娛樂滿紛 26FUN - Powered by Discuz! Board

標題: 俾下意見,不喜歡,請見諒(暗戀) [打印本頁]

作者: au212001 時間: 2005-7-24 12:17 AM 標題: 俾下意見,不喜歡,請見諒(暗戀)

hello...大家好....我第一次發表文章....
我都算係一個幾怕羞的一個男生...18歲只在中一時拍過一次拖..
我e幾個月因為整親,返吾到工,,所以比較得閒..
而我最近見到個女仔..未知佢咩名,吾知佢幾多歲,吾知佢電話,吾知佢有冇男朋友..
但我知佢係邊度返工同返工時間....我曾經去過佢公司(不過應該吾認得我了)..
雖然有一次係佢收工時間,有部署下say佐一次hello...但都冇法令佢留下深刻印象..

我真係吾知點開口問佢叫咩名等等...
我可以點樣識佢,,先至可以令佢接受我哩??因為我都幾驚會嚇親佢.不拿拿有人問你拿電話,
點都會有芥蒂ge....

各位大哥....請教下,希望可以教下細佬...

作者: 藍 時間: 2005-7-24 01:36 AM

=.=....有難度,基本上我只諗到吾怕醜先可以識到呢個女仔,即係要你面皮夠厚

作者: BOYDWAN 時間: 2005-7-24 02:50 AM

au212001，佢做邊行咖？(好緊要！因識嘅方法有好多種~) 你喺乜情況下見佢？(工作？其他？)講多d 佢身邊嘅嘢 (包括有乜同事、工作時間、工作地點....等，越詳盡越好) 比我哋知吖，小弟都有d 心得嘅.....放心喎，識女仔好easy啫~~ ^^

(*P.S. 記得形容一下你自己~！)

作者: gundamman678 時間: 2005-7-24 09:52 AM

咁既情況，有辦法搭訕下既就搭訕啦，熟d就容易d約佢去街; 無辦法既就惟有大膽d直接同佢講話你想同佢做個朋友~~

同類情況我試過兩次，一次成功，一次失敗，因為女方有男友，但佢都有俾電話號碼我。做法呢，一次係等個女仔放工後走上前直接同佢講問可唔可以做個朋友，另一次係走入去放低張紙仔俾個女仔。

作者: au212001 時間: 2005-7-24 11:21 AM 標題: 你喺乜情況下見佢？(工作？其他？)講多d 佢.....BOYDWAN大哥

BOYDWAN大哥

佢工作的時候見到佢嫁.幫親過佢間公司ge...佢lunch1:00-3:30..(佢多數坐車返屋企,因為我有幾次係lunch hour 冇意見到佢等車..)..8:45pm收工...工作地點離我屋企吾係好遠..所以我有時都會等佢收工,留意佢有冇男朋友接佢收工(暫時冇見過有男仔接佢收工)....試過2次係專登俾佢見到..第一次..3星期前..佢收工的時候,佢一路行,一路講電話...我同佢say佐一次hello.,佢都有應番我....因為就係前2日去過佢間公司,可能就咁佢認得我.....我已經勁開心啦,,嘻嘻...不過第2日佢choose第2條路行(吾知點解),會吾會我驚係嚇親佢.......第2次,,4日前..都係佢收工時間..佢上商場樓梯時..我落佢上..(睇住佢收工,我先至落樓梯)..佢又係講緊電話,,佢望住我,,不過好快就把個頭向下...一路講電話,一路走....我連向佢微笑的時間都冇...好鬼失落..可能我剪佐頭髮..+上因為落雨吾記得拿遮.,...吾認得我啦...><.....但我仲未想放棄....

我自己雖然吾算好標青..但都ok 嫁...177cm..65kg...身形都幾好嫁...不過衰在冇咩自信心..
有女仔同我講過...""如果你吾係咁冇信心..你不愁女朋友""...
我又吾係對任何女仔都怕羞..一d我原本識既女仔,我會對佢地幾好嫁...
曾經...曾經...在返學時期有人話我似李克勤(不過我吾覺)

作者: au212001 時間: 2005-7-24 11:34 AM 標題: 無辦法既就惟有大膽d直接同佢講..gundamman678師兄

我都已經成日"""""諗""""住點樣開口..我成日都想直接問佢可吾可以做個朋友..但去到等佢收工..見到佢的時候,,又吾敢行埋去...仲有時驚佢望到我tim....所以等佐3個星期...到而家都未行動過.,...哎呀...我怕的係咩呀??....不過你曾經試過...已經俾佐好大的信心我啦...多謝........

