Board logo

標題: 我對現在雲加賣人舉動架詳細分析 [打印本頁]
作者: 雷公    時間: 2005-7-19 05:09 AM     標題: 我對現在雲加賣人舉動架詳細分析

小弟架小小分析,純粹個人意見,大家點睇?

關於雲加依家架舉動....大家有無意識佢條友仔架狠:cool:
知唔知雲加呢鋪勁係乜野呀?
就係佢去舊迎新架做法夠快夠狠夠決斷:cool:
大家識波架都feel到,皮利斯,韋拉,亨利,蘇甘寶頂籠踢多一季
佢地就會開始由主力變成球隊架瘀血,老餅,
再唔換人就會拖慢阿仙奴架轉數,會毒死阿記
就好似曼聯,皇馬
係英超呢d速度高架聯賽會好唔掂,雲加知道一定要提早年青化
佢勁在夠決段,一係唔清洗,一清就先清老大韋拉
響晒"朵"比大家聽,佢已經開始實行換血計劃,
皮利斯,甘寶都應該會排隊被賣走
當然佢會盡量賣得好價錢啦
我大膽估計亨利(來季佢29歲)最多踢多一季,都會被賣走,汁番多少
費Sir呢兩年整沉左曼聯其中一個reason
就係因為佢清洗行動唔夠快,唔夠狠
睇佢買細哨就知啦
結果依家攪到紅魔中場老化,堅尼,傑斯無以前敢有效率,
以前曼聯稱霸就係靠佢地中場架強勁,雙翼
你睇吓99年架中場,7小福,到依家除左碧咸都無乜郁過
拖到依家先開始換新血,
我敢說C朗係暫時仲係名大於實架球員,佢個人有腳法,
但佢仲未真係溶到入紅魔踢法
等佢擔大旗仲有排,
雲加就係見到係時候要換,
襯佢地仲有價值就汁番d錢,唔好等佢地變晒羅底橙
一來用d錢黎買新架年青外援,eg巴迪斯達,希比
而且又可以比新秀法比加斯,辛達路斯,雲佩斯等已被證明有實力架新人
有位比佢上等佢地快d成熟,以保持阿仙奴架轉數
跟手再同d本身係球隊架年青正選球員雷耶斯,A高爾續約!
可能佢要係來季爭標會較吃力
但以長遠和大局黎想,相當聰明
近期所有舉動都係為建立下一個盛世陣容架基礎鋪路
只要等雲佩斯,希比,雷耶斯,法比加斯,辛達路斯or巴迪斯達建立默契
又會再創出一個有數年顛峰期架頂級陣容
作者: wailee123    時間: 2005-7-19 05:39 AM

針無兩頭利,
你放哂d老既咪比人話無人情味,好似之前曼聯唔肯同傑斯續約,d球迷係咁鬧,話曼聯無人情味,如果簽黎做長期後備曼聯實肯,但傑斯肯咩??
無錯,你話雲加狠,我同意,但賣哂d老既,用哂d新人,佢地無經驗,係英超可能仲行得通,英超講速度同體力,但去到講經驗既歐冠咪死哂火,好似托尼果班咁,ac對曼聯果場一樣係咁.
如果係咁狠,點解唔全部25以上賣埋,用d錢買d19既新仔,只要等建立默契,又會再創出一個有數年顛峰期架頂級陣容.......橫掂呢幾年都比車仔用$屈機gar la
我始終賣人方面好多時都唔係睇領隊,係球員,球員有離心,好難留得住,如果球員忠心,趕都趕唔走....
阿仙奴d球員好多都有離心(人工低係主因),好似韋拉同a.cole咁,如果唔係車仔果單,a.cole一早走左,依家就算續都係續多一年,好明顯下年想走,
你估下,23歲既a.cole雲加想唔想留??一年約都肯開比佢??
作者: 雷公    時間: 2005-7-19 06:36 AM

