娛樂滿紛 26FUN - Powered by Discuz! Board

標題: 因為賭波所以睇波就是香港 [打印本頁]

作者: goodgirl1 時間: 2005-6-23 11:51 PM 標題: 因為賭波所以睇波就是香港

因為賭波所以睇波就是香港

特別嗚謝:
劉舜文 (非常用心及花時間的的e-mail)
易家豐 (大師級的精彩照片及慷慨的胸襟)
自己 (人山人海大熱天時影尼維特)

當見到堂堂一隊意大利甲組聯賽冠軍祖雲達斯抵港時，大球場只出現了一萬二千多名觀眾，真正掏腰包購票入場的球迷更只得八千多人，實在令人失望，其實今次訪港的祖雲達斯，已經毫不欺場，雖然森保達及保方等意大利國腳要踢國際賽而沒有東來，但擁有法國孖寶杜林，查斯古特，傳奇老將費拉拿，捷克球王尼維特，金童迪比亞路領軍的「老婦人」，只吸引到八千多人購票，確實是大煞風景，筆者準不會相信，多一個保方或森保達，會多一萬幾千人入場。

香港球迷質素下降

之前巴西國家隊來港，有朗拿甸奴，洛賓奴，卡路士坐鎮，門票銷售情況同樣不理想，有傳媒指大會將票價定得太高，大會又反指傳媒報憂不報喜，只報道朗拿度沒有隨隊，不報道其他主力到齊，其實問題根本不在於此。

外國樂隊來港開演唱會，最低消費坐山頂亦要$350，相等於本地演唱會的最高票價，但一樣是賣個滿堂紅，為何家傳戶曉的巴西隊，人氣最旺盛的朗拿甸奴卻無法吸引理想的入場人數?　至於傳媒報憂不報喜的問題，筆者覺得各大報章及傳播媒體，
其實除了報道朗拿度沒有東來之外，亦有大篇幅介紹朗拿甸奴，甚至巴迪斯達，洛賓奴等新星，所以其實亦做足了本份。

最大的問題反而是球迷的質素。
有得賭西布朗號召力比巴西更強

早前與有線足球評述員劉舜文通過電郵，我們大家都有同感，現時大部份的球迷，都是因為賭波而睇波，不是因為睇波而睇波。筆者夠膽肯定，一場在凌晨四時開波的西布朗對諾域治，因為有得投注，所以電視前的觀眾，一定比巴西及祖雲達斯來香港時多出幾倍。

球迷變質球賽亦同時變質

筆者小時候看足球時，香港仍未流行賭波(或者一直都有賭波，只是筆者未接觸到)，直至1998年法國世界盃，筆者才初次接觸賭波，亦親眼見證尼日利亞當年是如何在全世界看好下大敗於丹麥，講到底，都是錢作怪。筆者並不反對賭波，但覺得凡事應該有節制，反過來說，如果要去賭一場球賽，你準要了解球隊的實力吧。因賭波而睇波，完全不理會兩隊的實力，包括戰術甚至後備力量，單看賠率，一場半場波的表現，真的可以贏大錢? 當然即使是足球博士，也不保證可猜中每場比賽的結果，如果說球迷已經變質，亦是不太公平，因為其實很多比賽亦同時在變質。
今日黃毛小子　將來偉大球星

很多老一輩球迷經常想當年，說精工，說寶路華，說胡國雄，說仇志強，雖然筆者年紀未到達這個「級數」，但同樣非常懷念當年的比賽，阿士東維亞，布拉格斯巴達，莫斯科斯巴達，愛華頓，高雲地利，年青人，柏迪遜，聖保羅，甚至曼聯及車路士等外隊訪港，筆者全部親歷其境，見證當年未成名的贊古奴夫斯基，史高拉菲，莫斯托禾，李安納度，米赫洛域，米積杜域等人在眼前獻技，之後個個都成為了大球星，所以，有時大名氣有值得看的地方，同樣地，現時缺乏名氣不等於將來亦然，看著這班明日之星在香港比賽，感覺一樣過癮。

電視寵壞了我們

過往的賀歲盃賽事，無論來香港的是甚麼球隊，例牌場場爆滿，因為氣氛，因為傳統，現時除非有碧咸，否則休想可以在大球場玩人浪。香港球迷除了為賭而睇波之外，同樣亦被電視機寵壞了，曼聯，阿仙奴，車路士，皇馬，巴塞隆拿，AC米蘭的比賽每個星期皆可看到，有誰會想入場看比賽。其實筆者在此亦要自我反省，因為自幾年前加入足球傳媒行列之後，從未試過掏腰包購票入場，即使不是工作時，筆者亦習慣問一些朋友(球員或教練)取票入場，實在沒有為本地球壇出一分力，所以決定以後除了工作之外，無論外隊賽或本地甲組聯賽，都會購票入場，希望看到這篇文章的山度士及蔣世豪，以後聽到我的電話問取球票，都要狠心一點拒絕我。

作者: shaqkobe 時間: 2005-6-23 11:52 PM

唔好一支杠打成船人。

作者: goodgirl1 時間: 2005-6-23 11:53 PM

no offending... its only my 主觀 opinion =P

作者: shaqkobe 時間: 2005-6-23 11:53 PM

Originally posted by goodgirl1 at 2005-6-23 23:53:
no offending... its only my 主觀 opinion =P

講下笑者。

作者: hcee 時間: 2005-6-24 12:09 AM

我都好同意........
祖雲達斯訪港...入場人數真係少得過份...........
就算係不喜歡足球都值得去睇下呀........人地意大利聯賽冠軍加有大批主力球星和前國腳訪港...
機會難得.....

