娛樂滿紛 26FUN - Powered by Discuz! Board

標題: [5/26兩性加分題]單身有咩好處? 有得拍拖又有咩唔好處? [打印本頁]

作者: trista_cheong 時間: 2005-5-25 01:34 PM 標題: [5/26兩性加分題]單身有咩好處? 有得拍拖又有咩唔好處?

如果你依家唔係單身﹐有個唔錯ge男/女朋友﹐照計日日甜甜蜜蜜咁﹐都好唔錯~
但係你有冇諗過有得拍拖有咩好處? 又有d 咩唔好處?

如果你曾經係單身~有冇試過俾人哦過==> 快d 搵返個男/女朋友?
我諗實有ga wor~~ 咁單身有咩好處? 又有d 咩唔好處呢?

我自己就諗……單身會有好大ge 私人空間﹐但係呢有時有好想有個人錫o下﹐彼此關懷o下wor!!!但係諗黎諗去~~ 越諗就會越產生好大ge 疑問!!

咁你o地又覺得你o地會唔會好享受做個單身貴族呢??

積極回應者可加5~30分﹐視乎質素而定

[ Last edited by 樂壇渣Fit人 on 2005-5-25 at 06:54 PM ]

作者: JCer 時間: 2005-5-25 02:55 PM

比個fd 哦過話快D 搵返個女朋友... 重問我:"你係咪性冷感..." 無奈...
單身咪自由D lor, 但唔係咁好, 開心/唔開心都無人同你分享下
有時睇到D野好好笑,想搵人講下...如果有個女朋友同佢分享下, 大家笑下幾開心~
唔好咪好似比人鎖住咁, 但其實係睇對方lor, 唔係個個都鎖到咁緊既, 如果對方比多D自由你,咁真係會好正
我好唔想單身貴族 ka ,單身唔會係貴族 lor , 只會係.... 唔,你自估下我想講咩la

作者: vivienna 時間: 2005-5-25 05:20 PM

一句就可以講出左好多男仔既心聲﹕單身無得破處

作者: Rika 時間: 2005-5-25 05:39 PM

我細個從未拍拖之前, 只係心思思想試下, 有無都無乜所謂, 因為好free, 唔洗煩:cool:
不過自從我習慣左身邊有個女朋友之後, 單身既話我會覺得好悶, 唔自在, 唔知想點咁
失戀遺証出晒黎, 如果有一個鐘意自己既女友, 實在太好, 開心時更開心, 唔開心時都開心
有人24小時陪, 有人關心你既需要, 生理心理都有好大既滿足, 係生人中一種最快樂既時間
但係開心既時間過得特別快, 要分手時, 其中一方會受到唔同程度既傷害
甜過之後既苦係特別苦架

人生就係要試下各種甜苦, 單身好似係由中學上大學咁
一個過程, 無話停留o係邊個過程到會好D, 最緊要係經歷過

作者: william303 時間: 2005-5-25 06:21 PM

我由14歲開始到宜家32歲都未曾試過單身，反而試過幾個女朋友，但係太過多又係好煩，冇哂所有私人時間，自已生日重慘，重要左避右避，妳話開唔開心？我可以好肯定答妳唔開心，現在只係得一個女朋友反而樂得自在，唔需要再去諗大話，實在太煩啦！不過我請大家唔太多女友，你會感受到咩叫做入不(夫)支，不過我算係幸福一群，我諗如果我單身的話都幾悶，因為我冇咩朋友，以前張所有時間陪哂女朋友，D朋友叫我出去都推哂，Dfd都唔再叫我啦，慘

作者: c2h6ethane 時間: 2005-5-25 10:03 PM

我自從上次拍拖分手之後都4年lu~
其實夜麻麻果時都幾寂寞ga
冇得同女朋友傾電話,玩icq,噓寒問暖,打情罵俏下
但係就真係free左好多law,又唔洗再為左陪佢得罪班fd,又唔洗好眼訓都要陪佢講電話,假期果時又可以自己想去邊就去邊,又可以慳番唔少錢^^又唔會怕失戀wor~
所以習慣左之後都幾enjoy依家單身ga,係某d時間冇野做果時覺得悶law~!

