標題: 元老有冇 J 曾美慧? [打印本頁]

---

作者: 港燦男    時間: 2019-4-15 12:32 PM     標題: 元老有冇 J 曾美慧?

     



查看相片

《淪落人》及《三夫》小本影片發光發亮 《無雙》奪7獎成金像獎大贏家
更多
一年一度嘅香港電影盛事「第38屆香港電影金像獎」昨晚圓滿舉行。賽前獲得破紀錄17項提名、由周潤發同郭富城主演嘅大製作《無雙》，最終獲得最佳電影、最佳導演、最佳編劇等7獎成為大贏家。此外，小本電影都係今次焦點，《淪落人》攞到最佳男主角等3獎，黃秋生更憑本片三度封帝；奇情話題作《三夫》就由首度主演港產片嘅內地演員曾美慧孜攞到最佳女主角。兩套戲都由陳果監製，《三》片更由佢執導，成績相當唔錯！
《淪落人》乃新導演處女作 奪最佳新演員菲裔女主角擁碩士學位查看相片

《淪落人》講述中年漢與菲傭的賓主情誼
更多
《淪落人》係新晉女導演陳小娟既編且導嘅處女作，亦係電影發展基金下第三屆「首部劇情電影計劃」嘅得獎作品。電影講述由黃秋生飾演嘅失意癱瘓中年漢昌榮，同照顧佢嘅菲傭Evelyn(Crisel Consunji飾)之間，發展一段細膩嘅賓主情誼，帶出人生感懷，題材十分清新。影帝黃秋生直言覺得劇本好，所以願意「零片酬」演出，最後如他在頒獎禮所言「有好報」！
查看相片

《淪落人》菲裔女主角擁碩士學位 經歷傳奇
更多
至於菲律賓裔女主角Crisel Consunji，就憑菲傭角色提名最佳女主角、最佳新演員，最終贏咗後者。Crisel Consunji呢個小妮子嘅經歷頗為「傳奇」，本身有碩士學位嘅佢，喺菲國已係專業表演者同導師，11年前來港發展，先做過迪士尼樂園嘅表演者，之後重新投入教育界。不過開頭佢應徵時曾處處碰壁，被部份人睇唔起菲裔身份，可幸佢最終都無放棄，更無怨天尤人。經過一番努力，Crisel而家已係擁有3間兒童教育中心嘅女強人。佢投身電影界，都出於服務社會嘅心態，希望外界關注移民、身份認同議題，特別係傭工議題。
《三夫》政治隱喻帶出香港困境 曾美慧孜封后查看相片

曾美慧孜憑《三夫》封金像獎影后
更多
至於陳果執導嘅《三夫》，其實係佢名作「妓女三部曲」最終回，秉承前作《榴槤飄飄》、《香港有個荷里活》，以妓女故事包裝政治隱喻，帶出香港嘅困境。《三夫》呢套戲可謂相當大膽，曾美慧孜飾演嘅小美，不單智力有問題，而且有性上癮，家人同丈夫只好安排佢下海接客嚟「滿足」佢，劇情發展奇情香艷。主角豁出去演出，大大增加可觀性，今次絕對係大熱封后。
香港觀眾之前或者唔太認識曾美慧孜，但佢其實唔係「新人」。早在2004年，佢憑中國電影《頤和園》出道，之後參演過《蘋果》、《手機》等戲，而《三夫》對上嘅近作係上年嘅《地球最後的夜晚》。之不過佢之前大多演配角，今次首度喺港產片擔正就一鳴驚人，令大眾認識到佢嘅風采。
曾美慧孜名字由來 與電影結下不解緣除咗金像獎外，曾美慧孜之前都攞咗電影評論學會大獎、導演會年度大獎嘅影后獎。曾美慧孜呢個名字嘅由來又係觀眾關注焦點之一，佢話呢個係本名，由媽媽去改。曾美慧孜憶述媽媽鍾意一部日本舊片《追捕》，戲入面嘅女主角名叫真由美；之後佢幫自己改名時，曾諗過用曾由美慧，最終改為而家嘅曾美慧孜，因為比較順口。果然戲如人生，由名都可以睇到佢同電影有不解之緣！
《無雙》奪7獎未能破《一代宗師》紀錄查看相片

《無雙》奪金像獎7獎，是講述偽鈔集團的犯罪片
更多
至於由莊文強編導嘅《無雙》，呢套講偽鈔集團嘅犯罪片，除咗喺今屆頒獎禮攞最多獎外，提名數目更係歷年之冠，17項提名嘅數字，力壓各獲16項提名嘅《卧虎藏龍》(2001年，20屆)、《無間道》(2003年，22屆)、功夫(2005年，24屆)、《十月圍城》(2010年，29屆)。可惜係電影未能再下一城，破《一代宗師》喺2014年攞12個獎項嘅紀錄。
金像獎32位新人主持抄「奧斯卡」之嫌？順帶一提，今次金像獎由32位全新人列陣主持，包括余香凝、陳嘉桓、談善言、鄧月平、游學修、蔡瀚憶、吳肇軒等等，係歷來最多主持嘅一屆。對於有聲音話今次金像獎安排有抄「奧斯卡」之嫌，金像獎主席、大導演爾冬陞就解釋，安排絕非抄襲，而係一早計劃好，全因為電影圈已經嚟到世代交替。至於表現點？黃秋生封帝時發表得獎感言，就大讚班後生仔女主持得好精彩！
金像獎圓滿落幕，但筆者都希望香港電影可以繼續發光發熱，而今屆見到咁多新人亮相，亦令人感覺港產片仍然有活力，值得大家繼續支持！

---

歡迎光臨 娛樂滿紛 26FUN (http://26fun.com/bbs/)

Powered by Discuz! 7.0.0