我好似架勢堂的大夫呀...好多謝你地的意見,希望可以得到更多心得啦...^^

作者: gundamman678 時間: 2005-7-24 11:47 AM

其實都係呢句，你諗下就算衰左都唔瘀架，因為佢本身都唔識你，你去認識佢既事亦唔會有第二個你認識既人會知道，所以駛乜怕咁多? 最多係佢面前面紅下之嘛!

同埋係同佢講之前要諗好晒成個過程你要講d乜，同埋面對佢接受或拒絕既時候又要講d乜，清楚準備好既話又會驚少d架!

人最怕係面對不知情況既事情，但當你對一切都有所準備，就自然會驚少好多!

努力吧~~ 有勇氣才是個真男人!

作者: au212001 時間: 2005-7-24 12:55 PM 標題: 努力吧~~ gundamman678

e個時間得到支持.....無比感謝

作者: au212001 時間: 2005-7-24 08:34 PM 標題: gundamman678師兄

係哩....你第一句有冇講過話"hi...咁岩呀"...雖然覺得老套..咁我覺得work wo

作者: genesic 時間: 2005-7-24 09:40 PM

有無諗過你見到個女仔的生活部份,只是好少的一部份,既然你
有想追佢的意途,你估有無其它男仔想,你有無諗過佢有bf,不過
你見唔到,或者有同事或朋友追緊佢你知道嗎？有的話你點算,
你憑什麼同人爭,錢？樣貌？才華？或者佢有個感情好好的bf,
我不是想令你有退怯之心或打沉你,但今時今日香港好的女仔
有無可能無人追無bf呢？你自己諗諗啦....我份人就係咁,唔相
信有幸運的事,做就要靠自己靠狠勁,如果你有心理準備,開戰
去佢,唔介意我之前所講的問題,還要堅持,我會對你有所嘉許,
欣賞你的勇氣!但作為局外人,你形勢唔好,知道時間出入無幫
助,你不如講俾大家知佢做咩職業,再重點分析,你現在資料不足
,對方會做乜,喜歡乜,完全唔知,首先從做佢朋友入手先..等你講
多d資料,先幫到你點做...

[ Last edited by genesic on 2005-7-24 at 09:42 PM ]

作者: gundamman678 時間: 2005-7-24 10:13 PM

Originally posted by au212001 at 2005-7-24 08:34 PM:
係哩....你第一句有冇講過話"hi...咁岩呀"...雖然覺得老套..咁我覺得work wo

冇喎! 當面同佢講那個係佢完全唔認得我架! 我咪直接同佢講話見過佢幾次，想同佢做個朋友。

第二個就剛剛係佢做野既地方同佢有講過幾句，所以我放低張紙時，佢都認得我既。而第呢個早前同我發展得幾好，不過我覺得自己了解佢多左，同佢唔夾，所以後來同佢講話唔一齊了。

作者: au212001 時間: 2005-7-24 10:13 PM

genesic.....
其實我自己本身係一個好多野諗的人...我已經諗過晒佢有男朋友,佢有人追緊的假設..我當然知道冇人接,吾代表冇男朋友...但我的第一步,只係想知佢叫咩名,電話等基本資料先...如果佢有男朋友,都可以當做朋友,若真係冇可能..咪當冒水情緣low..又吾係第一次.,你估我見到差吾多次次佢收工時都講電話.我會冇野諗咩..正常女仔,收工都會打俾男朋友不過我未肯定,所以仲當有機會low,,....就算人地冇男朋友,,也有其他原因拒絕..所以現在只想一步一步咁入手..

我也知道我的形勢係下風..這正正是我到而家未行動的原因....

我也相信愛情係冇幸運..讀書時會,追求女仔,只會說我喜歡你就算....人大了,多了挫折..從失敗找成功....現在知道要一走一走來...其實我也覺得佢有男朋友,,所以一直吾敢去行動.,但有時又想快點了斷這件事..如果有男朋友,,佢又介意我的話..咁就算啦..若果冇,才想下一步

作者: au212001 時間: 2005-7-24 10:17 PM 標題: gundamman678兄...

gundamman678兄.,你同我的想法差吾多一樣...我諗住的說話都係.咁上下..咁岩呀..見過你幾次..我叫max呀..可吾可以同你做朋友...咁上下low......

