娛樂滿紛 26FUN - Powered by Discuz! Board

標題: [6/7日兩性加分題]應該和她一齊嗎? [打印本頁]

作者: gundamman678 時間: 2005-6-6 08:25 PM 標題: [6/7日兩性加分題]應該和她一齊嗎?

我同一個女仔發展得好好。係我主動識佢既，當時我同佢係完全唔相識。現在發展到佢對我越來越喜歡，只是因為佢年頭才分手，想三個月後先決定同唔同我一齊。現在還有兩個月時間......

但問題就是我並非十分喜歡她! 最初是我主動認識佢，不過當時是對佢初步印象好有好感，所以先至去識佢。但識落左，溝通多左至發覺我同佢唔係好夾得來。佢係一個好靜既人，平時冇乜嗜好，唔鍾意行街買衫，去街怕熱，去遠d又唔搭得車船......但我又鍾意周圍行，去郊外，所以同佢一齊要諗去邊真係覺得好頭痛。而我同佢又無乜共同興趣，佢鍾意的我不喜歡，我喜歡的佢又冇興趣。平時講電話，佢又唔多野講，我講d野，佢又通常只係回應"係咩"之類，所以好多時都講到dead air......可能我本身都唔係咁活躍既人，所以遇到咁"悶"既佢就真係覺得大家一齊時冇乜樂趣。

但而家佢又真係好鍾意我喎，而我對佢都有d鍾意，但就唔係咁強烈......咁我應該俾d時間同佢再發展下，定係斷然拒絕，同佢表明唔想同佢一齊?

係我主動識佢既，而家佢鍾意我先至話唔同佢一齊又好似好衰咁......

[ Last edited by trista_cheong on 2005-6-7 at 08:30 AM ]

作者: kakeidevil 時間: 2005-6-6 08:43 PM

有豬唔食....罪大惡極!!!!
唔理乜野...食左先算啦~~~~~

哈哈^^
講笑.....唔好介意....

我覺得如果係鍾意既咪開始囉....
興趣呢樣野慢慢培養囉....話唔定第時你會好love佢呢....
開始左....大家都開心....如果真係唔夾既先分開囉.....
如果而家冇開始....將來你可能會後悔莫及喇!!!!!!

作者: gundamman678 時間: 2005-6-6 08:52 PM

我好怕開始左之後至同佢分手會hurt到佢......佢話之前拍兩次拖都分手，佢覺得好hurt了，所以今次佢咁小心要俾三個月時間去發展就係咁解。所以其實我都諗可能同佢一齊耐左會越來越夾，應該可以一試掛? 但一諗到如果第時先發現唔夾既話，對佢黎講實在太大傷害了，所以.......

作者: naz124 時間: 2005-6-6 09:13 PM

How old is she? Don't waste her time if she is near marrying age.

作者: gundamman678 時間: 2005-6-6 10:26 PM

佢25歲，都幾靚女架~~

作者: kakeidevil 時間: 2005-6-7 12:41 AM

Originally posted by gundamman678 at 2005-6-6 08:52 PM:
我好怕開始左之後至同佢分手會hurt到...

成日如果..........

如果未開始過又點知將來會唔夾啫???
唔好咁婆媽啦.....成日都驚怕傷害人.....你係咪男人黎ga???

咁不如你介紹個女仔比我......
我唔會傷害佢既......好冇????
如果你唔同佢一齊.....真係傷害佢喇!!!!

老友...你自己唸清楚喇!!!!
如果第時你見到佢拖住第二個男人...我睇你有咩感受!!!!

作者: johnwu 時間: 2005-6-7 02:07 AM

Originally posted by gundamman678 at 2005-6-6 08:25 PM:
但問題就是我並非十分喜歡她!

There is your answer already...
Don't waste your and her time...

作者: kingamix 時間: 2005-6-7 11:01 AM 標題: 應該和她一齊嗎?

她愛你多過你愛他是嗎？如果你和她在一起了該會很幸福的信我吧！亞門！有那麽好的女孩你都不珍惜她。。。太可惜了不如你介紹我吧好嗎？我來之馬來西亞的

作者: gundamman678 時間: 2005-6-7 07:46 PM

我就是很怕傷害女孩子嘛!

她不想在感情上再受傷害，而我對感情也不是玩玩下的，我希望黎緊呢次拍拖係結婚對象架啦，所以我要想清楚才和她一起。

作者: smallbox 時間: 2005-6-7 08:06 PM

ok let say if u are nice enough to not hurt her, but then can u protect her from being hurt by millions of other guys out there?

I mean if u yau d feel gei, mai give it a try lor~ Since she yau yau d like u~ Start jor hai give both a chance! don't just think u'll hurt her!! think of the happy times that u'll give her~ even if u two break up later, its still gonna be a good memory between u and her!

