Board logo

標題: 究竟我仲可以點幫佢?[trista+] [打印本頁]
作者: gundamman678    時間: 2005-5-25 01:33 AM     標題: 究竟我仲可以點幫佢?[trista+]

好啦，發表左唔少，而家到我問下請教各位啦.......

我同前女友拍拖5年，早排散左，最近佢想復合，但我不想......呢d之前係"表白之匙"己經詳述，呢度唔講了。

今次想講既係另一樣野。其實最初提出分手既係佢，原因係佢有左第三者。咁我挽救左兩個月，結果當時係失敗左的，佢當時選擇同我分開。我唔想同佢一齊番並唔係因為恨佢，其實分手後我一直都冇恨過佢，因為佢有第三者，我都有d責任(因為我讀part-time少時間陪佢，俾人乘虛而入)，而且我都累了，唔想愛既反面係恨，咁樣只會令佢令我都繼續受傷害，所以我好快就放開左。而我分手後因為有朋友支持，所以復完得好快，再加上無幾耐後突然鍾意左個好朋友，所以就更加加速左我冇再去諗ex-gf。

但ex-gf突然搵番我，同我講話想一齊番......但我唔想。一來我對佢己經冷卻左好多，二來係分手後我都有諗清楚，分手後我發現我既生活有新既景象，有新既經歷，令我好多體會，所以十分驅使我想過新既生活。而且我都想嘗試下搵番個真係我最理想既gf。所以我同佢講話我唔想一齊番了，我想過下新既生活。但佢就非當傷心，可以話係日日以淚洗面咁濟，而佢身邊一直都冇知心朋友，所以佢真係好傷心同孤單......我見佢咁樣都好唔開心。我同自己講過，我希望佢同我分手後會活得比我幸福，我就最放心。但佢而家咁樣，我真係好怕佢會做傻事。所以我曾經都出來同佢見面，同佢傾電話，開解下佢同陪下佢。但咁樣我唔知有冇反效果。究竟咁樣做佢會唔會令佢更加傷心呢?

現在我開始認識其他女仔了，但我都唔敢俾佢知，每次佢問我我都否認，因為我怕會刺激到佢更加down。我真係好怕將來我再拍拖既話，佢會接受唔到......但叫我同番佢一齊我又唔會。我再拍拖又會令佢再受打擊，究竟我點做可以令佢釋懷呢?

[ Last edited by trista_cheong on 2005-5-27 at 03:18 AM ]
作者: Rika    時間: 2005-5-25 01:41 AM

如果你唔想同佢一齊返既話, 就決絕D
唔好比希望佢, 一刀過好過慢慢節磨佢
長痛不如短痛, 講清楚啦

[ Last edited by Rika on 2005-5-25 at 01:43 AM ]
作者: lintohu    時間: 2005-5-25 01:59 AM

係啦, 你咁搞法
到最後, 俾你搵到一個鍾意既先至同你個ex 講佢咪仲hurt...
作者: gundamman678    時間: 2005-5-25 02:03 AM

其實我一直都好清楚咁話俾佢聽，叫佢唔好等我......但佢始終都仲係希望可以一齊番......咁我應該用乜野態度對佢呢? 唔理佢，我又怕佢自暴自棄；理佢，又怕佢復原唔到．．．．．．
作者: Rika    時間: 2005-5-25 02:34 AM

Originally posted by gundamman678 at 2005-5-25 02:03 AM:
其實我一直都好清楚咁話俾佢聽，叫佢...
你理佢, 佢點死心呀, 要佢死心, 唔好理佢喇, 唔好令佢以為仲有機會, 有希望傷得仲甘呀
作者: newman2005    時間: 2005-5-25 02:49 AM

Originally posted by gundamman678 at 2005-5-25 02:03 AM:
其實我一直都好清楚咁話俾佢聽，叫佢...
首先除左必須要表明你的立場之外, 還要留意你自己的言行, 因為這段時間係最敏感, 最容易俾佢幻想有復合的機會....
或者可以先撇開佢係你的ex-gf的身份, 當番佢係你其中一個好朋友咁關心佢啦. 目的是讓佢知道就算你們不再是拍拖(i.e. 失去了你對佢的愛) 並不等於失去所有 (沒人理會, 沒有知心朋友傾訴). 至於態度方面又不能表現得太過着緊/ 憐惜喇 .... 要稍為硬心腸了!

其實老套d講句, 要等時間沖淡一切啦. 每個人對於不能接受的事實(例如分手或家人朋友去世等等)都必會經歷這個denial的階段 ....

