娛樂滿紛 26FUN - Powered by Discuz! Board

標題: 講下你最深刻既一段情~~~ [打印本頁]

作者: haha2004 時間: 2005-4-28 08:01 AM 標題: 講下你最深刻既一段情~~~

先share 我既先la

其實我係未拍過拖ga
不過就曾經鍾意過一個舊同學
當時係0係一個小學同學既gathering見番
之後我同個女仔有keep住contact
有時仲會單對單出街tim
我對佢既好感源於志趣相投
我知道佢對我都有好感既
之後會考result出左,佢可以唔駛考 a level 就可以直去大學
而我就勉強地讀上 a level
到 a level 既result出左,強差人意
由於自覺攀高不起, 最終我冇同佢表白
仲特登contact少好多
我好後悔冇去嘗試爭取自己想要既野

大家lei??

作者: JCer 時間: 2005-4-28 06:36 PM

Originally posted by haha2004 at 2005-4-28 08:01 AM:
先share 我既先la

其實我係未 ...
我好後悔冇去嘗試爭取自己想要既野..

呢句好同意...不過都可以話係自己囉黎衰既...唉
其實你唔應該減少contact...起碼我唔會咁做, 我會等到自己克服到自己既心理關口先同佢表白...
算吧, 人總會有無數後悔的時候 ...

作者: trista_cheong 時間: 2005-4-28 11:24 PM

加油呀haha2004 同 JCer …我覺得你o地試o下表白好過唔試…試o左就有機會﹐唔試真係完全冇機會~~

雖然可能被人拒絕…但係絕對唔會後悔!

作者: toro 時間: 2005-4-29 12:00 AM

Originally posted by trista_cheong at 2005-4-28 11:24 PM:
加油呀haha2004 同 JCer …我覺得你o地試o下表白好過唔試…試o左就有機會﹐唔試真係完全冇機會~~
雖然可能被人拒絕…但係絕對唔會後悔!

追女仔至理明言

作者: westshing 時間: 2005-4-29 12:05 AM

我都好後悔冇去嘗試爭取自己想要既野....

我同我第一個女朋友一齊過4次...
次次分開之後都有keep contact.....
到最後一次分手之後...我地名自名同左令一個人一齊
但係我一直都仲鍾意佢既....我知佢都係(因為佢表妹有話我知)
但係就冇一齊到...
跟住到我同個個令一個因為知自己仲係好鍾意而佢分手之後....同佢contact多番好多...
仲會講下以前d野...跟住過多一陣我唔知點解答應左令一個人(2)同左佢一齊..
一齊左兩三個星期到..以為自己可以忘記佢啦..
但係最後自己都係呃唔到自己....仲係好掛住好鍾意以前個個...
但冇講出口....家下女朋友都係唔知....

有冇人可以教下我應該點做....為lee件事我灰左好耐....
><.....我到低應該同番以前個個一齊呀...
定係一直呃住家下個個lee件事continue同佢一齊呢...

作者: toro 時間: 2005-4-29 12:14 AM

Originally posted by westshing at 2005-4-29 12:05 AM:
我都好後悔冇去嘗試爭取自己想要既野.. ...

我一向反對炒冷飯，一定無好結果，勸你同佢做番朋友算數。否則可能到頭來得個吉，你兩個如果無問題嘅根本唔會拉扯咁多次都係分手。（純屬主觀意見）

作者: JCer 時間: 2005-4-29 12:31 AM

Originally posted by trista_cheong at 2005-4-28 11:24 PM:
加油呀haha2004 同 JCer …我覺得你o地試o下表白好過唔試…試o左就有機會﹐唔試真係完全冇機會~~

雖然可能被人拒絕…但係絕對唔會後悔!

5,6年前的事了...

作者: westshing 時間: 2005-4-29 12:44 AM

Originally posted by toro at 2005-4-29 12:14 AM:

我一向反對炒冷飯，一定無好結果，勸你 ...

我同佢分手次次都係大家覺得付出既時間小...
但查實係因為我又要成日練波....佢又成日同佢d朋友出街...
所謂搞到一齊既時間小d咁...但一個星期點都有一兩日

作者: 史艷文2 時間: 2005-5-1 12:33 AM

未開始,己終結,但纏繞我17年!
才下眉頭,卻上心頭!

