娛樂滿紛 26FUN - Powered by Discuz! Board

標題: [5/29加分題]關於女性定位?? [打印本頁]

作者: trista_cheong 時間: 2005-5-27 02:25 PM 標題: [5/29加分題]關於女性定位??

"唏，現在還甚麼男主外、女主內?? 而家女性做野都不知幾叻，就黎超越男性既地位啦! 我覺得男性應該要醒覺下囉! 如果再係咁界定男女角色既話，好快會俾女仔超越架啦! 而家女性既角色同地位己經係今時唔同往日，有好大分別。如果仲係諗住男人先至做野叻，女人就應該係屋企煮飯既話，咁就錯晒啦!"

岩岩睇到gundamman 講ge o野…我自己就有少少有感而發la
其實o係呢個年代~~~女仔ge 角色同地位係點ge 呢?
我覺得首先呢個世界有好多好多非常出色ge 男性﹐但係都越黎越多出色ge 女性﹐你o地
又點睇? 有趣ge 係女仔又可以本住古舊ge 思想﹐要求男朋友俾晒所有出街錢等等﹐但係另一方面﹐佢o地又可以覺得o係事業上與男性一爭長短﹐不倚靠男性喎。
所以聽聞港女事業心重得黎又仲希望搵過仲叻過自己﹐又靚仔又高大又有型又有錢……等等

其實我真係有d 問題想問o下各位男仔(當然女仔都要講一講你o地ge 觀點la) ﹐我好想知道你o地點諗:
1. 你信唔信男女平等呢樣o野?覺唔覺得仍然係男性主導ge社會?
2. 你贊唔贊成男主外﹐女主內?
3. 你覺得男仔係咪好應該"大男人"?
4. 你俾唔俾你ge 女朋友叻過你/成就高過你? 定係你會鐘意同一level? 或者鐘意佢冇咁聰明? 咁女仔﹐你又係咪想你男友叻過你? 定係同一level?

積極回應會員可加5~30 分﹐視乎回覆質素而定

[ Last edited by trista_cheong on 2005-5-28 at 09:05 AM ]

作者: i2010 時間: 2005-5-27 02:49 PM

1. 你信唔信男女平等呢樣o野?覺唔覺得仍然係男性主導ge社會?
男女平等已經係一個好普遍既野, 如果仍然覺得男性先係主導, 咁就失敗啦...
因為現代女性有好多都好勁, 識好多野, 你唔俾番一個認同人地, 人地點會認同你呢...

2. 你贊唔贊成男主外﹐女主內?
邊個方便咪邊個做囉, 兩個人齊外又一齊內, 咁樣先開心嘛

3. 你覺得男仔係咪好應該"大男人"?
你係對佢好, 又點會係大男人呢 (最後我係冇答你大唔大男人既 = =v)

4. 你俾唔俾你ge 女朋友叻過你/成就高過你? 定係你會鐘意同一level? 或者鐘意佢冇咁聰明? 咁女仔﹐你又係咪想你男友叻過你? 定係同一level?
其實同一個level係最好既, 咁樣當係一個競爭對手咁, 愛情長跑中都有人陪住跑丫

作者: Rika 時間: 2005-5-28 02:56 AM

1. 你信唔信男女平等呢樣o野?覺唔覺得仍然係男性主導ge社會?
組識比較細既公司, 機構, 政府部門, 都會有女性參與, 不過要去到高識位就唔見得好多, 政治方面差唔多90%以上係男性, 所以係咪仍然係男性主導既社會, 我會覺得係

2. 你贊唔贊成男主外﹐女主內?
唔贊成, 女人亦有工作能力, 男人亦有責任分擔家務, 如果我有能力養起頭家, 老婆可以唔做野都得

3. 你覺得男仔係咪好應該"大男人"?
有主意係好事, 有時雙方都無主意, 決定唔到某D野, 個情況仲煩, 有些少大男人未常唔係一件好事, 當然唔好太過份啦

4. 你俾唔俾你ge 女朋友叻過你/成就高過你? 定係你會鐘意同一level? 或者鐘意佢冇咁聰明? 咁女仔﹐你又係咪想你男友叻過你? 定係同一level?
唔係唔比, 叻過我就唔係咁好, 我亦唔洗佢就住我, 我自然有辦法超越佢, 無咁聰明會可愛D

作者: gundamman678 時間: 2005-5-28 01:27 PM

幾有趣既題目!

