娛樂滿紛 26FUN - Powered by Discuz! Board

標題: 燈神係利記背後的男人 [打印本頁]

作者: inoran2 時間: 2005-5-28 10:06 PM 標題: 燈神係利記背後的男人

<8強抽籤後>

至於利物浦抽中對祖雲達斯，普遍都覺得利物浦前路荊棘滿途，不過唯一好處是紅軍冇
乜心理壓力，更加有利球員發揮。但利物浦在聯賽仲要同愛華頓力爭第四名，恐怕分身
乏術，我個人而言還是較為睇好祖雲達斯

++++++++++++++++++++++++++++++++++++++++

< 利物浦2:1祖記 >

謝拉特撐唔起「紅軍」

利物浦對祖雲達斯，「斑馬兵團」攻守力都比「紅軍」為佳，就算作客亦絕對唔輸蝕，
今仗開出平手盤，真係抵買到極。利物浦有多名主將都唔出得，好以夏文、基維爾、摩
連迪斯等，而杜迪克、希比亞剛傷愈，加上巴路士只係盲頭烏蠅，全隊靠謝拉特一人支
撐，都幾難係祖記對手。雖然尼維特上陣成疑，但祖雲達斯人才濟濟，而且後防穩陣，
今仗好難失波；而祖記反擊快速，贏埋亦絕對唔奇。

「孖膽」好路玩得過

今日既然咁好路，就順便作出「孖膽」推介，頭關利物浦一仗，主隊難以入波，半場
0:0、0:1成數高；全場祖記有贏冇輸，除0:0外，補埋0:1、0:2、1:2數；里昂局勢更
鮮明，半場雙選0:0、1:0夠晒；全場亦係雙選1:0、2:0已足。

+++++++++++++++++++++++++++++++++++++++++++++

< 祖記0:0利物浦 >

祖記招牌「1:0」可翻身
歐聯吸引在賽果難估

另一場大戰是意大利黑白兵團祖雲達斯主場對英格蘭紅軍利物浦。首回合，紅軍主場贏
二比一，可以說是放虎歸山，祖記有作客入球優勢。次回合由祖記主場，攻勢必排山倒
海，紅軍難守足九十分鐘。
無論謝拉特能否上陣，利物浦都有難。首回合，他們因門將卡臣失誤讓祖記獲得寶貴的
作客入球。次回合，祖記就算贏一比○都足夠晉級。

利物浦打穩守突擊，前線巴路士如盲頭烏蠅，獨自闖關好難入波。祖記好大機會贏一比
○或二比○，玩兩個波膽仲過癮。

+++++++++++++++++++++++++++++++++++++++++++++

< 車路士0:0利物浦 >
車仔1:0招牌波膽好路

莫連奴絕對有能力繼上屆率領波圖奪得歐聯冠軍後，今屆帶領車仔進軍土耳其舉行的歐
聯決賽。

利物浦在歐聯經常有神來之筆，包括十六強淘汰利華古遜、八強淘汰祖雲達斯，紅軍所
射入的靚波都是適逢其會，可一不可再，而且利物浦的所有殺，例如希比亞的助攻、
謝拉特的遠射，均在莫連奴的計算當中，要取得作客入球甚為困難。

我深信車路士在首回合穩勝利物浦，若嫌1.53倍W乏味，可捧1:0波膽，因為車路士今仗
不會失球，利物浦亦盡量避免大敗，1:0是雙方可以接受的戰果。

+++++++++++++++++++++++++++++++++++++++

< 利物浦1:0車路士 >

利物浦主場鬥車路士，香港好多球迷對兩支球隊都非常熟悉，要分析今仗兩軍優缺唔
難，但要估邊隊入決賽，就非常傷腦筋。究竟係實力高一線o既車路士得勝﹖抑或聯
賽、歐聯表現天同地比o既利物浦贏波，今晚自有分曉。

若論矚目程度，「紅藍大戰」實遠超AC米蘭一場。香港人鍾意睇英超，兩軍於本地都有
大量fans，今晚無論男女老幼，都會直擊今場大戰，唔睇真係冇話題。雖然話今仗勝負
難料，但去到四強階段，Peter深信優勝劣敗，車路士可以贏波。車仔剛取得聯賽冠
軍，本季已兩度捧杯，成班波信心、士氣一流，今仗可乘勇晉級。首回合打得保守，但
今仗車仔將會截然不同，相信佢地一開波就會狂攻利物浦，希望盡快取得入波，到時入
決賽就非常穩陣。因為利物浦攻力曳，要「紅軍」入番兩粒，機會微乎其微。莫連奴知
道同對手踢高波無著數，會向邊線埋手，故祖高爾、杜夫、洛賓三個邊線球員，其中兩
個必會正選上陣，到時「紅軍」就惡搞。車路士今仗勝望濃，先入波機會大，祖高爾和
林柏特狀態大勇，玩首名入球可以考慮佢地。

利物浦攻力弱，成班波只係踢謝拉特、希比亞同加歷查三個球員，殺入四強已經有晒交
代。「紅軍」晉級次次都靠一股破釜沉舟決心，但並非每次都奏效，相信呢次「童話
式」神奇之旅，係時候告一段落。

+++++++++++++++++++++++++++++++++++++++

< 利物浦3:3(3:2pk)ＡＣ >

歐聯決賽勿感情用事

萬眾矚目歐聯決賽殺埋身，ＡＣ對利物浦呢場重量級大戰，各位球迷真係要戙高床板
慢慢欣賞，我為呢場大戰亦準備大量數據同理論提供畀各位參考，經過反覆思量，雖
然感情上我鍾愛利物浦，但理智卻叫我捧ＡＣ！

總結利物浦捧唔過，有以下五點：一、利物浦球迷數量實際上多過ＡＣ，加上普遍球迷
有鋤強扶弱心態，今仗紅軍受讓，必然吸引大量投注；二、光棍佬仔，便宜莫貪。利
物浦受讓，咪以為好數，隨時係陷阱；三、利物浦今屆入過聯賽杯決賽，最後輸畀車
路士，佢係「決賽球隊」，卻非「冠軍球隊」，令人有陰影；四、利物浦今屆海鮮味
實在太濃，次次都在被睇淡之下贏波，今次未必行得通；五、紅軍門將杜迪克表現唔穩
陣，歐聯決賽不容許失誤存在。

ＡＣ聯賽連番失利可減壓

ＡＣ的平均實力比利物浦強，留意該隊近期動態及傳媒訪問，均以歐聯決賽為最大目
標，首先是練安察洛堤早前表示，球隊無法同時兼顧意甲聯賽同歐聯，而會方早已把
歐聯冠軍放在第一位，因此該隊在季尾意甲聯賽頻頻失分而輸掉冠軍，其次該隊近四仗
未嘗一勝，除留力之外，亦有為球員減壓的效果，香港名駒「精英大師」連勝十七場後
亦要輸一場，輸完可以從頭來過，ＡＣ連仗失利，球員積存贏波飢渴感，準備在歐聯決
賽完全釋放出來。

我當然希望利物浦一搔廿一年之癢，捧走歐聯冠軍，但理智告訴我ＡＣ才是最佳選擇。

作者: szekit88 時間: 2005-5-29 02:24 AM 標題: @@

真的好燈......
場場對開對家....

歡迎光臨娛樂滿紛 26FUN (http://26fun.com/bbs/)