺錢，都係為咗供佢讀大學，仲鋪晒路移民等佢將來可以過更好嘅生活，佢爸爸篤信命理，Kelly兩歲時因為有相士話佢改名可以更好運，佢阿爸信到十足！將佢個名由詠欣改做雯！」

查看相片

查看相片

遇到個好角色，已經係成功一半，張曦雯在劇集《跳躍生命線》演剛柔並重，心地善良的車房妹，結局篇被車撞傷差啲要同男主角馬德鐘陰陽相隔，搞到一班網民睇得好肉緊更留言鬧爆編劇，幸好，最終死過翻生大團圓結局，張曦雯亦因此人氣急升！
選美做踏腳石不過，張雯就否認改名轉運：「係細個睇醫生成日同人撞名先至改！」但外貌標緻兼擁有一副無敵body，張曦雯其實一早目標為本睇準機會以靚入行，11年已在芝加哥參加選美，12年更代表芝加哥回流香港選華姐，屋邨妹搖身一變成索爆女神。據知情者透露：「Kelly由細靚到大，讀書時已經好受男同學歡迎，身邊有唔少狂蜂浪蝶氹氹轉，因為成日畀人讚靚，佢自己都好有自信，畢業冇耐已經去選美，不過選美只係一個踏腳石，Kelly其實對演戲先有最大興趣，一直都想喺演藝圈發展！」

查看相片

劇接劇的張曦雯，日前偷閒行時代廣場買化妝品，期間不停睇手機同友人WhatsApp。
偷閒shopping揀化妝品期間，繼續不停講電話，上位變紅人，買嘢都要一心幾用。

查看相片

查看相片

買完嘢，張曦雯一個人上停車場揸車走人。而當日女神衣著密實，嘥料！

查看相片

打機直播上位上年打機直播真情流露晒可愛又豪氣爆粗，吸到大班宅男粉絲，被封「打機女神」的Kelly，繼續識做不時網上直播家居生活，keep住人氣！

查看相片

慳妹升呢近期在劇集《跳躍生命線》做剛柔並重的車房妹，終於成功彈出成新一代人氣女神，劇中被車撞至重傷死過翻生，成功止住觀眾眼淚唔再鬧爆編劇，更引起全城熱話令張曦雯火速上位，大家爭愛這位人氣女神，無綫亦劇接劇力捧，更拍親都是重頭劇兼擔正，人氣急升，昔日甚慳家的她，生活亦升呢出手變闊綽，今年四月就以個人名義，以120萬買入一部新款保時捷四驅車代步，並以自己英文名宿寫加生日日期「511」做車牌，連住屋亦三級跳，由當選華姐時租住居屋，到上年搬入北角舊大廈，近期再進駐北角半山海天峰豪宅，今時唔同往日。

查看相片

受無綫力捧，張曦雯成近期上位最快 TVB花旦，今年一口氣拍足五套劇更套套擔正，新劇《白色強人》拍視帝郭晉安，劇集海報排位更拍住視后唐詩詠，連李佳芯都要靠邊站。日前同黃宗澤出發到英國拍攝邵氏網劇《飛虎之雷霆極戰》，工作不斷。

查看相片

桃花旺盛上位富貴逼人，張曦雯更桃花旺盛，入行六年緋聞多多，身邊不乏富二代才俊車輪轉，先後同過胡杏兒老公 Philip、黃淑儀細仔徐肇平、著名練馬師告東尼兒子Sean及莊思明富二代舊愛Daniel傳過緋聞，不過統統已經成為過去式，事業穩步上揚的她，已火速飛甩一班埋身富二代，把握機會搏殺上位。據Kelly好友透露：「Kelly一直以來好多人追，追求者非富則貴，但Kelly唔想因為拍拖拖累事業，佢覺得咁難先上到位，自己今年都28歲，想把握呢幾年做啲成績！」有樣有身材又有腦，難怪張㬢雯前途一片光明！

查看相片

除咗有火辣索身材，張曦雯更有一份高不可攀貴氣，令唔少人以為她出身大富之家，堪稱氣質女神！
爆紅被起底參選華姐出身， 28歲張曦雯性格鬼妹仔，拍《3日2夜》已經夠晒放，吸埋大堆宅男粉絲，近日拍劇成功入屋，唔少網民開po起底，搵到女神大量性感泳衣相，爭相留言討論！

查看相片

專吸富二代索爆華姐張曦雯，入行六年緋聞多多，裙下之臣不乏有米才俊富二代以及藝人之後，全部非富則貴。

查看相片

入行不久，張曦雯已同當時仲未係胡杏兒老公的李乘德傳緋聞，更在對方開的Play夜場搞24歲生日P黐到實！
更多

查看相片

上年被踢爆與莊思明富二代舊愛Daniel拍拖，分手後又傳與莊思明孖生細妹莊思華男友、練馬師告東尼兒子Sean過從甚密，富二代身邊不停轉。
更多

查看相片

選完華姐簽約無綫，張曦雯最初被派主持明珠台節目，被指與同樣讀番書長大的黃淑儀細仔徐肇平撻著。
更多
一家四口回流上位生活三級跳，張曦雯現時與父母及細佬同住北角海天峰豪宅，賺到錢還不時請家人出埠旅行，十分孝順！

查看相片

沙灘晒籮身材有前有後，張曦雯亦從不吝嗇， Tback 晒籮趴喺海灘晒日光浴充滿誘惑！

查看相片

揸百萬波子今年四月，張曦雯以120萬買入一輛新款波子代步。

查看相片

似足阿爸雖然出身普通家庭，阿爸是技工阿媽是美容師，但張曦雯由細到大都是父母掌上明珠，當年張父鋪路移民美國，都是希望女兒將來有更優質生活，原來張曦雯靚樣亦遺傳自爸爸，父女如同餅印。

查看相片

由細靚到大張曦雯得天獨厚天生美人胚子，選美更令她人生改寫！

查看相片

美貌為張曦雯帶來不少榮耀，11年參選《芝加哥華商會親善小姐》選舉得冠軍及最上鏡小姐，令她有機會代表芝加哥回流香港角逐《2012年國際中華小姐》，贏得冠軍後，她再成功代表香港參選《2012世界小姐》，是繼李嘉欣及郭羡妮後成為第三位有份代表香港參加《世界小姐》的國際中華小姐冠軍。選完《世界小姐》，張曦雯更拍攝第一部微電影擔任女主角，電影在「TheHongKong48 HourFilmProject」更得過唔少獎項，原來張曦雯早有演戲潛質。

作者: 自拍男 時間: 2018-11-22 10:11 PM

香港地笑X不笑X真實版