娛樂滿紛 26FUN - Powered by Discuz! Board

標題: 女朋友成日話我唔陪佢....plzzzz help [打印本頁]

作者: halu 時間: 2005-9-1 03:06 AM 標題: 女朋友成日話我唔陪佢....plzzzz help

armarm今年 U grad
搵緊野做..但未搵到
淨係做緊part-time...abt $4000 a month
通常有一半會save起..即係一個月大慨得$2000用
通常一個week會同女友出去1-2次, 通常都係禮拜六日
琴晚佢叫我陪佢行街, 我話好, sat啦
跟住佢reply "...........", 我就知道佢唔like
我就問佢係咪想呢兩日去行, 但我要見工
跟住佢就話 "就算你唔係去見工, 你都唔會平時陪我出去架啦" (因為我之前推過去幾次)
講到呢度, 我諗大家都知道我唔想出街ge原因根本係唔夠$$駛
出一次街睇場戲食餐飯, 平極都要二百幾蚊, 如果我一week見佢幾次, 我點會夠$$用?

大家覺得我應該點同佢講呢個問題, 佢唔知我係因為$$而唔出去
佢淨係覺得我唔夠中意佢, 唔關心佢, 所以唔陪佢
我唔想直接同佢講因為係$$ ge問題, 因為我會覺得自己好冇用

thzzz for giving opinions..

作者: 周衡 時間: 2005-9-1 03:27 AM

我都覺都同女朋友出街.錢係一個十分麻煩既問題
我都想知有咩方法可以解決呢個問題

作者: Troy 時間: 2005-9-1 03:58 AM

It really depends on what stage is your relationship is. I think you should tell her you don't have $$$$$.
When you get some work experience and get a job that pays $40000 a month, you can save 20000 and still have $20000 for play money!!!

作者: fire2004 時間: 2005-9-1 04:18 AM

其實直接同佢講....佢如果真係愛你....佢會為你著想.....女人吾可以太就佢
你要佢明白......

作者: benny0105 時間: 2005-9-1 05:35 AM

如果佢愛你，佢一定會明白你既狀況同感受，但係你一定一定一定要講清楚比佢聽。
冇人話過出去一定要男人比錢，只不過係d女人老馮要人照顧！
要知道，當一個女人死心塌地愛一個人時，佢分分鐘連雞都肯做。
所以halu兄，「坦白」就係良方。對佢坦白之後，你就會知道乜野叫珍貴。Good Luck ^.^

作者: au212001 時間: 2005-9-1 07:32 AM

如果佢愛你,佢一定會為你著想啦~~~~多d係你角度諗,
2個真係鐘意大家,吾一定去食飯睇戲,大家出來見下面都可以滿足啦,
而且一星期見1,2次..見親就要你睇戲食飯,次次埋單都係你..如果有能力支付的就冇所謂啦~.
e個問題都值得同佢討論..應該同佢講清楚,,咪自己一直係咁付出,而佢覺得係應份.

如果佢都未有收入ge..咪搵d平d的活動low..我吾知你的生活白習慣,所以俾吾到意見你...

作者: mcsimon0574 時間: 2005-9-1 09:57 AM

點解你同你女朋友會為左你唔陪佢而唔高興...
但係我同女朋友就成日為左我經常陪佢而唔高興呢..?我地一個星期見5次到啦.. (暑假 )
咁行街食飯睇戲.就一定嫁啦...巳經開始悶woo...其實我覺得只要兩個人係一齊的話..去邊都沒所謂嫁... 可以上下你屋企..或者佢屋企..睇下dvd..打下機..玩下電腦...都好開心嫁..~>..
但係呢...就比較危險啦...自己小心.

作者: gundamman678 時間: 2005-9-1 09:58 AM

拿，你而家只係暫時做緊part-time，咁而家無錢駛都只係暫時既，咁你咪直接同佢講話你未正式搵到野做，而家要慳d駛，所以希望佢體諒下你，等你搵到野做再同佢去多d街囉!

我以前讀書時拍拖，個時我都係咁對我個女友講，我好老實話自己要慳d駛，咁佢都好明白，所以去街有時係大家夾份出錢既。

如果佢咁都唔體諒下既話，咁佢就唔係一個體貼同尊重你既女友囉!

[ Last edited by gundamman678 on 2005-9-1 at 10:02 AM ]

作者: astepor 時間: 2005-9-1 10:12 AM

係5係你做大左個頭呀?
即係第1,2次就去d勁貴勁靚既地方,吹得太大,
個女仔意為你有米.
另外關於你5陪佢,好似#7話'其實我覺得只要兩個人係一齊的話..去邊都沒所謂嫁',
問題係出街5一定要大洗,行下山,游下水,都好平的,
或者你咁'林',你自己5陪佢,比第2 d人陪佢,咁點算,
如果人地係好女仔,咁要好好珍惜.

作者: westsider 時間: 2005-9-1 10:56 AM

hang out at your/her place lor.

作者: cthim83 時間: 2005-9-1 09:04 PM

坦白 d 同佢講啦，如果佢有"唔夠中意佢, 唔關心佢, 所以唔陪佢"嘅諗法你就要快 d 澄清啦，事關佢可能會亂諗野架

作者: 藍 時間: 2005-9-1 11:44 PM

Originally posted by halu at 2005-9-1 03:06 AM:
armarm今年 U grad
搵緊野做..但未搵...

