娛樂滿紛 26FUN - Powered by Discuz! Board

標題: 媾唔掂洗米華轉攻許志安，姣花黃心穎專搞人夫，元老點評? [打印本頁]

作者: 自拍男 時間: 2019-4-19 01:10 AM 標題: 媾唔掂洗米華轉攻許志安，姣花黃心穎專搞人夫，元老點評?

幾經離合的鄭秀文與許志安，13年許下愛的承諾結成夫婦，以為從此「唯獨你是不可取替」？錯晒！日前驚爆安仔與出名姣到出汁的黃心穎在的士車廂鬼混的短片，互摸激咀無限次，姣婆遇著脂粉客，令人睇到扯火。各自背住另一半Sammi與馬國明，安仔心穎近月打得火熱，據知女方入行後處心積慮想埋太陽娛樂老闆洗米華(周焯華)身，點知未夠班，遂退而求其次向安仔埋手，百分百戰鬥格攻陷人夫，越級挑戰 Sammi。而最近拍新劇《降魔的2.0》拍到金睛火眼的馬明就被利用得更徹底，再次癡心錯付。30歲的黃心穎一手摧毀兩段感情，成為宇宙級姣花，而51歲的安仔則千年道行一朝喪，二人今次都插翼難飛。

撰文：東方新地圖片：Instagram、新傳媒圖片
延伸閱讀：
直擊許晉亨邊打波邊開餐落區打波冇預李嘉欣！
陳茵媺驚喜賀老公48歲生日陳豪甜蜜表情爆幸福！
黃心穎發姣失手轉目標入行七年的黃心穎，姣功臭名遠播，不時傳出周圍黐博上位，早年在無綫劇《宮心計2深宮計》攞正牌與馬國明談情，愈戀愈升溫，不過拍拖三年又點？姣心穎根本志不在馬明，被指機心重做事有計謀，曾向太陽娛樂老闆洗米華大送秋波，不過對方唔受，黃心穎即發動Plan B，搞唔到最高層，轉向同是太陽娛樂旗下歌手的許志安埋手。

查看相片

釣到無綫筍盤馬國明，黃心穎依然唔心足，繼續發姣放電，馬明慘被利用足三年，才可認清女友真面目。
更多

查看相片

埋唔到太陽娛樂老闆洗米華身，黃心穎轉移目標接近安仔，近月二人不時黐實現身朋友間聚會，關係早已非比尋常。
據知情者透露：「心穎同馬明拍拖三年都係騎牛搵馬，佢出名主動熱情，近年凡係太陽娛樂嘅大小活動，無論私人定公開，都見到心穎出現，因為埋唔到洗米華身，佢就轉向其他高層同藝人埋手，次次活動都黐實安仔，之前安仔喺澳門開騷佢都有出現，都係用番當年媾馬明嗰招，最初當人係偶像，不停用短訊狂攻，混熟咗之後仲融入安仔朋友堆，就連健身教練都用同一個，得閒約出嚟食飯飲酒，不過估唔到佢咁大膽，連人夫都搞，今次仲玩到過晒火。」

查看相片

作者: 自拍男 時間: 2019-4-19 01:11 AM

翻版發電機蔡C專搞人夫

作者: 迦樓羅女王 時間: 2019-4-19 04:59 PM

翻版發電機蔡C專搞人夫
自拍男發表於 2019-4-19 01:11 AM

... 咪再屈菜絲拉

作者: 迦樓羅女王 時間: 2019-4-19 07:20 PM

咁MANDY LIU正D既

作者: 自拍男 時間: 2019-4-19 10:16 PM

咁MANDY LIU正D既
迦樓羅女王發表於 2019-4-19 07:20 PM

新一代淫娃

歡迎光臨娛樂滿紛 26FUN (http://26fun.com/bbs/)