作者: Randyman 時間: 2005-5-25 10:49 PM

以前未拍過拖就成日心思思想試下,但係拍過之後先知係一件好蠢 ga 事~
上次拍拖係一年前 ga 事~
分手之後 ga 單身生活真係好多野都會好好多~
起碼個私人空間大好多,好多野都唔洗交代,好多女人野都唔洗煩~free 好多好多~
時間同 $ 亦都可以慳好多~
其實分手一年話長唔長,話短唔短...但好快就習慣左~
到而家都係覺得單身 ga 生活比較啱我~

作者: catbert 時間: 2005-5-26 12:39 AM

I promised trista I'll write something on this post. Here you go.

A lot of the others have already talked about the pros and cons of being single, so I am not going to repeat what they have said.  One thing I would like to say about one pro of being single is less complexity in deciding your own future.  Essentially, you don't have to put your bf/gf into the equation when you are making a decision of your future.

For instance, if there is a great career opportunity but you will have to relocate to another country, this won't be a problem if you're single.  Nevertheless, if you have a bf/gf, the whole situation will become very complicated as you need to consider whether you should take your bf/gf with you, or just leave your bf/gf and go by yourself, or simply give up a great opportunity.

As you could see, life is never perfect and you always ended up in a dilemma.  So it's almost impossible to say whether it's better to be single or not.  It all depends on how one value the importance of having a partner.

作者: gundamman678 時間: 2005-5-26 07:17 PM

我上年年尾甩拖，現在單身中，感覺到單身既好處都有不少。

1.就以我自己來講，多左好多時間做自己野。以往拍拖時有好多時間要抽出來陪女友，如果再加上工作忙，讀書又忙既話，真係可以完全無晒私人時間。

2. 銀錢方面鬆動好多啦! 拍時除左去街食飯娛樂多數我出錢外，仲要同女友一齊儲錢。所以我拍拖時試過一個月連買一件衫俾自己都冇錢! 做男仔就係咁架啦，有時睇到女友有唔少錢可以駛係自己身上，但自己就"仙都唔仙下"，都幾無奈架!

3. 唔駛應酬對方親朋戚友: 我以以前女友個家人都幾麻煩，尤其是佢阿爸，係老粗一個，兼且極度大男人，去到佢屋企時簡直就有下臣見皇上個種感覺。最麻煩係佢乜都唔識又扮代表，好難頂......至於佢個家姐又係麻煩人一名，成個八婆咁......但係上親佢屋企，對住呢d咁難頂既人又要俾面女友，要對佢地好好態度。我就好唔鍾意做人做到咁假，所以好難頂架!

4. 可以毫無顧慮咁約會其他異性朋友囉! 呢點唔駛多講!

5. 可以做一d自己鍾意做既野，唔駛俾人管住。雖然我以前無咁既情況，但相信有些人會經歷過自己鍾意做既野俾女友反對個種無奈吧。

但不好的當然是情感上無滿足感啦，可能自己是個感情豐富d既人，以往好享受戀愛中個種幸福感覺，但而家無，所以都有d空虛感既。始終覺得有愛情既生活係精彩d。所以我雖然覺得單身好處不少，但一直都好想快d拍番拖，脫離單身一族~~

作者: shoot_the_girls 時間: 2005-5-27 08:47 PM

Originally posted by vivienna at 2005-5-25 17:20:
一句就可以講出左好多男仔既心聲﹕單身無得破處

老兄. 沒有嘗過金錢的"愛情" ma?

