娛樂滿紛 26FUN - Powered by Discuz! Board

標題: [6/6兩性加分題]『癩蛤蟆想食天鵝肉』 [打印本頁]

作者: 月月鳥 時間: 2005-6-4 03:01 PM 標題: [6/6兩性加分題]『癩蛤蟆想食天鵝肉』

昨天,我同3個fd去睇戲( A B C ),而 A 就帶左個女朋友仔來,都幾靚嫁,咁在開場之前,B就同我一齊去廁所,佢就一路放水一路話 : 「 A 咁的樣,竟然有條咁正的女,正一係『癩蛤蟆想食天鵝肉』。

我聽完佢講,我冇答到佢,
只是心想 :
癩蛤蟆真係不能吃天鵝肉嗎?
我覺得比起果隻成日縮在水井下面,
只看到頭上那細小天空和自命不凡的「井底青蛙」( B )來說,
A 雖然不英俊,但佢冇自慚形穢,仲有雄心壯志,去追個女仔,
這樣,A不是比B更遠勝一籌嗎?
況且癩蛤蟆真係不能吃天鵝肉嗎?未必ge,因為萬物在變遷,
以前認為不能的事,即人類登月,今天都成為了現實,在古人眼中,
這不也是『癩蛤蟆想食天鵝肉』嗎?
其實一個人只要認準前進的目標,積極進取,何嘗不能吃到天鵝肉呢??

大家有冇類似的case呢??有的可以同我地分享下,
冇都可以討論下

積極回覆主題之會員, 每人可加 5~30分, 視回覆質素而定
(積極回覆之定義: 字數起碼超過30 及有意義同時貼題之回覆)

[ Last edited by trista_cheong on 2005-6-5 at 01:19 PM ]

作者: 樂壇渣Fit人 時間: 2005-6-4 03:26 PM

呢條題目擺係戀愛區仲正喎

作者: 'nice' 時間: 2005-6-4 05:04 PM

類似的case?
果個諾貝爾物理學得主楊伯伯取左個二十零歲的女仔,算唔算癩蛤蟆想食天鵝肉?

其實我又覺得唔可以咁講的,因為好多女仔睇男仔第一眼可能係男仔個樣,
但長時間的話,女仔會比較關心個男仔的性格,氣質...

而且好多時候,有事業的男人對女人黎講都係好有魅力的,
所以唔好恨某些醜男有條正菜啦,呢個醜男一定有令個女仔著迷的地方的...

哈哈...

作者: naz124 時間: 2005-6-4 05:22 PM

I think it is true 蛤蟆 cannot 食天鵝肉. But, 蛤蟆 should be defined as a combination of ugly, no talent, no money etc.

作者: taipotse 時間: 2005-6-4 05:51 PM

其實...我覺得B咁講自己因為吃不到的葡萄是酸的姐
個社會不嬲都好接受醜男配美女架啦
男人果邊唔講女人果邊不嬲都唔會好似男人咁注重個樣架啦?
行係條街都其實都好多醜男美女拖友身邊都有不小例子
反而.... 我覺得好多人接受唔到美男醜女配喎
你睇當年舒其黎明一對被人插到死
我女朋友都好唔鍾意鄭希兒同阿DEep一齊
美男醜女配比醜男美女配條路更難行!
因為不單男人唔幫個醜女
有時連佢地既同類女人都唔會幫佢

作者: 火柴仔 時間: 2005-6-4 06:52 PM

因為吃不到的葡萄是酸的...................