作者: gundamman678 時間: 2005-7-24 10:25 PM

係呀，當然，唔少女仔遇到咁既情況都會覺得咢然，但咁係正常既，咁你就要保持自然d既笑容囉，同埋可以講"我都知咁樣識你係唐突d，但咁係我唯一可以識到你既方法....我真係想同你做朋友，唔知你介唔介意俾你既聯絡方法我呢?"

呢段就係我當時講既對白既大慨內容啦!

[ Last edited by gundamman678 on 2005-7-24 at 10:27 PM ]

作者: au212001 時間: 2005-7-24 10:38 PM 標題: gundamman678

嘩...gundamman678兄...好多謝你呀...雖然我已經諗得好多野,,但你個句真係好得呀...我一直反思考..諗,,如果有人係街上冇o拿o拿撩自己...我自己好咢然..但對方講d咩野..我先會俾個電話佢,同令我不會感到反感...但聽完你這說話..(如果我聽)..我吾會感到反感之餘..仲會幾開心tim....多謝你...請繼續支持....

作者: genesic 時間: 2005-7-24 10:57 PM

其實你很用時間的話,可以咁講,用相遇唔知得唔得,你想想一天見咁多人,
點解會因為你,一時一刻的表現,會有留下深刻的印象,所以直接問的話,我
覺無把握,你有時間,可以慢慢來,所以我先問你佢做邊行,佢做的部們顧客
的,你可以問多d野..都係個句...你講d資料都不足!!

作者: gundamman678 時間: 2005-7-24 11:20 PM

我覺得你直接問佢唔係問題，直接講既意義旨在你要同佢之間係建立起一個相識既關係，呢個就係第一步目標! 我之前成功個一次，都係識左個女仔之後，再係e-mail度同佢傾偈，傾傾下咪熟左囉，再跟住就傾電話、約出街，一步步咁黎。

作者: genesic 時間: 2005-7-24 11:31 PM

Originally posted by gundamman678 at 2005-7-24 11:20 PM:
我覺得你直接問佢唔係問題，直接講既...

唔...萬一,一嚇襯無彎轉,我撞過板,所以做佢客仔先,有著數
...要收集多d數據,為先!

作者: au212001 時間: 2005-7-25 12:35 AM 標題: 其實你很用時間的話,可以咁講,用相遇唔知得

genesic
我都知人一日相遇的人好多..其實如果佢認得我,吾代表佢對我有好印象...
你想話做多d收集資料先...都係想俾佢一個好印象..,認得自己...
但若果弄巧反拙,俾佐個壞印象佢咪仲衰....不過多謝你意見....

作者: au212001 時間: 2005-7-25 12:38 AM 標題: 我覺得你直接問佢唔係問題，直接講既意義旨在你要........

gundamman678兄..我同意...我一直都係想問下佢咩名,電話...做住朋友先,,開始得到信任先至表白等等...一走一走...希望由朋友開始..而不再好似已前讀書個陣咁..一開始就講"喜歡你"等等.....

作者: BOYDWAN 時間: 2005-7-25 12:53 AM

好~非常好~！各bro.嘅言論好正面、亦好實用~^^
*有個好緊要嘅hints: 你話你幫襯過佢，咁佢賣乜？如果佢係sales，咁就真係very easy 喎......不過你唔好再呆等佢囉，佢又唔知你做乜，盞嚇親人(實攪到人誤會)，就算依家都咪用gundamman678嘅打招呼方法住，因為已錯過最佳時機，wrong timing~
(等你答案再同你分析~ ^^ )

作者: au212001 時間: 2005-7-25 01:01 AM

Originally posted by BOYDWAN at 2005-7-25 12:53 AM:
好~非常好~！各bro.嘅言論好正面、亦...

點解吾好用e個打招呼方法哩???

作者: BOYDWAN 時間: 2005-7-25 03:26 AM

Originally posted by au212001 at 2005-7-25 01:01 AM:

點解吾好用e個打招呼方法哩???