作者: pops 時間: 2005-5-29 04:27 AM

要快樂，冇安樂。我們男人，唉！心照啦！

作者: homan~ 時間: 2005-5-29 02:35 PM

我覺得各有各好啦~

拍拖當然要付出 (時間, 金錢) 至有收穫架啦
但係要對住一果唔中意既, 驚悶而一齊果d 會好辛苦!!!!
仲慘過自己一個

單身又唔會悶wo~
反而得閒去學下結他, 書法, 做下義工
又可以睇下書, 陪下friend,
一d都唔悶！

依家我都冇拍，
搵到果有ｆｅｅｌ既先算

作者: chenfeng 時間: 2005-5-29 07:55 PM

單身有乜好處?
最大權利：FREE!!!
好似我咁，終日匿藏在家打機、或者上26fun 搵靚女明星相、搵brothers 交流
都唔會俾人話囉，哈哈~~
不過，當你 o係情人節、聖誕節或者暑假時
見到成街都成雙成對，而你就只得一支公時
或者見到d friend 全部出晒去陪女朋友、甚至同女朋友去旅行搞到冇人理你時
咁你就知道單身帶來自由 o既副產品：寂寞、孤獨、悶 o既可怕啦……
(不過，學其中一個板主之前話齋，「孤獨」可以係「一個人的狂歡」來 o既……)

有拖拍，當然就開心就係有得同一個自己鍾意 o既人做好多心靈上
或者……肉體上 o既交流
share 自己 o既true heart feelings，從而使自己變得快樂啦
不過，我見住我身邊有拖拍d 朋友
佢地真係唔係日日都 o係天堂入面生活……
例如：你女朋友/ 男朋友唔開心時，相信你 o既心情都會同時變得唔多好
甚至變得俾佢更唔開心
或者去到邊、做乜都俾人管住、好似冇乜自由咁
又或者過時過節、紀念日時，個荷包就會遭受重創……
更為嚴重 o既，就係對住個冇feel 的男/ 女朋友時
o個種難受、勉為其難、空洞 o既feeling至為惡頂

好奇怪，生存左接近21 年
我一次拖都冇拍，但我屋企上下從來冇人「哦」我去拍
反而不斷discourage 小弟一定要 o係大學畢業、有經濟基礎後至開始拍拖…… -___-
我老豆更離譜，竟然來一招類似古代 o既「指腹為婚」
指定左一個我由幼稚園識到而家 o既女仔做對象
仲話「你追到第二個都冇用，我係唔會俾佢入門 o既」…… -________-"""""""
哈哈，我當然唔理佢地啦，所以……我恨拍拖簡直係恨到死
可惜……!!!

作者: homan~ 時間: 2005-5-29 09:01 PM

Originally posted by chenfeng at 2005-5-29 07:55 PM:
單身有乜好處?
最大權利：FREE!!!
...

我都係讀u 架wo~

今年graduate 呀

你讀u 做咩唔拍拖gei ??

作者: chenfeng 時間: 2005-5-29 10:41 PM

Originally posted by homan~ at 2005-5-29 09:01 PM:

我都係讀u 架wo~

今年graduate 呀

你讀u 做咩唔拍拖gei ??

我仲有一年至grad 呀brother~:cool:

好老實講，唔係唔拍拖
而係咁多次想追人，都冇一次成功過咁解

搞到我開始唔再介意「單身」、甚至有d 羨慕自己單身添……

雖然知道拍拖有好多potentially 好辛苦、好唔開心 o既地方
都好想好想試一次咁大把……

作者: c2h6ethane 時間: 2005-5-30 01:06 PM

Originally posted by chenfeng at 2005-5-29 10:41 PM:

我仲有一年至grad 呀brother~:cool:...