作者: hello1234 時間: 2005-6-4 09:52 PM

咁如果醜女同靚仔呢?
覺得奇怪點解通常都淨係會話醜男"癩蛤蟆想食天鵝肉"

作者: stone86 時間: 2005-6-4 11:01 PM

我自問唔係靚仔,但我識到同2個女仔拍拖,d朋友見到都會話靚
(因為有次朋友同我講,佢話返比以前同學知,話x(我)的女朋友都幾靚架,下次出來睇下呀)
我有時在街拖住佢,都覺得配佢唔起的(但我唔可以比女朋友知,因為佢選擇左你,就証明左你自己唔係咁差)
我追女仔的心態是,就算追一些唔好樣的女仔,都會比你食檸檬,咁不如找d靚女好過.
況且有時真係想同佢做下朋友都開心,跟本無想過可一齊,自然就無壓力,咪可以開開心心做下朋友,當相處耐左,佢可能發現你的優點,你關心佢多d,就可能有意想不到的結果.
其實唔係癩蛤蟆都想食天鵝肉啦

作者: way_ee 時間: 2005-6-5 12:21 AM

女人既眼光係好特別架....佢地會因唔同時候轉變
我小五時有個朋友仔，讀書好差架、樣子平平、運動又差、又怕羞，但全級都知佢鍾意個成績全級第二既靚女，而個女仔就鍾意全級第一既男仔(仲幾靚仔)。死喇佢個對手咁勁....... 我都叫佢放棄架喇，佢都聽話，除左Keep住同個女仔好友善做Friend 外都冇做多餘野。升中後各散東西後就冇再聯絡佢地。
上年我地先聯絡返，出黎時已經見佢地拖住手囉(個男既比以前醜樣左，成臉暗瘡，真陰功)。原來佢已經做左幾年野，做自己生意搵到錢呀，有車有樓，咁多年佢都有Keep 住contact個女仔，上年開始發展。咪終於比佢等到囉… 但佢等左十三年....

當年佢係"癩蛤蟆想食天鵝肉"，但呢家衰d個句反而係"天鵝想食癩蛤蟆肉"囉…
諗返自己真係冇資格話人地"癩蛤蟆"，比起佢等十幾年既毅力我自嘆自己係"地底蟲"....

[ Last edited by way_ee on 2005-6-5 at 12:22 AM ]

作者: netharmon 時間: 2005-6-5 01:07 AM

我都有d朋友(唔俊)追到幾靚既女仔,佢地有d就運動好好, 有d就風趣,細心同多話題.
女仔好多時都唔係只著重外表, 內心的溝通最重要. 男方的前途都好緊要

記得有朋友講過,男仔追求女仔現在(外表),女仔追求男仔將來(前途)

** 係咪真係有分加的 **

作者: hkcitywong 時間: 2005-6-5 01:09 AM

唔唔,各位都好似審錯題bor

大家既論點都只不過為蛤蟆作定義例如有內涵啦,有錢啦,細心啦, 老實講,如果有內在美就唔算係蛤蟆啦,只不過係外表似蛤蟆既天鵝jei, 我諗個重點係: 如果我真係蛤蟆,咁食唔食得天鵝先?

我就覺得冇問題啦,即使我冇錢唔叻又如何? 冤豬頭都有"盟" 鼻菩薩啦, 呢d野只要你情我願, 嫁個乞丐都吹唔脹bor, 又唔係計數,邊有得逐個point 計得咁盡, 如果真係要比, 兩個人總有一個係差d, 咁咪盞大家唔開心?

作者: Rika 時間: 2005-6-5 01:26 AM

Originally posted by 月月鳥 at 2005-6-4 03:01 PM:

我聽完佢講,我冇答到佢,
只是心想 ...

我都有個case係關於一個外表極衰既男仔一路都想溝一D好靚既女仔, 個男仔唔覺得佢外表有問題之如, 仲要對女仔有要求, 要溝D中上質素既, 佢失敗左無數咁多次, 不過我覺得有自信, 敢於嘗試係好事, 我都想佢早日搵到個女仔同佢一齊, 有D井底蛙, 自命外表不凡(自以為), 等女仔自已埋黎, 呢D我覺得其實係唔敢出去識女仔, 試下無壞, 唔試又多多理論o個D就最煩

作者: alexkelly 時間: 2005-6-5 01:41 AM

我正是那種唔敢去主動識女仔的蛤蟆!
http://www.26fun.com/bbs/viewthread.php?tid=52665&fpage=1

但我覺蛤蟆真係應該要有自知之明!
獻醜不如藏拙!!!!