1. 你信唔信男女平等呢樣o野?覺唔覺得仍然係男性主導ge社會?
答: 我唔信有男女平等。因為世上無絕對平等，只有相對平等就大家都知。點解咁講呢，因為世事咁多，有d事情上男人優勢d，有d事情就女人優勢d，所以冇得話絕對男女平等既，只係現時仍然男性較多事情上有優勢，所以社會人士就尋求男女間既優勢差距盡量拉近。而我覺得香港暫時仍是男性主導社會。雖然女權上升得快，但現時仍然係男人佔社會重要位置較多，而且認為男主外、女主內等傳統思想仍然存在係不少人心中。但其實香港己經算男女平等程度好高架啦，因為都唔會話女人有乜唔做得，就連消防員都有女人做，而女人亦可以有機會上到機構既高層位置，遇到唔平等既待遇又可以申訴，己經係世界上最"男女平等"既地方之一。

2. 你贊唔贊成男主外﹐女主內?
答: 我係其他主題都提過了，我唔贊成有呢個規定。我覺得呢樣野要男女雙方協議而定既，否則唔應該有這個"不成文"規定。

3. 你覺得男仔係咪好應該"大男人"?
答: 唔認同。大男人其實代表了男人在二人關係中要佔優勢，又或者以自己為先、為中心。但人與人相處最好係互相尊重，亦都應該大家關係對等，所以唔應該男人就話事d。

4. 你俾唔俾你ge 女朋友叻過你/成就高過你? 定係你會鐘意同一level? 或者鐘意佢冇咁聰明? 咁女仔﹐你又係咪想你男友叻過你? 定係同一level?
答: 呢樣係個人感覺，我自己就唔想另一半比我叻好多，因為社會好現實，就算你自己唔介意，外人見到既話都會有閒言閒語，平添壓力。不過為左個人尊嚴同生活，我自己都會力爭上遊既，所以暫時都唔怕另一半會叻過自己。而講到佢要唔要聰明，我就覺得聰明d梗係好啦。我唔鍾意同d蠢既女仔相處，聰明既就會好令我欣賞! 如果佢聰明過我既話，只要佢唔介意我蠢過佢，哈哈~~咁一齊都冇問題架。

作者: edmond25 時間: 2005-5-28 11:36 PM

1. 世界係冇平等既 ~ 不過講真 ~ 女仔而家越來越堅強 ~ 唔再係以前咁易受傷 ~
因為佢地已經懂得保護自己 ~ 靠男人不如靠自己 ~

2. 唔贊成 ~ 由其係而家呢個時代 ~ 男仔唔一定要做野叻過女仔 ~
男仔都可以係內 ~ 只不過係而家覺得男人係屋企就係冇用 ~

3. 唔係 ~ 大男人只會唔明白同關心自己既另一半 ~ 男人應該尊重自己既另一半

4. 真係冇所謂 ~ 各有各發展ma ^^ 見到自己另一半如果真係好有成就 ~
應該替佢開心 ~ 唔應該唔俾佢叻過自己 ~

補充 : 其實女仔係應該做番自己想做既野 ~ 因為以前既社會對女仔太唔公平啦 ~
而家既然講男女平等 ~ 咁男仔就應該尊重女仔 ~ 唔好再講咩男主外女主內 ~
只不過好多時男仔會覺得自己唔夠另一半叻而感到自卑 ~ 當女仔發覺身邊係咁既時候~
應該俾d信心同鼓勵佢地 ^^ 其實 ~ 邊個叻d, 邊個內, 邊個外又有乜所謂 ~ 最重要
係一齊係好開心同舒服 ~ 咁就夠啦

作者: chenfeng 時間: 2005-5-29 07:15 PM

無幾耐之前剛剛考完科sociology of marriage and family
入面d 料可以大派用場，哇哈哈

1. 你信唔信男女平等呢樣o野?覺唔覺得仍然係男性主導ge社會? <--- 而家 o既社會的確仲係男性主導，你睇香港特首仲係男人做、同埋一日仲有幾多男性 o係屋企虐妻、打女朋友、或者每日安坐於家中一d 家務都唔做、由得個老婆做到隻「積」咁你就知啦。至於男女平等，睇你點睇「男女平等」呢個terms 究竟點解啦：係指absolute equality 定係relative equality。如果係指absolute equality 的話，sorry 我真係唔太相信會做得到啦……in case 各位女性都仲係覺得男性同女性相處時要有紳士風度、或者總之同你平時班兄弟相處時 o既態度用d 唔同時，就點都去唔到絕對男女平等架啦。不過，我都相信，起碼要俾到女性有同男性公平競爭 o既機會同條件 (equality of opportunity)，之前咁封閉、打壓女性 o既社會，的確扭曲人性、亦埋沒左好多原本有條件去幹一番大事 o既聰明、能幹女性。