我今年yr1 ar~各位師兄
聽人講個個入u都溝女,拍施
身邊d人的確係咁ar,但我又唔覺有乜女仔同動力可以令我想開始wor~

作者: homan~ 時間: 2005-5-30 07:13 PM

Originally posted by c2h6ethane at 2005-5-30 01:06 PM:

我今年yr1 ar~各位師兄
聽人講個個入u都溝女,拍施
身邊d人的確係咁ar,但我又唔覺有乜女仔同動力可以令我想開始wor~

為左溝而溝就冇意思ga lar

冇動力咪算law

作者: homan~ 時間: 2005-5-30 07:15 PM

Originally posted by chenfeng at 2005-5-29 10:41 PM:

我仲有一年至grad 呀brother~:cool:...

Brother, 唔好話唔成功,
你搵到d 唔啱feel 既女仔之ma

唔好屈就自己,
有女係遲早gei 事~~

作者: 0125summer 時間: 2005-7-17 08:19 PM

單身有咩好處? 有得拍拖又有咩唔好處?
1.單身是自由的,每天的行程都可以自行掌握不用常常受限於它人
2.雜事比較少,事情由自己決定
3.拍拖是有人天天關心你,你會有受人重視的感覺
4.事情多時可以幫忙

作者: 心冷之戀＊行 時間: 2005-7-17 09:52 PM

拍拖唔好處
多囉

會經常性地擔心那位好豬的女朋友會有事
又會因為小小事而同佢大炒一埸...
冷戰個時你又會好辛苦
誤會既時候明明唔係你唔o岩只係佢諗多左/或者你啦下
咁...是但一方唔肯認衰去解釋又會...有事發生
仲會因為唔見左.搵唔到.打電話唔聽既時候..你就會好驚..唔知佢做乜..唔知佢發生咩事...

我同依家個個有時會咁*

單身既時候你見到人地咁sweet
你個心就會好似唔知點咁
係度諗．如果我係咁就好囉.
但係...明顯地..單身自由度係大..
但係好似我行我素既生活...睇下你自己性格啦
我就唔得囉*

[ Last edited by 心冷之戀＊行 on 2005-7-17 at 09:55 PM ]

作者: Flea 時間: 2005-7-18 12:34 AM

o岩o岩失戀o左個零月
最能夠體會到單身同拍拖o既分別
好老實講，有得拍拖時，真係好鬼sweet，日日有人陪，一定唔驚無節目，而且有人開解o下你，o係你失意o既時候安慰你，真係幾好。搞到我依家都心思思想搵o下人拍拖。
之不過，單身o既日子真係自由好多好多，可以唔需要同人講今日有d咩做，鍾意做乜就做乜，唔駛諗駛唔駛陪女朋友，又唔駛報到，鍾意玩到幾夜就幾夜，真係好爽。
另外，事業上真係可以全無後顧之憂咁去搏殺，鍾意做到幾夜都得，幾忙都無問題，又唔會俾女朋友煩你掛住做o野唔陪佢。所以呢，我呢d後生仔要上位搵錢真係要一心一意，唔好拍拖住呀。

作者: yeahchan 時間: 2005-7-18 12:50 AM

ai ya~好耐好耐好耐冇o黎戀愛版講野喇~大家記得我嘛?!?!
gundamman678~4. 可以毫無顧慮咁約會其他異性朋友囉! 呢點唔駛多講!
拍拖o個陣真係唔得ga?!?!
我過住單身o既日子真係唔知~