作者: jublio 時間: 2005-6-5 02:00 AM

點解唔可以癩蛤蟆想食天鵝肉呢？！

如果癩蛤蟆想食，咪去追囉…可能天鵝都想食蛤蟆肉呢…

有時唔試就唔知結果會係點，
追:有1/2機會食到天鵝肉，
唔追:就一定食唔到，
唔試又點知天鵝唔想食

有時唔洗理自己係咪癩蛤蟆，人地係咪天鵝，
最緊要係對方係愛你同接受你係癩蛤蟆嘅事實！

癩蛤蟆可能會為天鵝改變而最終成為一隻青蛙王子！

反而好似B呢類人，剩係識批評人，無好好了解自己原來係隻井底青蛙，
永遠唔知道行動勝於理論，只隻識得係個井入面做自己覺得啱嘅野，
永遠都做唔到公主所鐘意嘅青蛙王子！

我個人覺得如果個靚女鐘意你，而你又因所謂嘅自知之明(<-自卑)而無表白，
將來一定會後悔！

有信心對於一個人黎講好重要，對於女仔黎講都可以話係安全感嘅一種。
令女仔覺得你對乜野事都有信心，咁樣女仔就會覺得呢個男仔係可靠！

[ Last edited by jublio on 2005-6-5 at 02:07 AM ]

作者: fmchelloauntie 時間: 2005-6-5 10:34 AM

Originally posted by 'nice' at 2005-6-4 05:04 PM:
類似的case?
果個諾貝爾物理學得主楊伯伯取左個二十零歲的女仔,算唔算癩蛤蟆想食天鵝肉?

但係佢有才華wor...其實"癩蛤蟆"係講樣定係內在呢...好似偏向形容樣貌~...
就算有才華,又好人,又有錢,不過就係因為個樣生得唔好,就會俾人話係"癩蛤蟆"...
----------------------
咁除左後天補救之外,好多野都係天生的...
一生出黎唔靚仔既真係好慘wor...
而0係女仔方面黎講,我覺得就算佢地話"我唔介意我男朋友係咩樣"...其實多多少少都會注意樣貌,外表...
我認為"癩蛤蟆想食天鵝肉",係一件好難既事,就算真係俾癩蛤蟆成功,都會俾世人話你,話你係"癩蛤蟆食天鵝肉"...
除非你係一隻有才華,又好人,又有錢既癩蛤蟆...如果唔係既話,係好難食到天鵝肉...所以...係有得努力的!!

作者: trista_cheong 時間: 2005-6-5 01:05 PM

點解唔擺o係戀愛區=.="

作者: conversekita 時間: 2005-6-5 01:25 PM

"樂壇渣Fit人"其實呢個問題可以分柝為三

其一是「絕大部份人都覺得天鵝價值比蛤蟆高」
其二是「靚女就一定係好野」
其三是「樣衰就唔應該甚至無資格追求好野」

我覺得唔止wo
仲有
大部分男人都想食天鵝肉
其實我個人認為天鵝肉~無幾個係好架wo
即係~靚既~可能佢人際x係唔好~可能脾氣唔好~可能菇辟丫~可能花心.....
我覺得厘d缺點都係"天鵝肉"比較易揾到~so天鵝肉未必一定好既

作者: 秋葉林 時間: 2005-6-5 04:14 PM

我覺得呢，唔係話癩蛤蟆唔食得天鵝肉，不過就唔係話隻隻癩蛤蟆都食得落囉，我自己就曾經係一隻試過食天鵝肉嘅癩蛤蟆。

我呢都算係一個比較有內涵﹙即係外表唔係咁吸引﹚嘅人，曾經就有過一個幾靚嘅女朋友﹙有啲似女生宿舍嘅 Macy﹚。佢係一個好活潑同熱情嘅女仔，而且都幾 in 幾鐘意打扮，班 friend 成日都話我今鋪真係一次過用晒祖先績落嚟嘅福蔭。