呢個係一個魚與熊掌既問題....

如果係我,我會選擇同佢開心見誠講個難處出黎;其實鍾意佢的話,又點會吾想陪住佢,不過始終係要搵食既,我諗好多男仔都有呢個難處;如果想慳錢又吾想無左個女朋友既,甘你就唯有多d用下腦,睇下有咩方法可以冧冧地兩個人又吾駛甘貴咯(佢恨去行街買野仲指定你比既,你就認命拉,無得救),好似我甘,有時同女朋友去行下超市,買送返屋企玩煮飯仔,食完飯睇下碟甘,一樣都冧到佢架

作者: 藍 時間: 2005-9-1 11:47 PM

Originally posted by mcsimon0574 at 2005-9-1 09:57 AM:
點解你同你女朋友會為左你唔陪佢而唔...

每個女仔都有吾同要求既,何況你一個星期見足五日,哈,真係好似返工甘,我又覺得有d多,成日見,一黎會好快無野好做,會悶拉,而你女友會吾高興的話,可能係佢吾鍾意男友痴身,鍾意多d私人空間,又或者佢覺得你成日同佢一齊,好似管住哂甘呢

作者: mcsimon0574 時間: 2005-9-2 06:34 PM

佢都成日同我講..好耐都沒同d fri出街..
我有叫我女朋友同d fri出街..不過佢地次次都約唔成..
咁就唔好講我成日同女朋友出街啦.

作者: Flyhigh 時間: 2005-9-2 09:53 PM 標題: #15

我覺得你應該直接同佢講，把你既苦處話俾佢知！
聽完後，如果佢係願意同你捱既話，敢你就得到寶啦，要好好珍惜；
如果佢聽完後，就走咗，唔搵你，你就當一次教訓，第日帶眼識人囉！

作者: roykenroy 時間: 2005-9-4 11:13 PM

Originally posted by halu at 2005-9-1 03:06 AM:
我唔想直接同佢講因為係$$ ge問題, 因為我會覺得自己好冇用

我從來都唔識分…一個人有用定冇用!! 但係你o係度話自己冇用…就一定冇用 (指呢個問題!!)! 如果用..”有冇錢去拍拖”…o黎介定一個人有冇用….好似唔係好通呀呵??

如果真係一個問題~~”錢”!!...咁咪去搵囉!!....份工人工低…咪轉工囉!!...一份part-time唔夠…咪做多份囉!! 大把方法….唔好話自己冇用!!..正面 d....唔好打沉同埋睇低自己….自信好緊要!!!!...千祈唔好自己掉左佢!!!!!

你可以o係度同咁多人講就得….唯獨同佢講就唔得??

如果兩個人一齊…都有咁多隱瞞…係咪唔係咁好呀??

...有d野…時間耐左…一定會穿….你明嗎??

另外，你女友覺得你”唔夠中意佢, 唔關心佢, 所以唔陪佢”…l順便檢討下自己平時d態度…電話次數呀…你有幾鍾意佢呀….之類既野啦!!!....慢慢諗…可能有新發現呢!!!

祝
財源廣進!

[ Last edited by roykenroy on 2005-9-5 at 12:05 AM ]

作者: 藍 時間: 2005-9-5 01:11 AM

如果用..”有冇錢去拍拖”…o黎介定一個人有冇用….好似唔係好通呀呵??

嗯,好鍾意呢句

作者: Giorgior 時間: 2005-9-13 12:22 AM

如果佢鍾意你d $ 唔鍾意你個人...咁e d女仔要黎幹麼?

作者: yutik 時間: 2005-9-22 07:01 PM

通常你依個咁敏感既moment好易會散 ~ 經驗常談, 唔係咒你 ~
你女友年紀都好似好細個, 思想唔成熟, 鍾意同你撒嬌, 好"痴"身 ~
佢真係幾唔識做人, 但係我又唔明 ? 點解出街一定要你出晒錢呢 ?
佢攞綜緩既咩 ? 依d咁既小妹妹唔係話佢鍾意痴飲痴食 ~
係佢個腦筍都未生埋 ~ 淨係識得行街食飯睇戲周圍fing ~
無可口非拍緊拖既邊個唔想成日響埋一齊 ? 但係你都要識顧住個銀包 ~
又要顧住你女友 ~

最簡單既係 : 出街一係就AA制, 無法例講明男仔一定要幫女仔比錢既;
再唔係帶佢去食D平既野食, 唔係下下都要去酒店high tea架 ~
如果佢堅持要去d咁既地方, 你同佢講不如同HSBC印銀紙既大班一齊 ~

另外出黎見面唔係唔得 ~ 你同佢講你要搵工, 要為將來打算 ~
唔通你去渠務處道做佢都仲會肯同你一齊捱咩 ?
仲要, 要好老實同佢講你既經濟情況 ~
無理由咩野都要你自己揹晒上身, 到你真係無錢既時候,
你估佢又肯唔肯比錢你呢 ?!

其實依個都係試探你女友既好機會 ~ 睇下佢愛錢定係愛你 ~
如果佢下下同你出街都顧住要買野, 食又要食最貴既 ~
你自己真係小心D ~

記住啦 ~ 兩個人響埋一齊係要互相遷就 ~ 太過就對方, 個天秤就會斜左埋一邊 ~
個後果你都知架啦 ~

歡迎光臨娛樂滿紛 26FUN (http://26fun.com/bbs/)