最佳timing 已過，加上當事人內向嘅性格，要佢講開場白已必定口窒，再跟住落去會點？唔難想像矣..........

作者: au212001 時間: 2005-7-25 10:27 AM

Originally posted by BOYDWAN at 2005-7-25 03:26 AM:

最佳timing 已過，加上當事人內向嘅性格，要佢講開場白已必定口窒，再跟住落去會點？唔難想像矣..........

咁做d咩好呀????

作者: BOYDWAN 時間: 2005-7-25 08:57 PM

你都未答我問題，我點講比你知呢？ ^^

作者: Rika 時間: 2005-7-26 01:12 AM

Originally posted by BOYDWAN at 2005-7-25 08:57 PM:
你都未答我問題，我點講比你知呢？ ^^

au212001兄，好似 BOYDWAN 所講，形容一下你自己先~

作者: au212001 時間: 2005-7-26 10:42 AM

Originally posted by Rika at 2005-7-26 01:12 AM:

au212001兄，好似 BOYDWAN 所講，形容一下你自己先~

你想我點形容?高度?177cm...體重?65kg..中等身材...樣貌中等low...

作者: genesic 時間: 2005-7-26 10:53 AM

個女孩係做邊行?買d乜?係咩工作位置...你都無講..我地點諗從工作上有機會著手,
講多d啦...

作者: BOYDWAN 時間: 2005-7-26 04:40 PM

Originally posted by genesic at 2005-7-26 10:53 AM:
個女孩係做邊行?買d乜?係咩工作位置...你都無講..我地點諗從工作上有機會著手,
講多d啦...

bro. genesic，你同Rika 完全知我心意~~~

作者: genesic 時間: 2005-7-26 04:46 PM

係囉..我唸大家都覺得由工作方面入手會易d!
我都唔知點解au212001哥仔咁鬼隱悔!!!

作者: BOYDWAN 時間: 2005-7-26 05:16 PM

Originally posted by genesic at 2005-7-26 04:46 PM:
係囉..我唸大家都覺得由工作方面入手會易d!
我都唔知點解au212001哥仔咁鬼隱悔!!!

唔

..................唔通連au212001都形容唔到對方工作性質係乜？！

作者: au212001 時間: 2005-7-26 10:02 PM

Originally posted by BOYDWAN at 2005-7-26 05:16 PM:

唔..................唔通連au212001都形容唔到對方工作性質係乜？！

佢係診所做登記護士...:cool:

作者: 藍 時間: 2005-7-26 11:58 PM

Originally posted by au212001 at 2005-7-26 10:02 PM:

佢係診所做登記護士...:cool:

正bor,護士姐姐....甘就慘拉,dayday去睇病....
睇d人地一定會記得你既病^^|||||

作者: genesic 時間: 2005-7-27 11:31 AM

Originally posted by au212001 at 2005-7-26 10:02 PM:

佢係診所做登記護士...:cool:

唔..見你咁坦白,都要嘉許下,放心我好應真會想想點幫你,方法唔會太多,你要
有心理準備要輸得起先好追下去,件事上有兩個著眼點,可以想想,第一環境,同
第二印象,首先講講環境有好同唔好, 做登記護士始終係對外的, 你可時時去
昅佢,相對你都好易俾人見到你昅人,萬一當你係不懷好意的人你就煩!!呢點你
自已小心d!!話明做登記護士咁要善用呢個環境,做登記護士就等同要執頭執尾
,我會咁諗,你知道醫務所收幾點對嗎,如果你做到醫務所收工前最後的病人咁
就好,點解?好簡單扮留低野,留低重要物品,當睇完醫生時,到囉藥要一起呵成,
俾人覺得你趕時間,搞到留低野!至於咩病我就幫你唔到,發燒定跌傷就睇你,但
同你講唔付出點有收成!但記著留低野,物品要私人,但有不要太古怪...也不要
太大份,如果唔係好像好故意,鎖匙包..我覺ok..夠膽就留手機,鎖匙包..d鎖匙緊
係唔好用d重要...手機就睇你夠唔夠豪,所以點解我要你做最後走的病人,務求
要醫務所的人執到!咁第二朝你咪打去醫務所問..先介紹自已係邊個,唔好咁多
廢話,講我叫咩名(英文名易記d)講完名後,就入正題,講返你留低件野的事..照
正常都會在佢手,你順便問對方點稱呼囉..然後就更係去囉回呢d野!!
做咁大場戲都係想你有登場的chance..等佢對你有d記憶,等有理由同佢點解
打招呼!!關於環境第一part就此停筆!!食飯後待續...