Originally posted by wailee123 at 2005-7-19 05:39:
針無兩頭利,
你放哂d老既咪比人話無...
1. 無人情味?
歐洲足球依家發展到好難再講人情味,仲有幾何好似馬甸尼同傑斯敢
整世人只效力一隊波,好多都係講經濟效益,攞到超聯冠軍收益唔係講笑
如果留太多老餅,係會拖慢隊波而影響隊波成績,真係唔值
當你賣一個29歲架球員都收到千多萬磅,都叫化算,
相反車仔和曼聯,佢地買襯人都比人"浪"價..真係唔化算
雖然兩隊都好有錢,但你諗吓,問心 費迪南點值3000萬磅,迪奧巴點值2400萬磅
菲臘斯點都唔值2100萬磅,
最主要係睇到韋拉跌Watt太犀利...叫佢打後備都唔肯啦..放走佢仲好啦
你依家賣傑斯都無400萬磅啦,球迷真係明白對球隊有著數就無問題

2. 歐冠咪死哂火?
我係阿記迷,較年青架陣容係英超係較有利,就算用有韋拉架陣容都未必攞到歐聯,
講真..有邊個估到利記會攞到上屆歐冠..so效益問題我寧願早一些換新陣容兼可收可觀轉會費..再用嗰d錢入新陣容..盡快砌隊新陣容拚夠幾年歐冠,好過留韋拉等只可拚多1年半年,到時又無錢換新血,攪到有斷層咪仲衰,
講真,如果雲加有大水喉,佢都唔介意留韋拉,再添新血..但限米煮限飯,咪精明囉..係舊人仲有價值時,用賣舊人架錢換新血

3.賣人方面好多時都唔係睇領隊 ?
梗係同揸Fit人有關啦..球員唔想走..領隊有權架都可以賣走去,球員要走,領隊想留,可以用高薪eg. A.高爾 ,若果留唔到咪賣囉,所以只賣人,無論球員想唔想留隊,領隊你有話事權

4.點解唔全部25以上賣埋,用d錢買d19既新仔?
個球員25歲,佢係掂又忠心梗係留黎自己用啦,25仲後生又開始進入黃金期,點解要賣呀
19歲新仔踢世青咩,又唔洗敢細,如果係青年軍上又另計,因係自己財產,唔洗比轉會費
雲加主動賣架多數都係29,30歲呢d踏入黃金期水尾架球員,eg.韋拉,皮利斯,甘寶
當然好似安歷卡呢d有離心架人就係24歲賣走佢賺番2400萬磅啦
雲加架賣買人不嬲好多時都入潛質貨,有升值力,又會係頂峰尾放人等人接佢d下沉緊架貨
係低成本又可維持戰績又可做到一個高轉數架球隊手法
作者: abc123aa    時間: 2005-7-19 07:58 AM

如果要講人情味真係好難,如果唔係皇馬會流失球迷的話一早放走左魯爾
作者: pc20001103b    時間: 2005-7-19 08:34 AM

我就話唔會放亨利,
一來佢唔會走,
二來柏金都打到今時今日啦,
放韋拉放得咁爽係因為佢想走姐~
作者: brightlee    時間: 2005-7-19 08:56 AM

Originally posted by abc123aa at 2005-7-19 09:58:
如果要講人情味真係好難,如果唔係皇馬會流失球迷的話一早放走左魯爾
On the other side,
you can see Pat didn't complain about this situation.
And he's still respecting Arsene.
That's ok, it's a win-win situaiton....

not like..... Sir Alex against his players.........
作者: kakeidevil    時間: 2005-7-19 08:58 AM

巴迪斯達一定去阿仙奴?????
作者: abc123aa    時間: 2005-7-19 09:04 AM

Originally posted by pc20001103b at 2005-7-19 08:34 AM:
我就話唔會放亨利,
一來佢唔會走,
二來柏金都打到今時今日啦,
放韋拉放得咁爽係因為佢想走姐~
同埋有希比,而巴迪斯達又可能會黎,否則雲加未必會放得咁輕鬆
作者: 會員仔    時間: 2005-7-19 10:45 AM

