娛樂滿紛 26FUN - Powered by Discuz! Board

標題: 男子牛頭角毀連儂牆爆衝突，硬淨哥企定定捱拳，元老點評? [打印本頁]

作者: 自拍男 時間: 2019-7-11 09:32 AM 標題: 男子牛頭角毀連儂牆爆衝突，硬淨哥企定定捱拳，元老點評?

黃揮拳將麥擊倒地上。(互聯網)
更多
全港各區「連儂牆」衝突不斷！今日(11日)凌晨零時許，一名身有酒氣46歲姓黃男子，途經牛頭角淘大花園通往觀塘道橋底地盤外「連儂牆」時，撕毀牆上便條，期間遭36歲姓麥男子及65歲姓李老翁上前阻止，雙方發生口角，黃更將李推跌落地，並向麥男粗言指罵，其後用雙手按住麥臉頰，再向他面部連環揮拳施襲，麥企定定遭對方襲擊，其後被重擊倒地，他起身再與對方理論，黃向麥高呼「你搞革命，搞乜X嘢革命」，並指住貼紙，「呢啲乜X嘢嚟，後生仔唔係咁做嘢」。

黃再向麥質問，「你夠硬淨，香港人唔喺咁樣，你搞X亂喇！你有冇洗過碗呀？煮過飯未？你搵幾錢一個月？有無養家？」，麥回覆他「有呀！」，期間黃又揮雨傘圖襲擊圍觀市民，並自稱：「我飲醉酒，做乜都得，拮你兩刀都仲得」。現場多名市民將黃包圍阻止他逃走，黃怒吼：「你成棚人行埋嚟圍我，你報警我都報警」，多名市民目睹事發經過，報警求助。

警方到場調查後，將遇襲受傷的麥及李送院治理，而涉嫌傷人的黃男被捕帶署，案件列「襲擊致造成實際身體傷害」，交秀茂坪警區刑事調查隊跟進。

作者: 自拍男 時間: 2019-7-11 09:33 AM

36歲都打唔贏46歲