2. 你贊唔贊成男主外﹐女主內? <--- 根本唔能夠一概而論 o既……男主外女主外 o既「正常」家庭分工觀念，都只不過係由一個美國學者talcott parsons 所大力鼓吹同提倡咋嘛。佢覺得男性天生就係應該要做一個instrumental leader，即係要負責做晒決定、話事，從而令到個家庭能夠正常運作同埋完成某d 特定目標；而女性就天生係expressive leader，要負責take care 照顧晒男性或其他家庭成員 o既情緒問題，提供"psychological gold" (eg：love、warmth) 俾佢地，令佢地能夠安心專注於工作同對外事務。但，唔通你認為當一個男性搵唔到工、而老婆就仍然有工作時，都仍然拎到「男主外女主內」o既觀念，強逼個老婆每日放工後都要繼續開"second shift"，幫你做晒d 家務甚至take care 埋你丫嘛? 所以，我個人覺得睇情況而定：如果我老婆有工做、而我暫時未有工的話，咁，我係唔怕做《老婆大人》入面 o既陳錦鴻，做煮飯佬，變成男主內女主外架。相反啦喎，亦唔代表我放左工之後會放晒手由得個老婆做到死 o既，我一定會幫下手，唔使佢一個人負責晒對內事務。

3. 你覺得男仔係咪好應該"大男人"? <--- 唔一定喎……正如我頭先所講，呢樣都係talcott parsons 佢個人覺得正確、覺得好 o既一個分工pattern 同男性形象，點解男性一定要「大男人」，話晒事、做晒主導人同話事人? 如果個女性叻d、做 o既決定係明智合理過我地男性的話，咁點解唔可以俾佢「大女人」一下，而一定要拘泥於其中一種性別分工模式入面? 男性冇錯係應該要有d 主見同決斷能力至正常，但一定要同時尊重、聆聽女性 o既意見同想法至得。

4. 你俾唔俾你ge 女朋友叻過你/成就高過你? 定係你會鐘意同一level? 或者鐘意佢冇咁聰明? 咁女仔﹐你又係咪想你男友叻過你? 定係同一level? <--- 我要求唔高，我只要求我 o既女朋友 (而家仲未有……) 係真心鍾意我就ok，我唔在意佢究竟係唔係叻過定蠢過我；唔通我女朋友叻我都唔俾、都要覺得係一種羞恥? 其實我個人認為，你真係愛佢的話，係根本唔會介意佢係唔係head 住你、叻過你；否則，你連對住自己個女朋友都覺得有威脅感、甚至嫉妒的話……你自己走去檢討一下自己係唔係真係鍾意人啦。

以上純粹係個人意見，如有冒犯，請各位大佬大姐多多包涵~~~

作者: rockhard 時間: 2005-6-1 01:08 PM

1. 你信唔信男女平等呢樣o野?覺唔覺得仍然係男性主導ge社會?
男女平等?我自己就唔係好信，呢個世界邊有平等，男女生出來已經唔平等，無論體型，分析力，智慧，際遇等。當然現在已不再是原始時代，無須什麼都要用體力，用腦的工作比較多，這方面男女各有所長。我覺得呢個仍然係男性主導ge社會，可能係以前多數有錢都會俾男仔讀書，女性就算有學識都較少出去抛頭露面，但現在人人有書讀，人人有工開，相信很快會變更平等。

2. 你贊唔贊成男主外﹐女主內?
冇話贊唔贊，不過除非迫不得以，我都希望男主外，至於女主外或內，就由她自己決定，因我覺得家庭主婦是份苦工。我有個朋友有一個很能幹的老婆，他沾沾自喜地說：你寧願娶個識搵錢的老婆還是菲傭? 他又有他的道理。

3. 你覺得男仔係咪好應該"大男人"?
大男人與否，其實是看個人，男人應該有主見，有大將之風，這種男人亦很受女性歡迎，在應話事話事，可以讓女仔時就讓一讓，可以幫輕家務就幫一幫，人家始終是女仔嘛!

4. 你俾唔俾你ge 女朋友叻過你/成就高過你? 定係你會鐘意同一level? 或者鐘意佢冇咁聰明? 咁女仔﹐你又係咪想你男友叻過你? 定係同一level?
自尊心由關，都係男人叻少少較好，不過比她聰明一點就夠。其實有一個聰明老婆都不錯的，最少在你有困難時可以幫幫忙，生的小孩都聰明點!!