非常同意樓主講法~
而且..我覺得今年阿記想買既人點解成人比其他球會截糊呢..係其他球會或多或少"參考"雲格既眼光，眾所周知雲格點石成金既能力，所以久而久之有d其他球會之前睇唔起既新秀當傳出被雲格睇中之後佢又會水漲船高咁，令近年財力受困既阿記慘被奪愛。
作者: 秋葉林    時間: 2005-7-19 11:42 AM

非常認同雷公嘅分析

依家睇番轉頭，其實雲格早响舊年已經有所部署。舊年季初果陣，雲格已經開始試用法比加斯同法明尼兩個新仔，當時啲人仲猛話雲格幾大膽，將條中場線交俾兩個新仔。事實證明呢兩個新仔雖則未去到世界級，但係要應付本土聯賽絕對唔係問題。

有咗呢兩個新仔做 backup，巴迪斯達同希比又有啲眉目，自然可以安心响條中場線度開刀。第一個清韋拉，我覺得又未必真係為咗立軍威，最大嘅原因都係韋拉早有異心，等合約滿咗俾佢自由轉會咪仲蝕，既然依家賣得好價錢就啪啪聲送佢走啦，去舊迎新對球會長遠發展絕對有利無害。

我之前响其他 post 都有提過，通常一支球隊唔會連續勁多過五年，原因就係同一批球員唔可能維持到咁長時間，換血期間球隊必有反覆。雲格有費 sir 做樣板，自然唔會好似佢咁拖泥帶水。下一步我都估會係亨利，因為雷耶斯同雲佩斯都有唔錯嘅表現，可以做到 backup 嘅效果，如果揾到個世界級年青前鋒加盟，我係雲格就即刻送亨利一程喇，我估佢依家最少都值 2,000萬磅掛。至於後場方面，似乎仲未有人做到 backup，加上後防球員通常都可以打到三十幾歲，所以個人覺得蘇金寶應該可以留一留。

話雖如此，嚟緊呢兩年曼聯同阿仙奴都仲處於換血階段，車路士應該仲可以繼續威落去，可以威脅車仔嘅球隊我睇好利物浦，班西班牙兵團已經開始漸漸成形喇。

[ Last edited by 秋葉林 on 2005-7-19 at 12:16 PM ]
作者: abc123aa    時間: 2005-7-19 11:49 AM

雲加d眼光真係幾好,好多新仔都係佢帶出黎~而車仔一定大把時間威呀,好多位置d球員都係後生~
作者: 秋葉林    時間: 2005-7-19 12:01 PM

講真我覺得車仔阿油王買人果陣有啲想學雲格果套買人哲學 --- 入啲年青有為嘅貨。不過論眼光就無雲格咁好喇：

雲格會買啲後生但係未好出名嘅新仔
油王就會買啲起晒朵嘅後生仔

未出名嘅新仔得一個字，「平」囉，不過就有啲風險。起晒朵嘅後生仔好在可以即食囉，不過就貴啲，仲有機會係早熟早殘果隻

無辦法啦，大家 budget 唔同嘛，你又吹油王唔脹
作者: 艾力克    時間: 2005-7-19 12:16 PM

我都覺得放韋拉係一個明智o既決定,始終都係時候要換血
雖然要搵一個次級d o既頂住先,但都未至於太差o既,咪當佢長抖囉

不過我就唔希望同時放走兩個世界級o既人喇,除非真係買倒一個同級o既人啦,如果唔係,對波至少要3年先可以拎champion
作者: gogo8281    時間: 2005-7-19 12:43 PM

Originally posted by kakeidevil at 2005-7-19 08:58 AM:
巴迪斯達一定去阿仙奴?????
恐怕未必﹐皆因熱刺出到2000萬歐元
作者: terry369    時間: 2005-7-19 01:05 PM

