娛樂滿紛 26FUN - Powered by Discuz! Board

標題: 前黑澀會丫頭，30歲擁二豪宅、12間分店，元老點評? [打印本頁]

作者: 電騙男 時間: 2018-11-23 11:22 AM 標題: 前黑澀會丫頭，30歲擁二豪宅、12間分店，元老點評?

前黑澀會美眉（又稱黑Girl）成員之一嘅丫頭（詹子晴）唔經唔覺入行13年，雖然丫頭喺戲劇、電影甚至主持作品都唔算多，但現年30歲嘅佢原來已有兩層過千萬台幣嘅樓揸手，而佢有份投資嘅茶飲店「不要對我尖叫，日常茶間」於台灣有12分店之多，上月更殺入香港，於中環開設分店。
丫頭早前於節目《單身行不行》分享佢嘅存錢方式，連理財專家聽完都不禁比個叻佢。單親家庭出嘅丫頭，求學時間為減輕媽媽負擔，中二就已經喺餐廳打工，雖然時薪只係得65台幣(約16元港幣)，但佢既然存到1萬台灣(約2千5港幣)。為咗慳錢，丫頭寧願連街都唔行，控制自己一個月只能用2千台幣(約5百港幣)「在悠遊卡存兩千塊，一個月就只能用那兩千塊，超過了，就自己走路或不能再買便利店的東西了。」呢個方法更係沿用至今，聽落都幾不可思議，但又確係令丫頭23歲就存到人生第一個一百萬。「假設跟朋友吃飯，我會說因為沒吃前菜、沒喝飲料，所以少付兩百塊；有工作時如果一定要坐計程車，也會問司機可不可以算便宜點，當時臉皮很厚，當這樣一個月生活費不超過八千。」
丫頭話用咗8年時間存到首期，而佢第一間屋係買嚟比媽媽同細佬住，而自己就繼續租屋。「因為我錢滾錢賺得更快，所以開始有一些理財投資，於是今年就買了第二間，大概是1800萬，三房兩廳。」講到租樓，丫頭於節目中透露曾經因為貪便宜，所以租到鬼屋。「回家看到燈是亮的，家裡有人，想按電鈴叫媽媽弟弟開門，但等很久都沒開門，進門看到是黑的，於是趕快離開，等媽媽回來到進去，但我回頭看一下時，那個燈又打開了，但我家真的沒人。」

圖片附件: 059a9dac56b8af53ddecd3728925bfd3.jpg (2018-11-23 11:22 AM, 195.5 KB) / 下載次數 0
http://26fun.com/bbs/attachment.php?aid=2929692&k=ec983d8f832c658d90a049f839389f6c&t=1732546441&sid=p6pHYP