娛樂滿紛 26FUN - Powered by Discuz! Board

標題: 鼎爺中環餐廳被滋擾，黑衫大漢帶紙紮公仔追債，元老點評? [打印本頁]

作者: 自拍男 時間: 2019-5-18 12:26 AM 標題: 鼎爺中環餐廳被滋擾，黑衫大漢帶紙紮公仔追債，元老點評?

查看相片

73歲李家鼎（鼎爺）縱橫演藝圈多年，自從同譚玉瑛拍攝飲食節目《阿爺廚房》，向一班觀眾重現失傳嘅家常菜之後就爆紅。拍電視、廣告、出食譜、賣節慶食品等工作接踵而來，前年更順勢由娛樂界殺入飲食界，喺銅鑼灣開埋私房菜，一圍難求。上年再同生意拍檔喺中環開新店，不過今日就有傳媒報道指近日鼎爺嘅中環食店俾人滋擾，有人竟然帶咗對紙紮公仔上門追債。
報道指事件發生喺母親節（5月12日），當日營業期間有十幾個身著黑衫嘅大漢，喺餐廳入面行嚟行去，大叫某人欠債還錢，當中有人拎埋一對寫住「譚XX」嘅紙紮公仔。不過爆料者就話除咗貴賓房嘅食客即刻埋單之外，其他食客都只係好奇睇熱鬧。跟住，呢班黑衫大漢就像一對紙紮公仔放喺門口，仲話唔準搞呢對紙紮公仔，所以侍應們都唔夠膽行上前同埋拎走佢啲。之後，黑衫大漢就離開。
事後接受傳媒查詢嘅時候，鼎爺就話佢唔知道，而家做緊嘢，唔方便講電話。