[ Last edited by genesic on 2005-7-27 at 11:32 AM ]

作者: au212001 時間: 2005-7-27 01:37 PM

其實我都只抱著6,7成的信心,不過我而家都只係想拿到個名同電話先,,...
佢間診所...有2個同事,一收工就有個阿姐清理診所,所以留低野都未必交到佢手

....
仲有一樣野要解決,,佢一收工,就拿個電話吾放,(姑且吾諗住佢同邊個講電話住..)咁佢如果講電話,我點開口wo???一定要等到佢收線,,但佢一收線..........佢已經行到去商場啦,好多人,難開口.....

如果佢真係有男朋友,我就一家吾會再行動嫁啦..因為我由讀書到而家的原則:""有男朋友的女仔只可以係朋友""..不過我而家只想同佢做朋友先o者

作者: genesic 時間: 2005-7-27 02:33 PM

咁都唔緊要...最緊要佢收工同朝早開工起到,你留低鎖匙包個d物品
阿姐要來做乜,還有做得阿姐,如果因一時之貪,而無了份工,佢唔驚嗎
你都未有印象被佢留下...你點肯定之後佢會對你點,你有恆心咁等,或
者等到無講電話呢,好過你咩都唔做!!還有你到現在先講咁多細節出來,
點解唔早d講,早d講還多人幫你..你都唔爭取!你點追人?
關於有無男友,咁有點?或者佢男友唔好呢,,,咩都唔好諗,要增加了印象
才最重要!!唔好同我講話而家想同佢做咩朋友...呢d野!咁多人你唔去識
係要識去識佢,唔好怕衰找藉口!鍾意人無錯的!你咁樣未行先講唔好,你
將來點做大事!!

作者: 藍 時間: 2005-7-27 05:04 PM

Originally posted by au212001 at 2005-7-27 01:37 PM:
其實我都只抱著6,7成的信心,不過我而...

方法係死既,人係生既,你吾鍾意用呢d方法,米再諗下第二d咯
我覺得咩方法都好,都係為左要留個印象比人地姐,留到個印象,之後做野好好多

作者: gundamman678 時間: 2005-7-27 07:42 PM

唏唏，係呢d情況，我通常都介紹人睇睇Will Smith 套"Hitch"先，睇左呢套野真係可以壯膽架! 因為我親身試過! 同埋可能會令你可以諗到好多橋去識佢添~~

作者: au212001 時間: 2005-7-27 08:03 PM

Originally posted by gundamman678 at 2005-7-27 07:42 PM:
唏唏，係呢d情況，我通常都介紹人睇睇...

我都有睇呀~~~

作者: au212001 時間: 2005-7-27 11:18 PM

各位,,今日,,,,,,,,,,,
有d野真係咁岩得咁橋,正常星期3,佢應該係放假ge,,,,但見到今個星期一,她已經放佐lu...諗住如果佢今日真係有返工,就決定今晚行動去識她啦...點知她的確有返工,但見到有男朋友接佢...噢,她的確有男朋友,,唔唔.,仲要咁岩行條路係她們後面,,見到個個男仔搭住她,好sweet,唉....好晴天霹靂tim,,,晚上去食飯,同d fd講....佢地叫我照去識她low...當吾知她已經有男朋友low......咁同我講,我而家都吾知點做好....

作者: gundamman678 時間: 2005-7-27 11:38 PM

唔......雖然我唔贊成人去做第三者，但你既事當然係你自己決定囉......

但我覺得佢有男友，你機會當然細好多啦......

作者: au212001 時間: 2005-7-28 12:10 AM

真係夠晒戲劇性,出街前都ready好晒,,,返到屋企............呆晒.....

作者: BOYDWAN 時間: 2005-7-28 12:35 AM

無問題、無問題~~~最緊要係你係咪好"ロ答"佢糖先？嗱，要好認真咁問清楚自己先；若然係真係好冧佢嘅話，就出擊啦！小弟都有d心得嘅~~~(不過要有長期作戰嘅心理準備喎....)