其實大家有冇諗過, 買到平靚正的年青球員未必純是因為雲加??
scout都很重要
以雲加的法國人脈, 要法國小朋友跟佢真係好易, 再加上好scout, 真係多多人都有
費sir的scout有時係佢細佬, 我有時懷疑佢細佬食佢價, 或者昆水, 成日買貴
不過曼聯車仔咁有錢, 買人一定俾貴兩成啦起碼, 冇辦法的
費sir買人亦多限制, 曼聯以前是上市公司, 很多野都要申報, 要量入為出, 有d人可能覺得佢差幾百萬買唔到細哨係抵死, 但有沒有想過, 一間上市公司唔係話俾幾多就幾多, 就算係要提高個價, 可能都要經好多重程序先得, 點似皇馬車仔等, 教練話買老細話好就即刻買?
作者: terry369    時間: 2005-7-19 01:22 PM

Originally posted by brightlee at 2005-7-19 08:56 AM:


On the other side,
you can see Pat didn't complain about this situation.
And he's still respecting Arsene.
That's ok, it's a win-win situaiton....

not like..... Sir Alex against his players.........
我不完全贊同你的看法
雲加同佢的法國兵團, 係朋友又係徒弟仔, 個關係冇咁父子
費sir由佢地十歲八歲睇到佢地依家, 基本上大部分都當佢係老豆, 係一個要有好大尊嚴的老豆, 仲係一個好傳統要面的老豆, 個關係真的親很多
如果係講七小福, 都係畢特碧咸走左jie, 講鬧翻, 都係碧咸
但講真, 有時我地又唔係在他們的更衣室, 的確唔知道他們究竟的關係點, 究竟係唔係碧咸真係做左d令阿sir激死的事! 抑或真係阿sir一手辣手剷除佢!!

我只覺得, 當日碧咸最低潮時, 阿sir係第一個企出黎支持佢, 保護佢, 免佢受傷害! 可能真係太愛佢, 到真的有意見不同時, 就更加想用老豆的威嚴去制服佢, 可惜人地大個仔喇嘛!!
haha, 愈講愈遠, 不過講咁多野係想講阿sir係好錫佢的仔仔的
作者: 雷公    時間: 2005-7-19 01:33 PM

Originally posted by gogo8281 at 2005-7-19 12:43:


恐怕未必﹐皆因熱刺出到2000萬歐元
講真,你係巴迪斯達,你想去阿仙奴定熱刺?
熱刺出20m歐元------>=1375萬磅
但阿仙奴架消息最新係會出 1500萬磅
應該會多過熱刺,巴迪斯達又一定會揀阿記,因為有得踢歐聯
效力西維爾同熱刺今季邊有chance踢歐聯呀, right ?
作者: 雷公    時間: 2005-7-19 02:06 PM

Originally posted by terry369 at 2005-7-19 13:05:
其實大家有冇諗過, 買到平靚正的年青...
scout的確重要
不過首先都係要領隊有眼光,識搵一d真係掂架Scout番黎
可作佢地架千里眼,大家有目共賭,雲加買人眼光係幾掂
雲加最強架地方就係佢好有能力係隊波接近出問題,開始要向下沉
唔會比隊波一直插水..佢好有能力敢做到用既便宜又合理架價錢搵到d人
番黎托番起隊波,呢吓真係無人能及,
講真,坦白講我覺得費Sir都知曼聯中場老化
但我覺得佢真係清洗得唔夠狠,眼光又無以前90年代敢好lu
入親好多新貨都唔啱洗,什麼基巴臣就唔好講la~
好坦白講,C朗仲未做到碧咸係曼聯嗰時架效率(暫時只能有明星效用)
擔得起大旗起碼要多3,4年
大家問心,你地真係覺得朴志星可以做到傑斯接班人?
朴志星係荷超呢d聯賽就ok, 但英超又真係第二個Level
仲要係入強隊,以往曼聯勁在中場,前鋒就係禁區裡面有入球力一樣就掂
以前架麥克曉士,高爾,依家架雲佬,其實都好依靠條紅魔中場
大佬,依家要係做傑斯接班人呀,唔係曼城菲臘斯接班人
佢以後點進步,去到盡架實力,我估都唔會有傑斯黃金期架7成
就算買到波歷克,去代史高斯?唔好玩啦,大家都一樣29歲
咪又只係止到"咭",長遠又係要諗過,仲有堅尼個位..唉
費迪南又扭晒計要12萬磅週新,仲多過謝仔10萬磅...佢值唔值呀
抵比曼聯迷"小"佢,費Sir個陣容真係有排汁,再+上依唔同有錢嗰時
依家佢真係幾勒住勒住..依家佢真係要有雲加架眼光先救到隊波
作者: gogo8281    時間: 2005-7-19 02:07 PM