可惜我偏偏係果啲無乜自信嘅人﹙無計啦，自己係癩蛤蟆嘛﹚，所以同佢拍拖咁耐就擔心足咁耐，見佢成日著小背心、熱褲就硬係周身唔自在﹙男人係咁衰，未係自己女友果陣就好鬼鍾意見到佢著成錦，做咗自己條女就 ......﹚；佢又天生好 social 好 active，所以好多人﹙包括啲條件唔錯嘅男仔﹚成日响佢身邊係咁轉。

同佢拍咗半年，講真兩個人果陣、又或者拖住佢出嚟見班 friend 真係幾好 feel。當然我唔係純粹為咗威先同佢一齊，佢真係一個好好嘅女仔，我都不知幾咁鍾意佢﹙我估佢都應該係，不過佢無講過鍾意我啲乜﹚，但係去到最尾我都係主動提出要同佢分手。

我哋分手並唔係因為嗌交或者係第三者，只係我覺得同佢一齊真係好大壓力。個人成日胡思亂想但係又唔可以同佢講﹙俾佢知實聽嗌交﹚，同啲 friend 呻佢哋又話你晒命，真係好辛苦而唔係幸福。

所以話呢，食天鵝肉嘅癩蛤蟆唔係個個都得，食得鹹魚要抵得渴，想要食天鵝肉之前，癩蛤蟆們真係要做好心理準備。當然只係諗住拍散拖嘅咪試下囉，不過我自己就接受唔到喇。

作者: 圖圖圖 時間: 2005-6-5 04:57 PM

首先，我覺得b會咁諗，完全係因為好大部分人都會有一種「外在美等於一切」的心態。認為靚就係好野，靚就係天鵝，唔靚就係癩蛤蟆。但事實上係咪咁先？
我唔否認靚ge野人人都鍾意睇，但去評價一個人，外表之外，都仲有好多因素。
係呢個case入面，可能阿a係唔靚仔，但係就勝在人好，又或者對個女仔好好，好識乙水佢開心。
我有時好懷疑，對女仔來講，靚唔靚仔係咪咁決定性的因素？可能對佢好會更重要。
假如有一個男仔，超靚仔，但對女人激差，呼呼喝喝又唔尊重，仲會"照"完唱。另一個就唔靚仔，但對女朋友超好。比你係個靚女，你覺得邊個先係癩蛤蟆？

而且，靚女的確係有好外表，但如果開口埋口粗口，行為又粗鄙。你比我選，我會寧願要個唔靚(但都唔好太醜)，但性格溫順的女仔囉。對我來講，咁會天鵝過一個樣靚但行為樣衰同勁臭串的女仔囉。

咁至於如果真係癩蛤蟆可唔可以食天鵝肉？
我覺得絕對可以，因為如果無咁ge情況發生，大家就唔會問咁ge問題啦。(正如我地唔會問：你覺得男人可唔可以生仔。因為明知唔得。)
其實只要當事人鍾意，旁人係管唔著ga。
d人咁講，係因為.....妒忌囉......「點解我咁好都無，咁佢樣衰仲好過我....」呢類心態。

作者: adelino 時間: 2005-6-5 09:36 PM

雖然我唔靚、唔大隻、唔有型！但我未曾試過當自己係癩蛤蟆，我之前都有試過同一 d 靚既女仔拍拖！同佢地行街果陣，我唔會有配唔起佢地既感覺！我係屬於一 d 好有自信既人，有自信心既程度將近到自視過高既境界添！靚女係人，豬扒亦係人，總之，人，一生落黎就註定俾感情 lee 樣野去玩弄，所以我知道，無論任何事都好，只要動之以情！就得架喇！
我個人覺得，識女仔唔可以無信心！而信心係建基於本人既學識、經驗、經歷、同埋由細至大既成長既經過！覺得自己有不足既地方，就要去學！