作者: 藍 時間: 2005-7-28 01:10 AM

哈...我呢d無道德觀念既,你當我係魔鬼又好,咩都好拉,你如果係鍾意既,我支持你去馬,好好醜醜都得個知字,長期既野,無人知會點發展既,話吾定過一個星期佢同條仔嗌交甩拖呢,哈

作者: genesic 時間: 2005-7-28 09:19 AM

唉~~~咁你這幾天,,好好思量下,這段單戀如何~在下定斷!!

作者: au212001 時間: 2005-7-28 11:07 AM

過佐一晚,我依然真的想扮吾知她已經有男朋友...但昨晚看見她跟男朋友攬得咁實,""痴""得咁埋,平時幾cool的她...看見她把一張開心,sweet的笑容放在臉上,但不是為我..,想起也有一點心酸...看見她的sweet,我就像感覺到我的傷口在流血....

..現在我的心有2個極端....一,,做第3者..搶......(e個係最多人讚成的)...二,,放棄...但我真的不願意就咁算數...但我驚用第一個方法..我同她最後也可能會受傷......希望用多2日時間再諗清諗楚

作者: BOYDWAN 時間: 2005-7-28 12:32 PM

慢慢諗，唔洗急；一定要諗清楚先，記住: look before step~！

作者: siredes 時間: 2005-7-28 03:06 PM

我覺得...人始終係自私的...既然你真係咁鍾意佢...就算明知佢依家好鍾意佢條仔...都應該諗辦法去接近佢, 再諗辦法同佢做普通朋友先.
如果真係做得成朋友, 我覺得你應該花多D時間去了解佢先, 唔好咁快就諗住點去橫刀奪愛.
當你對佢o既了解愈來愈深o既時候, 可能你會發覺佢其實唔係咁適合你.
genesic其實講得幾o岩, 與其諗咁多, 不如做更多.
以上純粹個人意見.

作者: 藍 時間: 2005-7-28 10:52 PM

Originally posted by au212001 at 2005-7-28 11:07 AM:
過佐一晚,我依然真的想扮吾知她已經有...

或者甘拉,你諗清楚,你鍾意佢,目標係咩?如果係以追到佢為目的去決定表吾表白既,甘係成功率甘低既情況下,我覺得你可以死心咯;如果你只係因為鍾意佢而又想比佢知道既,甘米去表白咯,除此之外,其實我會建議你以做朋友為目標去結識佢咯,始終好多野,急吾黎既

作者: genesic 時間: 2005-7-29 09:41 AM

你諗完先好講,我地身為過客人,方法就會幫你諗,選擇點做呢樣野,
係你的事,我唔多like你將自已如何決擇的過程post 出來,咁大家會
看完後,會有可能有受你煽動出了d你想假設的suggest,我只會供應
解決的solution,唔想我d意見介入你自已決擇時考慮的因素,咁大個
人放低定去馬,係自已的事...唔想你要為自已如何追下去找d人地
suggest 的理由當做自已的選擇,費事你後悔..未認清點做!!

作者: hcee 時間: 2005-7-30 09:03 AM

而家香港都冇乜邊個女仔係沒有男朋友的.................雖然做第三者不是太好........

但係個女仔又唔係嫁左比佢.......你係應該去爭取自己所喜歡既人........

就算你點冇膽你都起碼應該認識了她.......知道她的名字和聯絡方法......

追唔到佢咪同佢做個朋友先lor......保持住比多個選擇佢........

其他更仔細更深入既追女事情就遲d先算啦.........當前第一步就係留下好印象和結識她........

第一步都未行........就唔好發咁多夢同想太多野住.......

如果連佢個名都唔知......識都識唔到佢.......你就真係對唔住你自己...........

比 d 信心去馬啦~!! 決定左既野唔好比藉口自己放棄......

總之............加油努力啦~~!!!!!!

作者: Rika 時間: 2005-7-30 07:46 PM

Originally posted by genesic at 2005-7-29 09:41 AM:
唔想我d意見介入你自已決擇時考慮的因素

good point

作者: au212001 時間: 2005-7-31 09:20 PM

大家......我己想了幾天了,,,我已決定識她.....同佢做朋友.........想了幾天,,終於有了決定,多謝大家的支持,我要努力

歡迎光臨娛樂滿紛 26FUN (http://26fun.com/bbs/)