你們有冇一些共同的朋友呀? 可以的話便安排一些活動去擴闊佢生活圈子, 或者是鼓勵佢參予一些活動/發掘一些興趣, 等佢唔好成日胡思亂想, 同埋時間過得充實d啦!
作者: jublio    時間: 2005-5-25 08:06 AM

我覺得其實唔好成日理佢囉…間唔中好啦…
因為你咁樣令佢覺得佢自己係你心目中仲有一定嘅位置，佢就以為仲有機會
咁樣佢就會一直等你

你可以呢排對佢冷淡d，等佢對你再無幻想先再搵返佢，同佢做返friend
我覺得咁樣會好d囉，始終你要俾時間佢自己接受分手無得復合嘅事實

如果你不斷搵住佢、關心佢，佢跟本無時間好好咁諗下/分析同你復合嘅機會係零！

其實一個女仔仲鐘意ex-bf，佢會係自己ex-bf前面都會顯示出好軟弱。
係呢個情況下唔好心軟…你放開佢，當佢知道無可能一齊返，佢一定有辦法復原！

反正你俾d時間佢啦！
作者: JCer    時間: 2005-5-25 09:43 AM

...其實都真係好難攪既
你唔理佢, 又唔想眼白白睇住佢唔開心, 但係又唔想同佢太近...
可能只有自己才會感受到那一種兩難的局面
作者: gundamman678    時間: 2005-5-26 07:42 PM

真係兩難呀.......因為佢真係冇乜人可以take care佢，如果我都唔理佢，我真係擔心佢企唔番起身......
作者: roykenroy    時間: 2005-5-26 09:29 PM

Originally posted by gundamman678 at 2005-5-26 07:42 PM:
真係兩難呀.......因為佢真係冇乜人可以take care佢，如果我都唔理佢，我真係擔心佢企唔番起身......
放開佢啦!
只有時間先可以令佢起番身! 真o架! 信我啦! 我親眼見過!

有個女仔曾經o係個男面前扮病(試過真病)、自殺、歇斯底里，然後暴肥至200lb、日日飲酒搭食煙、唔返工.........(應該多過你ex卦?!)

但係今日佢:  已經140lb(仍然減緊，不過ok，因為佢骨架大，人亦ok高，仲要幾好樣，唔講咁多，又起色心添)，份工做得好好，仲要幾多人追，雖然成三十歲，但係果種吸引力，
真係同d妹妹唔同，因為佢而家好識得keep，一d都唔似實際年齡，似25、26.
(本人對此女子已經佈署中:cool

如果當日佢男友唔放生佢，佢仍然好似你ex咁，仍然好慘。
佢慘可能係真既，但係一定有加"戲"入去，呢個女仔既男友當初都好似你咁，點知仲衰，
個女仔一飲醉酒，就call佢接，成日借d意想搞掂.....

後尾個男仔就好狠咁唔理個女仔，call 佢..佢就唔去，電話又唔打比佢，雖然個女仔仍然
有搵個男仔，但係個男仔不停話忙，冇點見佢.......
後來仲搵朋友好間接咁話比個女仔知佢有新女友。

當時個女仔梗係晴天霹靂啦.....隔左一輪個女仔接受左現實，慢慢爬番起身.....

若果你真係想佢好，放過佢啦，你一日仲o係佢生活入面，佢實有幻想，棧害左佢，
同埋你唔比空間佢"療傷"，係唔得o架，因為你就係把刀呀！你一行埋去就會傷到佢o架啦!
你拖泥帶水，新果件知道又點呀???  雙輸局面!

對於你個ex，我會同你講:  唔好再拖住人啦...佢青春有限呀!

祝  唔好咁煩!

[ Last edited by roykenroy on 2005-5-26 at 09:31 PM ]
作者: gundamman678    時間: 2005-5-27 12:31 AM

Originally posted by roykenroy at 2005-5-26 09:29 PM:

放開佢啦!
只有時間先可以令佢起番...
Thx! 多謝你咁認真既回覆~~
哈，我係一個"實證主義者"，有實例就特別容易相信既~~
呢個係一個好例子，我都明白左唔少~~
作者: trista_cheong    時間: 2005-5-27 03:20 AM

能帶動討論氣氛﹐本主題+15
各積極會員+5~15



歡迎光臨 娛樂滿紛 26FUN (http://26fun.com/bbs/) Powered by Discuz! 7.0.0