作者: homan~ 時間: 2005-5-1 01:32 AM

一個星期有一兩日都ok lar~

問題係你想唔想同佢一齊je

作者: chenfeng 時間: 2005-5-1 04:21 AM

最深刻，因為剛剛發生左冇耐……

小弟自小學以來，一直都冇拍過拖 (除左 o係中七時為左要實現自己「18歲前一定要飛一條女」此變態生日願望，所以求其 o係ICQ 識左個女仔拍左兩個星期散拖之外)，之但係暗戀就成日都有……講到最深刻，係剛剛呢一次，個對象係我隔離系 (勉強計算係半個同班同學) o既一個女仔，其實我year 1 時已經識佢，只不過當時同佢唔熟，再加上我見過佢同過我兄弟 o既friend一齊拖住手 o係校內出現，所以一直都冇留意佢

上年十二月左右，我留 o係學校教緊我個兄弟點用一個statistics 軟件以應付考試時，咁橋佢 (即係後來我鍾意 o既女仔) 同佢個friend 都 o係度，而佢地又唔係太識用，所以我就順手教埋佢地點用，由夜晚六點半教到九點半，最後我就陪埋佢搭火車走。佢當晚就send 左個sms 俾我多謝我教佢 o野，之後我都send 番俾佢叫佢考試要加油。當時臨近考試，就咁樣，我地開始左以SMS 互相打氣、互相問候、互相講笑；聖誕節 o個晚，佢有send message 祝我聖誕快樂；我臨上上海杭州去學術交流團時都同佢傾左第一個電話，上到去仲記得買左手信送俾佢……我覺得我同佢開始越來越夾、越來越多話題，我亦好鍾意佢 o既思想成熟、細心、鍾意照顧同幫朋友，有時仲幾玩得下，竟然開始覺得佢靚添……可惜，我以為佢仲有男朋友，所以繼續扮冇事。

番來之後，我同佢繼續sms、電話、ICQ，而每次電話都越傾越長，越來越多講笑位。後來有一晚，我臨訓時send sms 俾佢，佢reply 話心情唔好同手機冇電，所以上左網打機洩忿，我馬上上網ICQ 陪佢，安慰佢令佢笑番，最後佢話「最好你而家親身陪我啦」，我答「我都想」，而家佢竟然問我係唔係鍾意左佢……傻仔天真的我，當然認左，同時亦知道左佢原來一早同佢男朋友美散左…佢reply 時答唔想hurt 我，話想要少少時間考慮一下咁喎。我心諗，你叫我俾時間你，唔代表我唔可以做 o野感動你丫，所以我就發動攻勢 (之前 o係其他post 提過，唔多講)，一心以為自己可以得米時……

佢開始疏遠小弟、SMS 越回越少、電話越傾越快收線、ICQ佢就成日都話唔得閒 (後來仲開始唔reply message)，就連有時見到面時，佢都寧願轉頭同自己d friend 講 o野，而唔同我好似以前咁吹水…我又蠢 o既，竟然走去e-mail 問到底發生乜事，佢就話好怕1 日1 電話/sms/ 見面……仲話自己好鍾意獨立、好想要個人空間，上次同男朋友散都係因為呢個問題……我聽完後，仲竟然傻到繼續發動攻勢，最終，o係雙方關係日漸變淡下，我逼到佢reject 我，我記得當晚佢拒絕我時，我，少有地，竟然喊得好厲害，第二日仲發埋燒，學都番唔到……拒絕我之後，我仲繼續死纏，希望佢會回心轉意，最後，尋晚俾佢鬧我一路都俾左好大壓力佢、仲話我唔識自愛，未識珍惜自己，根本未有資格去珍惜、關心、愛其他人……

我雖然仲鍾意佢，但無奈地，我亦惟有同時疏遠番佢，放棄、做番「一對無所不談的好朋友」

唉，太近期，太深刻啦……

作者: toro 時間: 2005-5-1 04:30 AM

Originally posted by chenfeng at 2005-5-1 04:21 AM:
最深刻，因為剛剛發生左冇耐……

小弟 ...

我唔覺得你太錯，係！你係可能心急左d，但係其實你哋本身性格上係有好唔夾嘅地方，做番朋友未必唔係好事，開心d啦！你終有一日會搵到一個識欣賞你嘅人！你自怨自艾好難有女仔中意你ga，振作呀

good and detail reply +5

作者: chenfeng 時間: 2005-5-1 04:33 AM

多謝toro 指點及鼓勵
小弟定必早日振作

歡迎光臨娛樂滿紛 26FUN (http://26fun.com/bbs/)