真係球迷既本身都唔多.......賭波人士就大把..........
這個現象唔出奇啊.........香港人wor..........

作者: abc123aa 時間: 2005-6-24 12:14 AM

香港因為賭波而睇波既咪係果班阿伯,50幾歲果中年男人囉同d死飛仔囉,
我就唔會因為有賭波先會睇波,冇波我會死的,
再加上唔係個個鍾意祖記,而祖記雖然有尼維特同迪比亞路呢d靚仔球星黎左,不過又冇保方,又冇伊巴,一定差d嫁啦,如果搵皇馬同祖記比的確冇得比,雖然祖記都有可觀性,但係皇馬有魯爾,碧咸,卡路士呢d球星,入場人數一定高既~

作者: donald15 時間: 2005-6-24 01:53 AM

我開始睇波大慨8,9年前
當時已深深愛上球賽
當時並沒有太大的賭風
所以我唔係一份子^^"

作者: harvey22 時間: 2005-6-24 03:26 AM

筆者夠膽肯定，一場在凌晨四時開波的西布朗對諾域治，因為有得投注，所以電視前的觀眾，一定比巴西及祖雲達斯來香港時多出幾倍。

i very agree with the above statment, hk soccer watch is so unhealthy

作者: amigofans 時間: 2005-6-24 03:33 AM

吾同意,吾同意

無錯香港係好多賭波孕育出黎既球迷,但係d波飛太費亦係一個原因,
最平都300幾,睇演唱會你已經可以坐到最前!
當然聽歌同睇波係兩回事....

祖記吾收得係意料中事,係香港球壇d人吾掌握球迷既喜好,仲以為意大利波係最高水平又愛歡迎,其實幾年前西甲同英超已經係主導啦!
一年前ac都吾收得啦!

仲要係香港波根本無人睇,如果對祖記同巴西對既吾係傑志同港聯,係車仔同英格蘭,你估爆吾爆?

600幾700蚊一件有埋字既波衫著到通街都係,去買波衫仲要等成個鐘....
係球迷水準低,定係香港球壇水準低呢?

作者: anson200 時間: 2005-6-24 04:35 AM

講真....我本人都有去睇祖記場波...其實講真....入去既人真係好少好少(對比番個球場)....但係就一定多過巴西黎果次.....意大利波講真近幾年....入球量係四大最低....打防守波多....打得慢....冇左西甲同英超放高波打快攻....d人開始覺得悶.....所以放棄睇意甲同德甲波.....祖記球員名氣冇咁大....相比起皇馬...多一個保方或森保達唔會多一萬幾千人入場....但係只要多一個beckham....點只一萬幾千人咁少呀....原理好似今年皇馬係祖記主場踢咁一樣....一向既比賽...祖記都唔會爆...但係皇馬一到.....爆左....祖記係有一定既實力.....都叫踢過2次皇馬走....講真....一隊英格蘭國腳黎同一隊意大利國腳黎又點睇......一定英格蘭國腳多d啦.....今次曼聯只要肯full team到....大球場一定爆.....

作者: slimshady 時間: 2005-6-24 03:41 PM

始於都係門票貴
300幾蚊飛,夠睇6 次戲
同埋而家狩多轉播,根本就唔餓波

而本地聯賽,戲碼唔吸引,無投入感,都係令球迷唔入場既原因

作者: iMacc 時間: 2005-6-24 05:22 PM

我係一個賭波人仕~
但係都唔一定話買咗我先會睇...
好多時d歐聯賽事夜一夜我都會睇~
重未必會買...
唔知大家覺唔覺得如果買咗先睇..
睇嗰場波時會冇咁中立...
雖然會緊張d...但係好似會好偏幫自己買咗嗰隊咁~
我反而好多時都唔買睇嗰場波嘅~
意大利波我就真係興趣唔大~
重要係祖記添...前兩年嘅祖記可能我都會睇~
家陣嘅祖記真係唔吸引~

作者: amigofans 時間: 2005-6-24 11:15 PM

Originally posted by slimshady at 2005-6-24 03:41 PM:
始於都係門票貴
300幾蚊飛,夠睇6 次戲
同埋而家狩多轉播,根本就唔餓波

而本地聯賽,戲碼唔吸引,無投入感,都係令球迷唔入場既原因

電視轉播根本同現場兩回事,當然係香港係感受吾到,
去外地睇波,未入球場已經聽到d鼓聲隆隆,

香港你只會聽到"吊"
旺角場氣氛可能好dd,因為有好多好攪笑既阿伯!

作者: michael86 時間: 2005-6-24 11:52 PM

Originally posted by ---fans at 2005-6-24 11:15 PM:

電視轉播根本同現場兩回事,當然係香港係感受吾到,
去外地睇波,未入球場已經聽到d鼓聲隆隆,

香港你只會聽到"吊"旺角場氣氛可能好dd,因為有好多好攪笑既阿伯!

完全同意

作者: abc123aa 時間: 2005-6-25 12:12 AM

Originally posted by michael86 at 2005-6-24 11:52 PM:

完全同意

上次條友係直播到凸中指添,仲要係紐記黎香港果時,極冇品

歡迎光臨娛樂滿紛 26FUN (http://26fun.com/bbs/)