作者: Edison 時間: 2005-6-9 10:03 AM

Maybe she has same feeling about I think you should have a talk about breaking up or staying together. This is the best way it won't hurt either of you.

作者: jy0620 時間: 2005-6-9 02:05 PM

Originally posted by gundamman678 at 2005-6-7 07:46 PM:
我就是很怕傷害女孩子嘛!

她不想在...

拖的越久,拒絕的傷害更深......

你得找個方法確認一下你自己心裡的真正的感受
然後,用溫和手段解決問題....

不過說的容易作起來到不簡單....

解鈴還須繫鈴人!

作者: 天使藍 時間: 2005-6-10 04:40 AM

如果佢鍾意你佢就唔會咁啦=.="
既然你又唔係咁鍾意,咪唔好一齊住先囉
朋友可以繼績做,第時有機會既咪先一齊囉
冇謂到時喊苦喊忽咁分手啦

作者: kaixinren 時間: 2005-6-12 01:33 AM

算啦，唔好纍人啊！就算給你頂到一時又點，遲早分手！

作者: today2028 時間: 2005-6-14 05:17 PM

你講得係你主動識佢, 仲要你當時同佢係完全唔相識, 佢有乜背景, 喜愛, 習慣你都唔知, 但係你都追佢, 咁佢一定有d嘢吸引你啦. 而家呢d因素仲存唔存在呢,

1. 如果仍然存在, 咁只係你發覺佢鍾意你多過你鍾意佢, 好自然你就冇咁著緊同覺得佢好多缺點同唔係好夾. 但當佢對你冷冷淡淡, 你又會好掛住佢, 佢d缺點又變成優點, 佢鍾意你就會好享受同佢一齊寧靜嘅氣氛…..唔通你又想咁咩. 所以你應該比多d心機去愛佢, 令到你鍾意佢多過佢鍾意你

2. 如果巳經唔存在, 咁就真係諗都唔駛諗----分手啦, 因為你地根本係唔同嘅人, 係埋一齊根本就係錯.

作者: 愛是最大權利 時間: 2005-6-19 04:07 PM

你地係一齊後～可以發掘共中的興趣的＝＝”
我覺得～如果一對戀人係真心喜歡對方＝＝”
係會為對方作出改變的＝＝”
一對戀人會互相影響的＝＝”
只是個人意見~是否能這樣就要看看大大你唷~

作者: wahaha1234 時間: 2005-6-21 05:52 AM

佢都好like你wor講咁多野你聽.未開始就講hurt佢.仲要拖住你三個月tim!!@@
我o既point係大家都係成年人黎jei.冇話咁易hurt到o瓜.細路仔咩...=.=
佢可能想比 d 其他的signal你ar. Eo的你要留意下la~唔知.
喜唔歡喜e d 係時間問題黎gei講真...興趣唔同都唔重要ga.
我同我條女興趣好唔同la.冇問題.
相處講o既係真誠ar ma.說話唔駛多..你明唔明....
你話要結婚對象ar ma..就係咁一齊ga la...
AI..你駛乜驚喎佢咁like你.....其實你係驚佢hurt返你轉頭ar??

係我就任何靚女都唔放過la:cool:

作者: gundamman678 時間: 2005-6-26 09:44 AM

剛剛在昨天，她同我講話想同我拍拖了，可是......我竟然沒有回應她說好.........

其實這是不是很衰呢? 最初是我主動去識佢，但識落左先發覺自己同佢唔夾，到佢現在想同我一齊時我竟然不想.......

可是我又真的覺得和她一起是夾不來。一來我們太少共同點，二來她有時d脾氣我覺得不太接受得來，三來我同佢一齊時我真係唔覺得有心靈上的感動和喜悅，只是很平淡的感覺......未拍拖時己經這樣平淡，真正一起的話我覺得我們不會維持得太久......

因此我不想和她一起......我不想我們開始了後才因合不來而分手，到時她會更加hurt的.....

明天就是她的生日了，我應該怎樣做......?

作者: kaigi 時間: 2005-6-26 03:59 PM

我覺得應該去馬試 2-3 個月
橫掂你而家都冇其他目標:cool:
感情係要慢慢培養
而且到時可能發展到你好愛佢,
但佢唔愛你呢

作者: genesic 時間: 2005-6-26 11:32 PM

Originally posted by gundamman678 at 2005-6-26 09:44 AM:
剛剛在昨天，她同我講話想同我拍拖了...

