娛樂滿紛 26FUN - Powered by Discuz! Board

標題: 松山之魂[+左] [打印本頁]

作者: eraser 時間: 2005-6-6 12:18 PM 標題: 松山之魂[+左]

澳　門　鬼　故　事系列
之
松山之魂

於澳門無人不識、無人不曉 ------ 松山燈塔，松山燈塔可以講得上係澳門最有名的名勝之一，但係大家又知唔知呢個燈塔入面同佢周圍都係好猛鬼既呢？我一位澳門的警界朋友話我知；呢個燈塔入面係有一隻長髮女鬼！由於燈塔係需要有警察看守，所以見到呢隻女鬼既就多數都係呢班警察喇，據我一個警察朋友講，佢哋好多伙記都試過响燈塔入面見過呢隻女鬼，我曾聽過有位朋友講過一個好恐怖的就係有次佢守燈塔夜更，以前燈塔係有間房俾佢哋座既，當時係半夜咁佢就諗住 " 恰 " 一陣先喇，點知當佢啱啱 " 恰 " 著時，突然有人拍門，佢當然係即時彈醒啦，因為佢驚係查更搵佢，所以即刻去開門，點知佢一開門見到既竟然係隻女鬼捧住自己個頭企咗响度，佢當時真係唔醒都嚇到醒呀！而且仲關門都關唔切！真係恐怖！又聽過另一單係咁既，大家都知燈塔係有條好長既樓梯上樓上，試過有個更夜晚聽到有人行樓梯既聲音，職責所在於是梗係去睇睇啦，點知當佢行上去時就同隻女鬼撞到正！原來係隻女鬼响度自由行，自此夜晚 d 更都唔會理 d 怪聲，因為佢哋唔知會唔會係隻女鬼响度攪嘢。都係避之則吉好！
而燈塔出面既松山範圍亦係猛鬼非常，我亦聽過一位朋友夜晚守松山時巡邏至燈塔附近，當時佢係企响一棵樹下，突然聽到有人叫佢 " 喂 . . . " 咁佢覺得奇怪點解有人叫佢，於是佢就四圍望吓，原來係响佢對面山邊有個著白裙的少女叫佢，個少女同佢揮手，仲叫佢過來陪佢傾計，但佢個心諗夜媽媽邊會有一個女仔响個山度架。加上佢都心知個白裙少女都唔慌係人，所以佢就冇理佢行返落去有燈光既地方，之後天光佢行番上去，竟然見到那個少女企過既地方原來係一個危險山坡，如果我朋友佢當時行咗過去，佢就一定會跌落山 ... 個朋友事後諗番先知執身彩 ....
其實松山唔止燈塔猛鬼，防空洞亦係經典猛鬼點，加上松山其他地方亦傳出過不少鬼故事，且很多人選擇此上吊，令陰邪之說言之鑿鑿，所以我奉勸大家夜晚都係唔好去松山玩，以免見到 d 唔應該見到既嘢啦 ... 最後祝大家時時運高 .. 嘿嘿

[ Last edited by 左輪仔 on 2005-6-6 at 03:17 PM ]

圖片附件: 1.jpg (2005-6-6 12:18 PM, 14.2 KB) / 下載次數 7
http://26fun.com/bbs/attachment.php?aid=356321&k=c247ebad1861e78905fb9a387538b4bb&t=1732959140&sid=9tOKT9

圖片附件: 2.jpg (2005-6-6 12:18 PM, 5 KB) / 下載次數 14
http://26fun.com/bbs/attachment.php?aid=356322&k=cb8e1c58afa8a663eebb1aa613c21158&t=1732959140&sid=9tOKT9

圖片附件: 3.jpg (2005-6-6 12:18 PM, 20.6 KB) / 下載次數 22
http://26fun.com/bbs/attachment.php?aid=356323&k=365651f948f2717ec65fca54fb71d51c&t=1732959140&sid=9tOKT9

歡迎光臨娛樂滿紛 26FUN (http://26fun.com/bbs/)