娛樂滿紛 26FUN - Powered by Discuz! Board

標題: 朗尼未婚妻傳懷孕8星期 [打印本頁]

作者: Jeans 時間: 2005-8-31 11:17 AM 標題: 朗尼未婚妻傳懷孕8星期

朗尼未婚妻傳懷孕8星期

【明報專訊】英倫傳媒昨天爆料指曼聯球星朗尼的未婚妻麥洛蓮已懷有8個星期的身孕，報道形容朗尼對於快將為人父感到極度開心和興奮。

朗尼與麥洛蓮雖然都是年僅19歲，但兩人青梅竹馬交往多年，去年更已舉行訂婚典禮，今年6月時便結伴到加勒比海附近的巴巴多斯預度蜜月，根據麥洛蓮現時懷有8個星期的身孕來推算，「小朗尼」應該正是在他們於度假期間成孕的。朗尼最近答應為足球電子遊戲《FIFA2006》擔任代言人，可能也是為了多賺「奶粉錢」。

適逢朗尼那所價值1.25億港元（900萬英鎊）的豪宅已告裝修妥當，內裏的設計更是由麥洛蓮一手包辦的，他們大可提早入住新居一邊享受二人世界，一邊讓麥洛蓮在舒適的環境下安胎。不過，最重要的可能是朗尼應學會收歛脾氣，減少粗言穢語，為「小朗尼」做好胎教。

車仔蠱惑更衣室折磨客軍

新一季英超聯賽周六開鑼，衛冕車路士上季重奪失落五十年既聯賽錦標，並非一朝一夕既成果，球會一草一木都經過精心計算，原來連球場既更衣室設計都下過一番苦功，球會稱之為「心戰室」，特別請來運動心理學家全面打造，針對人類心理弱點，令所有敵人聞風喪膽！

史丹福橋球場更衣室分為主隊同客隊，客軍更衣室所有設備、燈光同室溫都經過特別調校，經運動心理學家指出，球員進入更衣室後，容易感到焦慮、挫敗，更衣室內特別空曠，造成無形既壓迫感，球員留得愈耐，意志消磨得愈快；而沐浴花灑亦唔夠用，踢完波想沖個涼都要爭位，車仔呢招都咪話唔毒！

至於主隊既更衣室，設備包羅萬有，球員o係更衣室內，會感受作戰氣氛同團結精神，據心理學家指出，球員既最佳作戰情緒係不慍不火，唔能夠太激昂，失去左理智，但同時又要投入比賽，要取得平衡唔容易，車路士近幾季成績咁理想，上季主場更保持不敗，幕後功臣其實係個更衣室同一班勞苦功高既心理學家。

同時，車路士近年致力開拓不同生意門路，除左斟掂adidas（○六年開始）及三星做新贊助商外，同時亦建立起自己既便服品牌Blue Label，可以話生財有道。

史丹福橋球場有兩間精品店，以樓高兩層既Megatore規模最大，除一般球衣、T恤、頸巾、鎖匙扣、月曆等，連恤衫、領呔甚至家庭用品都有，而且款式仲相當多。

[ Last edited by Jeans on 2005-8-31 at 11:20 AM ]

歡迎光臨娛樂滿紛 26FUN (http://26fun.com/bbs/)