感情定愛情的選擇....
現在是你一點頭,你們就會發展成情侶關係..所以話題係重心在你手,唔好講女仔個邊,
首先你的去向,我引言講過感情定愛情的選擇,兩種都係愛的表演,問題係你想要
邊種,會好影響成件事的結局!感情的定議是認識後慢慢發覺到對方的內心,優點,性格..
等的內在條件而愛;愛情一字咁淺係一見鍾情個種,只要喜歡或遇到心儀的對像就麻木
去愛!你是習慣邊種愛情方式,只要認情自己的愛情理念,有咩問題？自私一句,雖然是
你們的事,但你內心的感受才重要,當初唔係你自私想擁有這個女仔,點會發展成咁,到
現在你內心想點樣自私,是邊種愛情觀,你最清楚,我所講的自私是對愛情自私,無分對
或錯個種,你的答案才是重要!係就係,唔係就唔係!反而個女仔,佢的愛情觀你無法改變
或控制,只要你坦白,佢會明的無論你點選擇..話哂個女仔都25歲!不是小朋友了,好過
你作出了你自己心中決定後才悔後,清楚你自己要d咩才最重要!!男人最緊要爽快!才是
男子漢!你點做,我都支持的!!

[ Last edited by genesic on 2005-6-26 at 11:37 PM ]

作者: gundamman678 時間: 2005-6-26 11:57 PM

清楚，我get到你的意思，有得著。

Thx!

作者: kubrick 時間: 2005-6-29 08:40 PM

其實性格興趣方面可以培養既...
不過你真係唔鍾意既...
都無得逼自己既...
自己既幸褔喎...你估講玩呀？
如果你真係唔捨得放棄段情...
可以試下比兩個人用朋友關係想處下...
可能半年,幾個月...
了解多D對方...
到時先再決定一唔一齊...

作者: 雷公 時間: 2005-7-6 01:50 AM

既然佢對你有feel
你咪同佢一齊都ok
因為佢都對你有feel 的話
起碼佢同你一齊都係非常願意
唔發展係唔會知可唔可以一齊
一定要試過先知
唔好禁婆嗎..
好多依家感情好穩定架friend之前同條女大家都唔firm大家架
都係一齊左之後越來越甲

你信男女一齊左之後會互相影響架嗎
起初一個動,一個靜,慢慢會拉混架
我以前都唔鍾意食提子,唔鐘意食早餐
到依家我變左鐘意食提子,每日都會食少少野做早餐
都係以前條女影響到我敢,呢d係好架影響,so我保留佢
so未開始過架朋友千其唔好話大家唔甲
好多人結左婚先另一半先見識到佢架真面目,可況手仔都未拖
你瞭解佢又有幾多..

Try one times la

作者: gundamman678 時間: 2005-7-7 12:42 AM

但弊在我比較鍾意我身邊一個朋友......佢係我個同學，同佢一齊我覺得好開心，好多話題，而佢亦係我鍾意既類型，佢有智慧、思想成熟、可愛、講得笑、有內涵......可是我覺得佢無鍾意我既意思喎......所以而家就係諗緊究竟去追個同學好，定係同而家呢個佢鍾意我多過我鍾意佢既女仔一齊好......

作者: robertchok 時間: 2005-7-8 02:51 PM

千奇唔好抱著"同著佢一齊睇下點先"
睇岩先好去愛
唔係哂錢哂時間
又hurt到大家

作者: gundamman678 時間: 2005-7-8 06:06 PM

Originally posted by robertchok at 2005-7-8 02:51 PM:
千奇唔好抱著"同著佢一齊睇下點先"
睇岩先好去愛
唔係哂錢哂時間
又hurt到大家

我都係咁，所以而家個女仔好想同我一齊，我都無表示過．．．．．

作者: ronychan 時間: 2005-7-9 02:24 PM

未開始己經咁多問題就唔好開始啦

正常一開始應該係熱戀期好唔理智好開心

....但係你如果同佢開始就己經跳過左呢個期

所以比著係我的話我會繼續做朋友先

到大家真係搵到共同嗜好先開始都唔遲

作者: 藍 時間: 2005-7-11 12:28 PM

感情呢樣野,回歸返去最原始,其實就係鍾吾鍾意;既然你會怕開始左先分手會hurt到佢,甘證明你都吾係想玩玩下就算既人,甘無論對你自己又好,對佢又好,我覺得你吾鍾意,最好就吾好一齊,勉強無幸福;另一方面,你自己搞清楚,自己係呢一刻好想要個人同你一齊,定係一定要睇到啱先追.畢竟你都話個女仔成25,我諗你都吾細拉,過多幾年已經係適合結婚既年紀,吾同後生哥陣仲有大把青春去試下大家啱唔啱,我認為對你黎講,最好都係搵到個覺得同自己合得黎既先開始比較好