回應返個問題！其實各有各好架唧！人地既野，都唔關你事架！

我有個 fd ，個女朋友好現實！凡事都講錢！每個月要幫個女朋友找 card 數，個女仔仲要不斷向出面識男仔，唱通街話自己單身，但係個fd 就好鐘意佢，好就佢，當其時真係忍唔住想同佢講，不如分手喇，唔好搞到自己咁樣，正因為個女仔好大洗，搞到個 fd 要周圍借錢過活！後來有一晚約左我地出左訴苦（差唔多日日都係咁，係睇下佢叫邊個）！其餘果班朋友都同佢講叫佢算，但係佢自己話唔捨得！後來果班朋友叫我同佢講，我就好大聲咁話佢：「你當初溝女果陣，無人楂住支槍迫你，食得咸魚抵得渴，當初你身邊既人個個都叫你唔好溝佢，你係唔聽。既然當初我地講既野你都唔聽既，咁我地而家都無野好講！」跟住我就走左喇！過左唔夠兩個禮拜，個女仔主動同佢分左手！之後佢同我講返，話我當晚點醒左佢！

其實人地有無女朋友，人地女朋友係點，又或者人地有無錢，讀書叻唔叻，份工一個月有幾多錢！
我想問：關你咩事呢？？？？？？？顧掂自己先啦！！！！！！！
人地個女友靚唔靚你都要管既，咁你都好霸道下喎！！又唔關你事既，你咁關心做咩先？？
係咪咁講！！

作者: gobreak 時間: 2005-6-6 11:48 AM

擺明就係阿B唔掂啦，就算人地真係樣衰，起碼人地有能耐可以溝到靚女，女仔搵男朋友唔係淨係睇樣既，男仔有好多方面可以吸引到女仔架嘛，好可能阿A有既係內涵，呢家野真係唔係個個有，人地個靚女就係識揀。

阿B就絕對係唔抵得者，唔抵得之餘仲有D低能幼稚，講真唔抵得就實有D架啦，不過放係心咪算羅，無謂講出黎啦，呢D野係你自己唔爭取，與人無尤，係人背後閒言閒語咪贊俾人笑幼稚，咁幼稚既人就通常冇女仔鍾意既，so阿B溝唔到女都係好正常既...

作者: 月月鳥 時間: 2005-6-6 06:42 PM

Originally posted by gobreak at 2005-6-6 11:48:
擺明就係阿B唔掂啦，就算人地真係樣衰...

好,好推翻舊論,建立新論

作者: gundamman678 時間: 2005-6-6 07:34 PM

其實都冇乜討論可言，因為呢樣野冇話得唔得既。男既樣衰又點，佢有勇氣追靚女既係可以追架，佢有權咁做，但人地接唔接受佢又係人地既選擇。人地同佢一齊都係佢應得既，人地唔選擇佢又係佢自己應該有既準備，所以有乜話襯唔襯，根本唔關外人事。

追女仔既野就係咁架啦，講技巧、講天時地利人和。男既樣衰要追靚女既話係高難度挑戰，一開始就應該有心理準備會失敗。但如果俾佢成功左，咁又係佢值得擁有既。你都可以搏一搏追靚女架，邊個叫你唔追?

作者: jy0620 時間: 2005-6-6 09:47 PM

如果真的是個道地的『癩蛤蟆』-沒外表沒背景沒內涵,卻想吃天鵝肉.....
本人佩服她的決心和勇氣

想想如果林志玲真的是你女友
同時天底下有成千上萬的其他男人肖想自己女友....

不過也因為如此,真正漂亮的天鵝,敢去吃的也沒幾個
因為想想自己如何,自慚形穢馬上打退堂鼓了....

