Board logo

標題: 十大離奇、離譜之香港急症室求診理由！！ [打印本頁]
作者: kwoktatsing    時間: 2003-9-29 08:34 PM     標題: 十大離奇、離譜之香港急症室求診理由！！

十大離奇、離譜之香港急症室求診理由！！

唔怪得急証要收錢啦。

以下這笑話是當護士的朋友f/w給我，收到已有三幾個月，所以或許有站友們看過。

雖然有些字句比較不雅，但為求傳神及尊重執筆者，只好一字不改地原文貼上。

-

1. 家長要求為預備入學之小童做體檢～（嘩！原來而家D細路讀書要咁多野架？）

-

2. 驗孕（十居其九係賓、印傭，指定星期日黎搵你！）

-

3. 姑娘："見咩唔舒服呀？"
   女："我個心唔舒服"

   姑娘："點唔舒服法呢？"
   女："我呢...三年前黎做過手術既，最近覺得個傷口埋得唔靚囉......"

   (嘿～～咁你想點呢下？)

-


4. 一名成褲浪（即係o者o者位） - 都係血既男子黎求醫～

  姑娘："你點整到架？"
  男："無呀，佢沖沖下涼突然無啦啦猛流血喎，咪黎睇囉！"
   (嘩！點信你呀，先生？)

-


5. 一名身穿超人套裝（無錯係全套，連塊紅色抖蓬都有埋）成條右前臂包陷埋隻手掌打哂石膏既外籍男子求醫，
   結果，三十分鐘後個男人石膏拆左，隻手乜事都無咁走左，原因係佢成班朋友係酒店開化妝party，飲醉訓著左，

   佢一名頑皮既醫生朋友同佢開左一個好大既玩笑～將隻"o麥"杯放係佢手上紮住，然後同佢打石膏，
   包實哂佢成隻手之後走左去．．．
   （呢個真係笑死當場，連D姑娘都要一路忍笑一路同佢做野！）

-


6. 一名戇十九look既師奶拖住一件跳跳紮又精神奕奕既細路（時為半夜兩點半）

   姑娘："小朋友見咩事唔舒服？"
   老母："佢話腳板底痕，勁痕痕到訓唔到覺喎．．．
   "(x^#%^&$%yz&^*u*%*#...........)

-


7. 又係一名戇十九look既師奶拖住一件無黎神氣既細路（同樣又係半夜時份）

   姑娘："小朋友見咩事唔舒服？"
   老母："佢成晚話唔舒服，check過又唔係發燒又唔係盛，問佢有無邊度痛佢又講唔出，我擔心佢咪同佢黎囉！"

   結果，姑娘check過亦認為佢一切正常，跟手個姑娘諗左一諗，
   然後問："小朋友，你聽日係咪要考試呀？"

   小朋友："......係呀.......你點知既.......？"
   老母當場發爛："你個xx仔！x$%yz*^&^t%*&#......"(下刪五百字)

   (哈哈哈哈～～～～～細路，有前途呀你！！^^)

-


8. 再黎一名戇十九look 既師奶拖住一件約兩三歲既男童～

   姑娘："小朋友見咩事唔舒服?"
   老母："無呀，見佢呢排痾尿成日搵隻手係條ｊｊ度拉拉下咁，初初以為佢痛啦，
   問佢又話無野喎，後尾睇下佢果度，原來包住果塊皮一路都係咁長，同佢老豆果度都唔同既～"

   姑娘（聽到不明所以）："你意思......你係話佢包皮過長係咪呀？呢D唔係病黎架喎，
   如果真係過長要做D小手術割左佢架．"

   老母："係咩？？！！（貌甚驚訝狀）乜唔係大大下會自己縮番入去架咩？！
   自己會突番個頭出黎既咩？！"

   （其實仲有兩三句下文，大約係個姑娘教訓個老母唔好濫用急症室同埋咁大個人理應有多少基本既性知識之類...
   不過我講唔落去勒... 我一路坐係隔離聽住，笑X死！！哈哈哈哈哈哈哈哈～～～～！！）

-


9. 一名腹部微隆既婦人黎求診，自稱近期持續肚痛

   姑娘："分唔分到係攪肚痛定係女人果D野痛呀？"
   婦人："我唔知呀.......總之唔係想去廁所果D痛囉！"

   姑娘："唔係卦......你三十幾歲人都分唔到呢D野呀？"（有點氣結）咁你對上一次黎果D野係幾時呀？"
   婦人："咩野果D野呀？？？"

   姑娘（眉頭再次一鎖）："對上一次月經呀！"
   婦人："哦！！四五個月前左右啦！！"

   姑娘大驚："下？！你係唔係有左呀？有無去睇過產前呀？"
   婦人："我唔知呀......無黎咪唔理佢囉，我以為自己肥左咋.......（邊講仲邊作尷尬狀，好鬼唔好意思咁笑住講）

   (女人喎.......原來咁都得既～～嘿！真係服左佢呀～～)

-


10. 首先強調！我覺得呢個真係最正，同埋咪等大家以為淨係女人先有咁多攪笑野！！！！！
    某早上一名七十六歲（記得太清楚啦）既亞伯黎求診～

    姑娘："亞伯見咩事唔舒服？"
    亞伯："無，見下邊唔多聽駛咁囉！"

    姑娘（毫無心邪想當然咁問）："係咪見痾尿窒下窒下咁呀？有無睇開泌尿科呀亞伯？"
    亞伯："泌尿科有睇開，岩先覆診完黎之嘛，我唔係話呢樣．"

    姑娘（開始唔明）："咁亞伯你今日即係乜事黎睇呀？"
    亞伯："呢，即係見佢好似唔多用得咁...呢，不舉果D囉......."

    姑娘先大為驚訝繼而強忍爆笑再問："亞伯你.....七十幾歲架啦喎......咁你呢樣野....幾耐倒呀？"
    亞伯（仲未知衰）："哦～！咁都好一排囉，兩三年左右啦（指不舉）．"

    姑娘（繼續極力忍笑）："亞伯你....呢D咁好正常架喎，同埋急症無呢D野睇架，
    拿，不如你下次去覆診同泌尿科醫生講埋啦......"（己經忍笑忍到講唔落去）
    亞伯："咁呀？！無呢D睇架？咁算囉，我唔睇啦，你同我取消左佢啦，我唔睇啦咁"
    然後施施然由門口離開，當確定亞伯肯定係去左之後，當時在場既六七個人

    （兩三個 護士，兩三個護理助理同亞嬸，加埋我） 一齊失控爆笑左出黎～～～～～～
    哈哈哈哈哈哈！！！！！



歡迎光臨 娛樂滿紛 26FUN (http://26fun.com/bbs/) Powered by Discuz! 7.0.0