作者: pignose 時間: 2005-7-12 12:00 AM

唔知點解你既case情況好似我同前女友拍拖個陣咁。我又係好like行山做運動咁，而佢就連街都唔想出既，行街嫌多人呀，唔like嘈呀……興趣就係佢like食野，但我個陣時都無收入，無乜得同佢週圍食野。傾電話又係求奇應我，有時甚feedback都無，dead晒air。但佢唔係唔like我喎，係真係佢既性格係咁……仲有佢因為d往事而令到情緒好多時都好反覆波動，如突然間可以喊，往往都會影響到我既心情。我既經歷係咪同你有d似？
講返你個case就係我覺得你要好sure係咪要同佢一齊，即係你係咪真係鍾意佢。你話係有鍾意佢既感覺，但唔強烈，我覺得呢度係有少少欺騙自己既成份。有d人往往都會感到好confuse，究竟我係咪鍾意佢？跟住就有一大堆理由，如同佢一齊會好吃力，性格太大分別，佢叻過我等等諸如此類的，使到自己遲遲唔敢行動。因為人往往唔想承擔責任感，你同佢一齊就應該要對佢好，為佢著想的。要知道其實問題一定存在，搵到解決方法就得啦。你話佢太靜，但你係絕對可以迎合佢喎，你可以同佢做佢感興趣既野。如果你係鍾意佢，你絕對會迎合佢。同埋當你付出咁上下，個女仔都一定會feel到，我相信佢係like你的話佢亦都會好配合返你。其實係真係有case一對老夫老妻，佢地性格都係好南轅北轍架，但到最後都可以白頭終老，都係講緊付出啫。真正既愛情係唔會計較邊個付出得多與少既。千其唔好欺騙自己既感覺，你呢一刻覺得係真係鍾意，唔係為搵個人陪，解悶既，你麻去馬囉，唔好太多理由，"鍾意"就係一個最大既理由，往後既理唔到咁多啦，你都估唔到聽日會發生乜事架啦，只要肯為佢付出，絕對唔大問題喎。諗清楚，錯失左無就係無架啦，蘇洲過後無艇搭架﹗

"係我主動識佢既，而家佢鍾意我先至話唔同佢一齊又好似好衰咁......"咁諗係好錯，若果你同佢一齊本身已經係錯的話，令到佢受傷，咁麻重錯﹗

作者: gundamman678 時間: 2005-7-12 12:32 AM

的確係幾似，不過我都有了決定了......我可以肯定到自己其實只係愛佢好少好少，為左佢既野，我唔會想付出d乜，咁同我以往拍拖或追女仔時既態度好唔同。如果我真係愛佢既話，我係會費好多心思去對佢好的。但對這個，我不會......所以我知道自己既決定了。

作者: 藍 時間: 2005-7-12 03:24 PM

Originally posted by gundamman678 at 2005-7-12 12:32 AM:
的確係幾似，不過我都有了決定了........

good,好男人應該係甘
不過記得要搵個機會大家講清楚,如果能夠有技巧將大家既關係變為好朋友仲好
anyway,吾好吾清吾楚,甘對個女仔黎講,傷害更加大

作者: gundamman678 時間: 2005-7-17 10:33 PM

今日，突然知道自己鍾意既同學，佢剛有男友了......

不知怎樣，原本想在settle好和那個女仔的事情後便向她表白，但現在......不用了......

就是這麼巧合，時機就是這樣......在身邊一瞬間擦過......捉不到......

唉......

作者: gundamman678 時間: 2005-7-23 12:40 AM

最後作結了......終於同呢個女仔講左，話我覺得我唔想一齊。佢比我想像中堅強得多，沒有大哭大嚷，相反我就不知怎樣對她講，真的很難講得出口......

經過三個月的相處，同佢一齊有過開心的時候，我也常常讓她很開心，但始終......不喜歡人家的就始終要結朿......

講清楚了，現在像了結這件事，心情放得下，也沒有不太捨得，我相信我的心意己經很明顯了。

唉，感情事，不想的了結了，但想要的卻沒機會，現還是讓自己靜一下好些......

作者: Ca2+ 時間: 2005-7-24 08:06 PM

我認為一齊吧...
始終...唔開始係唔會知道之後發生咩事的...
既然大家都對對方有好感...
maybe會一拍即合呢??

作者: gundamman678 時間: 2005-7-24 10:16 PM

我對佢真係無乜愛既感覺。平時我唔會諗起佢，有時仲唔想晚晚打電話俾佢同埋同佢去街......
既然唔愛，就唔好差隻腳埋去，等人地同我拍緊拖時至同佢講話分手，會仲hurt好多。

歡迎光臨娛樂滿紛 26FUN (http://26fun.com/bbs/)