作者: stomata 時間: 2005-7-19 07:40 AM

好! 等我講下野啦!
本人23 歲仔，我好大膽咁係度話俾大家知，我到呢分鐘，不只係處，仲係連拖都未拍過添!
請大家唔好誤會，我照鏡望自己，都仲似返個人。係就係肥左d (不過而家減左=.=)，自問無不良啫好(唔煙唔酒唔賭唔浦唔飛唔毒，四仔咸書我屋企都冇)，總算有返d 智識(起碼叫做大學畢業)，有份正當既工(係LA 寫program... 人工雖然係programmer 唻講算低... 但係都仲夠洗)，有車，有勁多朋友(有男有女，靚女俊男都有)，性取向正常(我係男，中意女)。但係無錯! 我就係未拍過拖。
勁多朋友每日MSN、ICQ、Email、電話、見面、背後都會話我點解仲冇女朋友。成日都同我講叫我快d 溝返件。我冇女朋友既事，彷彿已成為一個必談既話題(我有絕對既理由相信我d frd 有私底下討論我點解冇女朋友.... 當然結論不明)。
壓力，當然會有。就連我係香港比較保守既阿爸阿媽，由畢業前叫我「搵到工先拍拖」，到我做緊野個個星期打唻問我「搵到女朋友未」... 感覺可想而知。我並唔係唔想拍拖... 我都好想搵返個... 但係就係冇.......=..=
然而，23 年既單身生涯，我領悟到單身有好多好處。
1, weekend 中意同邊班friend 食飯都得
2, 我好中意打波，星期六可以打六個鐘波
3, weekdays 既夜晚可以自由活動
4, 同異性朋友出街時，唔需要有所顧慮
5, 銀包漲d
6, 油費平d
7, 食一人份量既食物唔而要俾二人份量既價錢
8, 睇住身邊既朋友問我男女關系既意見時，大膽咁亂講都得，反正冇經驗既我，講乜都係大隻講。岩用的話，佢地話我有先見之明。唔岩用既，佢地都會覺得理所當然。

當然，唔好處有好多
1, 身邊既朋友個個拍晒拖，weekend 搵人食飯會好有難度。
2, 睇Mr and Mrs Smith 呢類戲時，個個都一男一女既睇，我同一堆仔去睇... 會覺得好gay。
3, 情人節 1224 1225 呢d 日子簡直想死。
4, 阿爸阿媽會問.... 洗唔洗相睇.................
5, 叫朋友出唻食飯，佢會帶埋另一半出唻... 熟既話都好，唔多熟的話真係唔知講得d 乜。同埋人地一對... 我一個... 好自卑...
6, 就算有另一半既朋友可以唔洗帶另一半出唻，我多口一問「唔洗陪你女/男朋友咩」。對方一句「邊清成日對住架~ 你唔明架啦」。友人嘴角既一陣淫笑，眼角既淫覓斜視... 會令我有殺人既衝動。

如果你問我單身既好處多定壞處多，我會覺得，單身的而且確冇咁多野煩，而且做乜野都少左d顧累。不過係某d 時候單身既空虛感真係好難受，結終有少左一片肉既感覺。
我見住好多朋友拍拖，跟住出現磨擦，跟住分手。有的女方不斷追問男方既消息，有的男方為所做既事後悔而哭泣(我男女兩字冇放錯位架)。有男女拍左拖先知性格不合，有男女分左手先知原來係誤會。
有女既係磨擦發生時，完全唔識切身處地為對方著想，往往只以自身既感受作為論點大罵男方。
有朋友男朋友係唔同地方有唔同女朋友，仲可以蠢到完全唔知。有的知道，亦可以若無其事。
有男方因為女方成日搵佢，日日上佢屋企煮飯俾佢食。覺得女方煩，又挑剔女方落太多糮，結果提出分手。
有朋友呢個A 有男朋友追唔到就去追B同時又順手追埋C，到A 同男朋友分手就追返A.....
一直都有好多朋友以我冇拍過拖作把柄話我唔成熟。其實我覺得，我不見得比我上述所講既人幼稚，有冇拍過拖同一個人成唔成熟冇直接既關系。反而，未諗清楚就起埋一齊、當拍拖係解悶、對另一半亂發脾氣、唔識珍惜另一半、自我中心、懶浪子、為拍拖而拍拖既人先係真正既幼稚。
我相信，而家單身既人，並唔一定係因為自身既問題。大家相信我，人地有拖拍既，其中一方有明顯缺點既大有人在。大家一生中肯定見過某d 人拍拖，你心裡面會彈出一句說「點解個咁XXX 既人都會有拖拍架」咁。
所以話，未有拖拍只係因為時機未到，又或者係因為你等既人仲未出現。至於追女技巧，我覺得亦都唔係咁重要，有時d 野唻就唻，冇得解的。
好! 我都長篇大論左好多野lu~ 講完咯~ 難免有d 離題。只怪我見到個topic 突然靈感大動。畢竟我只係一個23 歲既小子，如果意見過於主觀，請大家多多包涵噢~~ d^_^'b