可惜﹐球員及球會本身係向錢看。
當巴迪斯達知道熱刺出既周薪比鎗
手高既時候﹐佢立刻講佢以前一直
有留意熱刺並有贊冇彈﹐已經只口
不題阿仙奴。
當然我係希望佢加入鎗手﹐咁至有
希望係聯賽挫敗車仔
作者: 雷公    時間: 2005-7-19 02:51 PM

Originally posted by gogo8281 at 2005-7-19 14:07:
可惜﹐球員及球會本身係向錢看。
當...
佢敢樣都係正常表現,
講真,有幾多人唔想+人工呀
好少好似羅賓奴寧願自降薪酬都要+盟皇馬
講真,我覺佢都係借熱刺過橋,想勾多幾個錢ja
講衰d咪係度扭屎忽花囉
不過我估阿記應該最终都會妥協,
我覺得雲加真係幾想簽到佢
我推測巴迪斯達唔會蠢到去熱刺,
除非佢呢世仔都唔想踢歐聯
作者: gogo8281    時間: 2005-7-19 03:10 PM

完全贊同
作者: 28083003    時間: 2005-7-19 04:34 PM

亨利應唔會咁快被賣走
作者: 雷公    時間: 2005-7-19 04:52 PM

Originally posted by 28083003 at 2005-7-19 16:34:
亨利應唔會咁快被賣走
好難講..我夠估唔到韋拉會係依家被賣走啦
其實我都知韋拉上年同前年比較,真係跌Watt跌得好緊要
其實韋拉呢類踢法架球員係殘得好快
你都估到佢來季肯定都唔會再有佢全季不敗嗰年架Watt數
同樣,亨利(28歲)應該都會過左今年開始跌Watt
我大膽tip雲加會趁亨利仲有2000萬身價時下季會賣走佢
買那些錢再點石成金,入番兩個"新亨利"架潛質貨
是但一個跑出都回本有突啦,又可以再有6,7年用
真係計晒數唔會洩:cool:
作者: YUEN_LOUIS    時間: 2005-7-19 05:19 PM

Originally posted by pc20001103b at 2005-7-19 08:34 AM:
我就話唔會放亨利,
一來佢唔會走,
二來柏金都打到今時今日啦,
放韋拉放得咁爽係因為佢想走姐~
雷公講得有道理,但唔可以包晒阿記

睇下韋拉今年其實大不如前,開始唔掂(不過一定勁過我^^),漸漸成了瘀血,雲加先賣

再看甘寶都大半季踢唔到,但阿記都仲ok,即係都會漸漸可有可無,then瘀血啦又

皮禮斯打翼鋒,要知道佢地會跌得好快,分分鐘下半季會好似費高咁,所以棄用都有得解

但係仲有態果d,都會可以留下,不過據知柏金份約係一年的~唔掂都易於叮走

亨利方面~佢仲走得射得,短期唔會係問題~但係以後難講(當佢跑唔起時)

