想當年 ASUS 嘅 Zenfone 3 推出時震驚唔少人，唔係話佢有咩翻天覆地嘅突破，而係佢終於擺脫 Intel 處理器，步入 Qualcomm 懷抱超越左大家嘅想像。

過左咁耐，相信唔少人都唔記得左佢嘅存在，但估唔到依家佢又低價重現係大家眼前，而且以佢唔駛一千嘅價錢，可以有 Qualcomm 中階 6系 CPU，4GB 加 64GB 儲存空間，有齊雙卡雙待、microSD 真三卡，都算係咁。試問依家邊有千元機係行 Qualcomm 唔係行 MTK，望埋都唔見。

Spec 來講，5.5 吋 Full HD 1080p 屏幕，1,600 萬像素主攝，800 萬前攝，一樣有後置指紋、VoLTE，完整嘅 Google Play 服務再加一年保養，九百有找賣 $899，再包送貨，Um… 拎來做後備機、長者機、甚至係遊戲掛機專用，呢個價真係無得輸。

好！即買！