作者: gobreak 時間: 2005-6-1 03:45 PM

1. 香港一定係男女平等啦，不過香港D女仔好鐘意一時做女強人，一時又扮唔弱者，羅下著數

2. 咁我又贊成喎，尤其是帶BB，一定要女人先做得好，因為始終係女人生個BB出黎，無論感情同埋同BB之間既親密度都好好多

3. 其實係一定要有D架，成個女人咁，小小事都話唔到事，驚呢樣驚個樣，唔好話做男朋友啦，就算做普通朋友都唔好啦。

4. 我呢樣就冇所謂，如果佢叻D，我咪煩少D羅。我架叻D咪睇佢多羅

作者: tenglok 時間: 2005-6-2 08:57 AM

1. 你信唔信男女平等呢樣o野?覺唔覺得仍然係男性主導ge社會?
基本上社會係男女平等,至於男性主導社會呢一個point.我諗都應該成立,無疑,出色的女強人真的湧現不少.但是我仍然覺得男性主導緊社會.

2. 你贊唔贊成男主外﹐女主內?
呢一個係傳統觀念,現在唔應該再細分呢一樣野,而家呢一個社會,一個家庭單靠男性未必可以支持得住.

3. 你覺得男仔係咪好應該"大男人"?
大男人定義,在乎外人眼中點睇,面對朋友,當然會有一種咁ge心態,不過唔一定要大男人ge.時代唔同啦,唔係個個朋友都係"大男人",因此,你唔係大男人亦都唔會俾朋友笑,我唔覺得男仔好應該要大男人.

4. 你俾唔俾你ge 女朋友叻過你/成就高過你? 定係你會鐘意同一level? 或者鐘意佢冇咁聰明? 咁女仔﹐你又係咪想你男友叻過你? 定係同一level?
社會人人都有一個基本觀念,男仔叻過女仔係正常,女仔叻過男仔不能夠接受,我諗我都一樣,我覺得同一個無咁聰明ge女仔會好d,起碼自己又唔會自卑,女ge又唔會嫌自己笨丫嘛.

作者: today2028 時間: 2005-6-2 11:48 AM

1. 我覺得到目前為止都仲係小小男性主導, 講真要完全男女平等, 又或者甚至女性主導機會都幾微. 點解? 好耐之前曾經出現過母系社會, 主要原因係d男人出晒去打獵, 分分鐘仲係出面死鬼埋返唔到屋企, 結果就男人越來越少, 女人就越來越多, 想d女人唔主導都唔得啦. 但係而家男女比例仲係差不多, 除非突然間d男人死鬼晒啦, 唔係男性主導嘅情況都幾難變.

仲有男女天生係生理上有太大分別. 當女性有孩子時母性就會出現, 會寧願花多d時間照顧仔女. 另外要當主導, 體力好多時係決定性因素, 呢方面女性比較吃虧.

2. 對於男主外﹐女主內, 我就覺得冇乜所謂, 最重要係雙方有共識, 唔好決定左之後又反悔, 互相埋怨. 不過而家經濟都唔係咁好, 一齊主外會好d lor.

3. 男仔一定唔應該"大男人"啦, 嗰女仔頂你唔住隨時飛鬼埋你, 到時仲大鬼大碼咩. 同埋好多縷仔都係你對佢好dd, 佢就會好好好咁對你, 咁各位兄弟你地識點做啦.

4. 你俾唔俾你ge 女朋友叻過你/成就高過你? --- 其實好睇你自己係乜嘢性格bor, 正所謂一個願打一個願捱. 定係你會鐘意同一level? 或者鐘意佢冇咁聰明? 咁女仔﹐你又係咪想你男友叻過你? 定係同一level?

作者: 圖圖圖 時間: 2005-6-2 11:26 PM

1) 其實我覺得，依家d人認為男女傳統定位係因為社會文化做成，我就認為係天生既心態。
例如，男人體力係好d，所以好自然會有係強者的心態。而女性由於體力不及，所以亦會想被照顧。
至於話今日社會，我覺得都係男性主導。男人多機會過女人好多呀。你睇下d高官高層，男女比例係點就知啦。而且，心態上男人會重視事業，而女人一生的事業好多時就係佢個男人。
單係睇婚外情同埋嫖妓呢樣野，就知道男人重係著數d啦。

2) 依家都好難全職個女人主內啦，除非個男人真係咁有本事養得起個老婆唔洗佢做。否則兩個都要出去做野賺錢養家，好難講邊個外邊個內。就算再大男人，如果真係錫老婆，見佢咁辛苦，幫下手洗碗都應該啦。