作者: 魔術師 時間: 2005-7-19 10:30 PM

我係一個性取向好正常既男仔鐘意女仔
但係我鐘意左個女仔之後對其他女無哂興趣係對佢一個有興趣(勁到出街唔想望其他女) E家知佢係玩我但係對女仔無哂興趣想搵都搵唔到第二個女..
單身真係好feel唔洗成日有人迫你要理埋第二個錢都多兩蚊成日見到人地一齊就好想自己有一個單身真係好悶... fd陪女友屋企人又返工細佬又唔係一齊住佢重要返緊學就算係都無咩話題可想而之我係幾悶成日對住部腦單身既壞處..
拍拖有時重煩出街要錢食飯要錢睇戲做乜都要雙倍錢有時又成日煩你
單身有單身好拍拖有拍拖好世界上無野係完美所以世界先美麗....

作者: sohozhk 時間: 2005-7-23 12:25 AM 標題: 一句講晒

係得自由、與失自由的分別
用複雜的話來講，是你為自己而活，還是為他人而活
究竟你真係喜歡一個人哎，定最終，根本你只喜歡自己，只是你沒有發現喳......

[ Last edited by sohozhk on 2005-7-23 at 12:32 AM ]

作者: Rika 時間: 2005-7-30 10:53 PM

Originally posted by 魔術師 at 2005-7-19 10:30 PM:
我係一個性取向好正常既男仔鐘意女仔
但係我鐘意左個女仔之後對其他女無哂興趣係對佢一個有興趣(勁到出街唔想望其他女) E家知佢係玩我但係對女仔無哂興趣想搵都搵唔到第二個女..

暫時only
遲下應該無野架喇

作者: joseph1234 時間: 2005-8-17 07:08 AM

其實我覺得愛情有d似宗教，都係人既精神主宰。有時甚至唔需要對象，喜歡一個人，o個種感覺已經好幸福。

戀愛既時候，如果一切條件都係positive既話，個人會開心好多，做野都會醒神d，戀愛中既人都會特別靚。

拍拖係兩個人心靈交流。無論開心唔開心，都有個親密既人可以同自己分享。當然，你可以擁有好理想既事業﹑擁有一切，但講到底，少個人同自己分享o個份喜悅，係好似缺失左d好重要既野咁。

我覺得，拍拖最大既意義，係你o係愛裡面，唔係單單為自己而活。你多左一份考慮，你既存在，都係為另一個人存在，於是，自己人生又有更深一層意義，生活會更加積極。我諗，呢個係拍拖最大好處。

當然，人總會有單身既時候。單身當然一樣有單身好處。一段關係冇可能所有stage都完美，一定會有爭吵同互相傷害既時候，呢d情況可以好醜惡，都可以好傷人心。單身就可以避開呢d情況發生。

單身亦都唔使再長期忍受某個人既缺點。伴侶幾好，都硬係會做左d野，自己睇唔順眼，單身貴族就唔使啞忍。

當然個人會空虛少少，不過亦都自由好多，少左好多交代。去邊﹑同邊個去﹑去做乜野，都唔使下下同人交代。拍拖o個陣可能要避忌，不過自由身就可以識返多d異性朋友。

冇拖拍，多左時間留俾自己。唔需要星期三六日奉旨陪情人﹑唔需要晚晚抽時間出黎o係電話度講廢話，可以做多d自己野，陪多d屋企人﹑朋友。

其實所有野都可以好美好，睇下自己選擇點去睇而已。

歡迎光臨娛樂滿紛 26FUN (http://26fun.com/bbs/)