作者: alexkelly 時間: 2005-6-7 12:11 AM

我返而想將問題分開"追求"同"一起過日子"!
你地有無諗過?!
追女仔黎講!癩蛤蟆同青蛙王子的最大兼永遠分別!?
咪就係樣囉!樣係天生嫁!你係八兩金!
你整左容會變edision嗎?!
你話edision無內涵?佢可以改,可以扮!
起碼在追女仔時,女仔會被男仔美貌呃到!
但你係八兩金,你連去顯示自己的優點的機會都未必有!(有都唔多!)

所以我一直想癩蛤蟆唔係唔食到天鵝!
你要我在街追索女!你話追到就俾十萬我!
我就唔信冇edision樣既我用誠意唔可以追一個索女!
好快可以拖手,咀,甚至xxx!

但係癩蛤蟆最顧慮既係追到有點!?
用盡心機追完,玩左一星期倒之後散(被天鵝感到一起無她想要的幸福)
唔通真係有不在乎天長地久,只在乎幾十年人生中在幾日間耗盡心血金錢,
換剎那間快樂?!(人地都話唔代表永恆啦)
所以問,癩蛤蟆為得到天鵝而付出的究竟值唔值!?
當中包括外間言論,壓力,每天被天鵝背後嫌棄
(女人心唔係自己控制,不能說自己睇開d咪得囉!你自己睇得開,天鵝都睇唔開啦)

我覺得追求真係好易踏出這一步,甚至成功追到的機會都唔係低
但長久一起的現實例子世界上俾到幾多個你睇!?
成功唔係人人有,係要靠自己的本錢!

(我語氣一D都唔激嫁,你地唔好誤會,
只係設問方式等你地自己心裡問下自己真係可以咁唔在乎一切,只為食天鵝嗎!?hehe!)

作者: 天使藍 時間: 2005-6-10 04:49 AM

其實最重既都係睇下兩方面介唔介意嫁姐(回應完)

同埋你地覺唔覺,好多時都係
一個就靚仔+一個唔靚女
一就靚女+一個唔靚

硬係有一方係唔ok

作者: 魔術師 時間: 2005-6-11 12:05 PM

世界上邊邊有癩蛤蟆各花入各眼你可能係世界上最樣衰個個但係鐘意你個個就認為你係世界上最靚點解?因為愛情係講Feel 唔係講樣到時40歲個時咁點?另一半係癩蛤蟆但係自己都係樣係會變家.... 但係人既性格點都唔會變就算你話之前專一 E家出去混但係你只要做少少野佢個真正既性格就會返黎樣係無可能癩蛤蟆存在咩? 天鵝有咩?到左死既一日大家既距離都會拉到一樣入土為安只不過係時間就算係癩蛤蟆只要係心地好最後都會變成天鵝相反你個樣係天鵝但係個心係癩蛤蟆就一世都係所以根本唔係有癩蛤蟆想食天鵝肉既存在...

作者: kingkong007 時間: 2005-6-11 11:35 PM

只要互相欣嘗對方,你就是對方心中的天鵝

作者: today2028 時間: 2005-6-14 05:18 PM

須然話萬物在變遷, 世事無常, 今日你可能係窮光蛋, 聽日可能飛黃騰達, 但講到『癩蛤蟆想食天鵝肉』,真係好難, 往往失敗居多.

但話分幾頭, 唔同天鵝有唔同難度:

1.  如果隻天鵝係有錢女, 老豆有大把錢又有大生意 --- 咁你肯上進, 又或者你本身係好叻, 只係冇機會比你發揮, 都有機會借助你隻天鵝比你嘅幫助而上位, 拉近你同隻天鵝嘅距離. 成功機會幾大.

2.  如果隻天鵝係有錢女而又靚女 --- 而你又有(1)所講嘅條件, 咁你就要問下自己靚唔靚仔, 如果答案係”no”, 咁你都唔駛諗, 因為從來只有有錢醜男配靚女, 永冇有錢靚女配醜男. 就算同你一齊都係貪新鮮, 貪玩, 一定唔會長久.

