標題:
往黃金海岸的小巴[+左]
[打印本頁]
作者:
invisible
時間:
2005-6-25 02:39 PM
標題:
往黃金海岸的小巴[+左]
喂，不如去黃金海岸玩囉！」２０歲既阿楊說。
「哦！好呀！但係我地得３個人咋喎！不如叫埋阿強出黎一齊去丫！４個人，可以打牌，而且又多個人，好玩ｄ丫嘛！」阿楊既女朋友阿詩說著。
「好喎！等我打電話叫佢出黎先！」阿楊隨即從褲袋拎部電話出黎打比阿強。「喂喂，阿強，我同埋我女朋友仲有阿力依家諗住入黃金海岸玩呀，不如你都一齊黎丫！」阿楊說著。
「哦．．．好呀。咁係邊度等？」在電話另一邊既阿強問。
「唔．．．係你屋企樓下個小巴站度等啦！我地依家過黎。」
「哦！好呀！咁你地快ｄ啦。一陣見。」說罷，阿強收線。
１０分鐘之後，佢地係小巴站度集合，咁岩又有一架小巴埋站，於是佢地就上車啦。
上車之後，阿楊同埋阿詩一齊坐，而阿力同埋阿強就一齊坐。
「又會靜係得我地４個既，我地霸哂成架車囉！哈哈！」阿詩說。
「喂，我地今晚有咩好做呀？打牌呀？」阿力問其餘３人。
「你咪咁唔識做啦！今晚我地兩個唔好做電燈膽阻住人地啦！人地今晚好多運動野要做架！」阿強笑淫淫說罷，阿詩同埋阿楊互相對望，然後面紅紅的無言著。
不經不覺，小巴駛靠中途站，小巴司機打開車門，隨後等左好幾分鐘都冇開車，好似係度等緊ｄ野咁。
「喂，小姐，你好似仲入錢喎！」小巴司機望著倒後鏡說著。
阿楊４人們互相凝望著對方，然後阿楊口震震地說：「司．．．司機大哥，不要玩啦，都冇人上車．．．開車啦。」
小巴司機聽罷，呆了一下，然後從褲袋拎左支煙出黎食。
阿楊４人們繼續不發一言，而阿詩則緊挽著阿楊的手，並將頭望向地下，不敢向前望。車上十分清靜，連草叢入面既蟬叫聲都聽得一清二楚。
５分鐘後，司機已經將支煙食完，佢再望一望倒後鏡，然後落車，身體倚旁著小巴車身，再從褲袋拎多支煙出黎食。這時小巴上只餘下阿楊４人，而且可能仲有另一位「乘客」係小巴上。
又過了５分鐘，司機再次將第二支煙食完。佢上番小巴，再望一望車箱，然後對阿楊４人們說：「你地落車啦，我唔會再渣架啦，我會係度等到天光。」小巴司機的這一句說話，劃破了現場十數分鐘的寧靜。
阿楊帶著惶恐的聲線，回應司機的說話，說：「下！但係得番你一個自已係度等天光既話我諗你仲驚喎！而且呢度周圍冇人冇物，你放低左我地咁我地點算？我地幾個都係諗住去黃金海岸既，不如你慢慢駛架小巴去黃金海岸啦，果度多ｄ人，應該會冇咁驚既。」
司機在小巴外來回踱步，反覆思量著阿楊的一番話，最後終於腳震震地上回小巴，關上車門，將小巴慢慢駛往黃金海岸。
一路上，車箱內都是靜默無聲，司機帶著焦慮不安的心情慢慢地駕駛著這輛不知是載有５人還是６人的小巴往黃金海岸，而阿楊等４人們則透過倒後鏡，望著司機的樣子。他們發現司機一直都沒有透過倒後鏡察看車箱內的情況。
原本只有２０分鐘的路程，最後用了１個多小時才能完成。經過１個多小時後，小巴終於到達黃金海岸。阿楊４人下了車，下車前，他們還聽到司機喃喃自語的說著什麼「太好了．．．她走了．．．」的字句。他們下了車後，看見小巴司機把小巴駛離黃金海岸，並在黑暗的夜色中消失。
就這樣，阿楊４人終於都渡過了既漫長又畢生難忘的２小時小巴旅程。他們下車後便一步一步走往黃金海岸的酒店，打算開始他們真正的旅程。
然而，就在走往酒店的一小段路程中，阿詩卻一直緊挽著阿楊的手臂，並將她的頭靠往阿楊的膊頭。他們走了不久以後，阿詩更不知為何地哭起來。身為阿詩男朋友的阿楊，當然問阿詩是否還對剛才小巴上的經歷感到害怕。可是，阿詩卻回答以下的一句說話，令眾人都感到毛骨悚然，更為他們這次旅程劃下驚奇的「感嘆號」。
阿詩的回答是這樣的：其實我剛才在小巴上是看見那位「小姐」的，而且剛才在小巴駛離了我們面前以後，我看到她在對面馬路上向我微笑招手．．．
[
Last edited by 左輪仔 on 2005-6-25 at 04:28 PM
]
作者:
invisible
時間:
2005-6-25 02:40 PM
我朋友告訴我的一個鬼故
我再一字漏打上黎
我唔知呢個叫原創定轉貼
作者:
pkpkpkpkp
時間:
2005-6-25 04:54 PM
多謝分享~~
作者:
LJ8104
時間:
2005-6-25 08:30 PM
咁似前排架勢堂講果ｄ既???
作者:
invisible
時間:
2005-6-25 09:14 PM
Originally posted by
LJ8104
at 2005-6-25 08:30 PM:
咁似前排架勢堂講果ｄ既???
我朋友都係話佢係架勢堂聽番黎
作者:
stone86
時間:
2005-6-25 09:18 PM
幾正喎
thanks
作者:
olaf
時間:
2005-6-25 11:37 PM
多謝分享~~
亦非常支持~~
不過看完之後感到有些疑問？
1. 由佐敦/旺角/荃灣 至 元朗線（途經黃金海岸）有很多部通宵小巴，他們沒有
可能遇不上其他小巴？
2. 二十分鐘的車程，估計上車地點是荃灣附近。而入黃金海岸要行青山公路，
這是一條單程線，司機沒有可能冒險在車旁吸煙，非常危險。
這是個人思考分享，請見諒！
不過遇到鬼時，通常都是鬼「暗」眼，什麼都看不見！
歡迎光臨 娛樂滿紛 26FUN (http://26fun.com/bbs/)
Powered by Discuz! 7.0.0