一定會有d有態,未有唔掂跡象的老將在陣,因為唔可以派隊青年軍出賽的

圖片附件: pires012.jpg (2005-7-19 05:19 PM, 15.9 KB) / 下載次數 0
http://26fun.com/bbs/attachment.php?aid=455775&k=891e6ba100d4dd26282b8f6b0079394c&t=1730906615&sid=z3x7E1



圖片附件: 19690510.jpg (2005-7-19 05:19 PM, 18 KB) / 下載次數 0
http://26fun.com/bbs/attachment.php?aid=455776&k=bfe7c63982b37ae013658395afd18278&t=1730906615&sid=z3x7E1



圖片附件: vieira023.jpg (2005-7-19 05:19 PM, 26.6 KB) / 下載次數 1
http://26fun.com/bbs/attachment.php?aid=455777&k=1922c204cb424a6201a4ea0630c85383&t=1730906615&sid=z3x7E1

作者: brianchy    時間: 2005-7-20 12:06 AM

贊同你架分析
作者: 雷公    時間: 2005-7-20 06:22 PM

Originally posted by YUEN_LOUIS at 2005-7-19 17:19:

雷公講得有道理,但唔可以包晒阿記
...
當佢跑唔郁架時候就唔值錢
雲加下季唔賣佢都有可能啦,
但我就Tip佢去唔到新球場比場勒:cool:
作者: bbsex    時間: 2005-7-20 10:54 PM

小弟覺得雲加欲將阿仙奴年青化之動機於近幾年特別明顯！

回想雲加當初執教阿仙奴時，他也如其他教練一樣購入一批「當打」球員：蘇金保、奧華馬斯、皮利斯、比堤、蘇加、韋托特等等。 這舉動或許是因為當時他仍未得到球會對他的完全信任、不敢隨便向一批老臣子「開刀」去進行大清洗(阿當斯、溫特本、迪臣、保特、柏列等)、或是他仍未有年青化之意。

直至近年，雷恩斯、費比加斯、雲佩斯、托尼、艾拿迪亞、辛達路斯等均是具潛力的年青球員，雲加不僅將他們由年青隊提升或收歸旗下，部份更即時加以重用，當年的艾殊利高爾及上屆的費比加斯便是其中的表表者。 雲加更將部份球員改造：由翼改踢前鋒的亨利、改踢左中場的雷恩斯等(未知本身踢前鋒出身的艾殊利高爾現在踢左後衛是否也出自他的手計劃)。 可見雲加在考慮作出收購時不僅出於該球員在現時位置出的表現，並考慮能否改造該球員去迎合陣式或填補空缺等。

賣走韋拉、皮利斯及蘇金保(他日的享利？)不再是非賣品等決定當然表現雲加對餘下球員的信心及眼光。但話到底，都要其他球員夠質素去填補離隊球員的空缺：若果不是費比加斯在韋拉受傷時踢得如此出色及費立明有能力頂替伊替的後備力量，雲加敢先後賣掉伊度及韋拉嗎？ 若不是有基歷治及雷恩斯，皮利斯可能還可以在阿仙奴多待一會。 由此可見，雲加從青訓及購入年青球員兩方面隻管齊下，試圖在未來數年於英超稱雄。

無可否認，雲加在分析球員方面的確獨具慧眼，但他何嘗沒有試過失敗的收購？ 李察故禮及謝菲斯便是上佳例子！
作者: Irreversible    時間: 2005-7-21 02:39 AM

領隊七呀..乜野都唔洗講啦..唔好話d人佬啦.只係領隊唔識運用佢地者.係.岩的確要換下人.但係買d人又唔掂呀..咪又係無用.基巴臣呀.夠好波啦.個時世界杯呀.場場正選啦..咁而家呢.祖迪告魯夫夠好啦.係巴塞隆納打得咁好..黎到咪又係死..不如咁啦..領隊都玩埋自由轉會啦..波士文條例囉,...換咩都假..換領隊最實際..~~~~~~



歡迎光臨 娛樂滿紛 26FUN (http://26fun.com/bbs/) Powered by Discuz! 7.0.0