3) 如果大男人等於有男性自覺，覺得應該去保護個女仔，咁ok囉。但如果大男人等於自大同埋唔尊重女性，咁就死得啦。

4) 好難講ga，男人係唔鍾意女人叻過自己的。相反，女人都唔鍾意個男人差自己好多啦。

作者: ping2000 時間: 2005-6-4 12:36 AM

1.男女一齊無可能有公平,社會話就係男女平等姐,我地做唔做到又係另一個問題
2.如果可以男外ge話都無咩問題
3.大男人要視乎唔同人的性格,一個男人ge意見唔等同所有男人
4.叻唔叻?其實唔係只講成績ge,有好多日常生活ge野,男人都會好過女人,咁又係唔係叻先;讀書d女人咁落力,成績好過男人都係正常ge,咁又係唔係叻先?你條問題好含糊,唔同人有唔同答案,呢樣係要講人的價值觀問題!我有個同學,佢係女仔,讀書超叻,不過唔知佢點解要去同f班d人拍拖呢?咁個男仔諗緊好似你呢條問題咁,咁佢會唔會自卑呢?男女一齊要有愛先,叻唔叻係要大定補長短,優點補缺點,所以邊方叻d都冇所謂!仲有d男仔唔想自己ge伴侶叻過佢,佢都覺得自卑啦!所以男女相處最緊要係開心!叻唔叻都無問題

[ Last edited by ping2000 on 2005-6-4 at 12:38 AM ]

作者: jy0620 時間: 2005-6-5 02:10 AM

1. 你信唔信男女平等呢樣o野?覺唔覺得仍然係男性主導ge社會?
現在當然還是男性主導之社會,看看台面上之政治人物,大老闆,就十分明白
2. 你贊唔贊成男主外﹐女主內?
男主外﹐女主內抑或男主內﹐女主外端看雙方之溝通而定
但現今社會對男主內﹐女主外總有許多異樣眼光,要做這種選擇,雙方要有足夠之包容及涵養,不是一件容易的事
3. 你覺得男仔係咪好應該"大男人"?
大男人定義應清楚
若是指決斷力強,或有主見,那當然是肯定的,沒有女人願意嫁給一個心無定見的男人
若是只不顧另一半想法,一意孤行,那當然是不應該啦！
　最好有決斷力強,或有主見,同時為對方設想,設樣就十全十美啦！只是那很難做到
4. 你俾唔俾你ge 女朋友叻過你/成就高過你? 定係你會鐘意同一level? 或者鐘意佢冇咁聰明? 咁女仔﹐你又係咪想你男友叻過你? 定係同一level?
　這和2有點像,但又有些許不同
　每人都有其人生規劃,及設定之理想,所以我想男人女人都一樣
　但若男女雙方在人生規劃上,有所衝突而需取捨
大部分都是看到女讓男發展,自己選擇做幕後堆手
　我不認為這是大男人
　但雙方需要溝通
　因為現今社會的刻板印象,是　男主外﹐女主內　或　男高女低
　所以才會是男性主導之社會
　我想時代在進步
　這樣的想法會漸漸淡薄
　而會出現　男主內﹐女主外　或　女高男低
　但是現實來說
　做時代的先鋒
　總是需要更多勇氣
　面臨更多挑戰
　但　　並不是不可能的

　加油！　新時代的女性！

作者: conversekita 時間: 2005-6-5 01:17 PM

1. 你信唔信男女平等呢樣o野?覺唔覺得仍然係男性主導ge社會?
2. 你贊唔贊成男主外﹐女主內?
3. 你覺得男仔係咪好應該"大男人"?
4. 你俾唔俾你ge 女朋友叻過你/成就高過你? 定係你會鐘意同一level? 或者鐘意佢冇咁聰明? 咁女仔﹐你又係咪想你男友叻過你? 定係同一level?
1＠我信ii但事實唔係咁ii現代社會大男人比古時少~so我覺得比較e加平衡番d~但絕對唔係50/50羅!!要做到完全平衡....我覺得好難羅
2@無咩贊唔贊架~wor~視fu個人喜好啦~你中意男住內~女住外都ok架~睇自己介唔介意羅
3@絕對唔應該啦~但有時候要"大男人"下羅~唔係個女朋友仔都覺得你唔夠man唔夠安全慼啦
4@自己身為男人~當然想自己係最叻果個啦~但你中意左個叻個你既~無理由因為厘d完因而...咩架iii

歡迎光臨娛樂滿紛 26FUN (http://26fun.com/bbs/)