3.  如果隻天鵝係有錢女而又靚女又有教養, 呾就算你幾叻幾靚仔都冇用, 因為你地對生活要求, 質素, 形式完全唔同, 係心態上好難配合, 就算想勉強係埋一齊都冇可能. 想食天鵝肉? 發下夢就得.

作者: 雷公 時間: 2005-7-6 12:05 AM

真的是奇蹟嗎?

版主,見你開呢個topic,我即刻諗起我個friend 中四單野...

我中四有個friend,叫阿B[/color],(完全唔靚仔,個樣木木獨獨,一睇就知係個磨碌黎,但又有dd肌肉,):cool:,
鐘意左同班架女仔(係幾靚女,上過Yes雜誌

)

阿B同我地幾個friend都係幾friend底
當然佢敢木獨,當時架佢都係做嗰個比我地玩架,帶比我地玩架主角啦:cool:..
我地緊知道佢鐘意人地啦,我地個個都笑佢慳d

:cool:

阿B有次好認真敢問我地呢幾個有女朋友架friend過橋比佢追女
當時架我梗係玩野啦,求其講話送禮物,接送放學呀,打電話問候佢呀呢"行"野橋比佢啦
不過佢份人就天生樂觀,當放學嗰時佢真係都會送個女仔番去(正確係跟佢番去)

初頭個女仔雖然無話叫佢死開d,但都完全唔會理佢嗰隻架la
個女仔自顧自同佢d女同學仔一齊,佢就跟係隔離唔出聲,個女仔都叫佢唔好送,
講明唔會鐘意佢,但佢都照日日送,
敢我地呢班賤精梗係,得閒唔陪女嗰時
放學咪遠遠架後面跟住睇吓啦,幾過癮

送左一個月之後架一日(大家記住,係一個月,在下五體投地)
奇蹟架事就敢發生左
有一日個女仔如常被佢送番屋企..我地又好遠敢跟係後面睇吓有咩好笑野啦
當個女仔行到一條樓梯架時候,樓梯最低個級有灘沙係上面(應該係d裝修佬留低)
個女仔行到條樓梯中間時,而阿B仲係梯頂,
佢就發揮佢以為好英雄feel架舉動,
就係由梯頂一跳,跳落去梯底,諗住先一步扶住個女仔啦,等佢唔好跌親
大家唔好笑,佢真係諗住扮型,所以想一跳就跳到落梯底,
等可以係個女仔面前威吓 ---> (我都話佢磨碌架啦,無講錯架

)
跟住佢當場就好中唔中,佢自己先比d沙"線"左落地下,
我地係後面真係笑到仆街....

但阿B佢雖然係坐左落地下,佢仲同個女仔講: { 你小心d,呢度有沙 }
係我地笑緊之際,個女仔竟然問你有無事呀,而且仲扶起左佢,問佢有無事
個女仔係第一次係番屋企架時候開聲”彩”佢
阿B就話: {唔緊要,最緊要係你無事}
個女仔用手扶左佢起身之後,阿B就好似開左曉敢
捉住個女仔隻手無放開過啦,跟住個女仔就笑左一吓
就油佢拖住無再叫佢放開,佢一直送賣個尾段,仲入左佢個女仔屋企一陣
大家記住,當時係我地眼中真係一個奇蹟,我地萬萬都估唔到個女仔會比阿B拖住

Impossible!!!!!!!!!!!!!!!!!(點會磨碌仔溝到靚女)

我地係佢地入左屋,準備散水時,大家都你眼望我眼,呆左,唔敢相信
最後大家都知啦,佢地真係拍左拖,仲拍左2年半tim

於是我地就知個女仔架死穴係要一個隨時係身邊照料佢架feel,唔係要靚仔

自此之後,我就覺得做男仔想追人係靠嗰吓付出,
無話什麼癩哈毛想食天鵝肉架事
最重要你嗰吓令唔令到個女仔好感動
就係嗰吓ga ja

我覺得每個女仔都有一個死穴

,睇你拮唔拮得中架ja,明唔明佢嗰刻要d乜
跟本就無分靚女難追d,醜女易追d
有d女仔死穴係安全感
有d係要保護到佢
有d係要個男仔有經濟能力
有d係要同佢架背景和經歷相似架人
有d係要anytime比到關心佢

so我地得出架結論就係
追一個女仔係首先你要知道佢架死穴係乜,敢追佢就容易好多:cool:

各位兄弟,話比大家知
今年我23歲,大家睇我個樣都唔細啦
阿B今時今日佢仍然同我好friend

當然啦,佢依家絕對唔磨碌,仲成日串我地tim,變左串精
曾經追到條靚女令佢自信心大增左N倍啦
呢個pt真係比佢串番我地轉頭

我地幾個人架女友都無佢嗰個禁靚

阿B,真係好多謝你

,你教識我做人追女仔都係一樣,
未試過之前唔好打沉自己先,邊個話無可能呀,你有無盡過力先?:cool:

雷公往事一件,話比大家知吓
下面係佢我同佢架相,講緊佢d威水野,
相信佢唔怕show個樣出黎(死仔,"線番你一獲"當打和)
張相4年前影,左邊係佢

圖片附件: ok.jpg (2005-7-6 12:05 AM, 123.5 KB) / 下載次數 15
http://26fun.com/bbs/attachment.php?aid=421790&k=c34ae2f93af0b9dce6c25fce3311e3eb&t=1732226275&sid=Xu0uKk

作者: ronychan 時間: 2005-7-9 02:28 PM

通常呢d 諗法呢就出現係 25 以下的人士

大個呢個年紀應該唔會有呢個諗法 -0-

作者: 藍 時間: 2005-7-11 06:14 PM

睇左甘耐,好似大部份都係著眼於可吾可以食(我無一字一漏甘睇哂,所以可能有睇漏)
但係其實,我自己覺得"癩蛤蟆想食天鵝肉"呢句說話,只係一d對人地妒忌既人諗出黎既說話,何謂癩蛤蟆呢?醜樣就係癩蛤蟆?美同醜呢d野人人都吾一樣,雖然世俗間有個大概既標準,但係總會有d離世獨立之士,"情人眼裏出西施"呢句正正就形容呢種情況,係你既情人眼裏面,盡管你有無數甘多缺點,佢總能夠發現你可愛既地方,甘又何來癩蛤蟆呢

作者: pignose 時間: 2005-7-11 11:11 PM

癩蛤蟆想食天鵝肉…邊個係"癩蛤蟆"？邊個係"天鵝肉"？難道靚既就一定係天鵝肉？當你俾佢外表如天鵝般吸引住你既時候，但到你食落時只有一陣臭味，d肉爛既，咁做乜要食啫？當然世上有美貌有內在既係不足為奇，但無美貌既都無話就係癩蛤蟆啫。講乜都係假，實力最重要。如果你真係覺得自己係癩蛤蟆既，都係你自悲，或者你太妄自菲薄，又或者你係懶啫。邊個想做癩蛤蟆呀，覺得自己唔夠既麻努力進修，創一番成就，有學識有成就根本無人會睇你唔起。同埋我強調既係癩蛤蟆同天鵝肉淨係攞黎形容樣子美或不美只係一個好枯淺既比諭，最緊要係本身個人多方面既質素都係正面既，如性格學識健康等等…樣子只不過係因素之一。

作者: Ca2+ 時間: 2005-7-24 08:03 PM

『癩蛤蟆想食天鵝肉』
點解會拍拖..都係因為大家都看中了對方的某些優點....
b點解咁講...maybe因為佢自己冇女朋友啦...
不過..講還講...『癩蛤蟆想食天鵝肉』又好似過份左少少ge...
肯積極ge...應該會有回報ge!!!
一睇就知b係唔肯付出的人啦

歡迎光臨娛樂滿紛 26FUN (http://26fun.com/bbs/)