娛樂滿紛 26FUN - Powered by Discuz! Board

標題: 小時了了大未必佳 [打印本頁]

作者: Jeans 時間: 2005-9-6 05:19 PM 標題: 小時了了大未必佳

小時了了大未必佳
金童唔易做！
文：李登峰／胡永鴻 06/09/2005

世界球壇每季都爆出新星，小將年紀輕輕就打出名堂，其中更有天才球員被譽為金童，一出道就被捧成球星，可惜小時了了，大未必佳，金童其實唔易做，好多都係威過一輪就走下坡，而且愈來愈沉，無復金童光輝。

心智未熟問題多

年輕成名上位的球星，其實好多心智都未成熟，通常有兩個結果，第一係賺到錢就揮霍，私生活亂來，好快就衰老，體力下降自然踢唔出好波；第二係受唔起壓力及打擊，每遇到傷病就意志消沉，克服逆境能力唔夠強，一沉不起亦好常見。

當然，球壇起跌好平常，有天才球員唔係衰在自己手上，而係球運欠佳。

高處不勝寒，金童就算冇滑落，都好難長期維持高峰，奧雲、迪比亞路、卡斯辛奴及魯爾等天才橫溢球星，都曾經係金童，佢都有類似遭遇，最近遇上足球生命低潮，可唔可以谷底反彈，要睇佢造化囉！

作者: Jeans 時間: 2005-9-6 05:19 PM

夕陽戰士迪比亞路
06/09/2005

迪比亞路雖然一度被譽為巴治奧接班人，不過近年愈踢愈沉，祖雲達斯失去正選，意大利國家隊亦得不到重用，「雙重失意」下，金童就此沉淪！

現年三十一歲迪比亞路，九十年代中期崛起，由於踢法同巴治奧相似，當年被視為意國新一代金童，可惜九十年代末期開始受到傷患困擾，始終無法回復巔峰時水平，表現更有每況愈下趨勢。
迪比亞路

慘變祖記「第四前鋒」

祖雲達斯開鑼戰對基爾禾，射手伊巴謙莫域及查斯古特雙雙正選出場，迪比亞路淪為後備，最丟臉係完場前練卡比路決定讓查斯古特休息，換入薩拉耶達，呢個換人安排，基本上已經「奠定」迪比亞路「第四前鋒」位置。

既然球會未能穩坐正選，迪比亞路國家隊自然危危乎。意大利國家隊統帥納比公開表示，如果迪比亞路希望為國力，出戰明年世杯決賽周，佢至少球會要有出色表現，否則一切免談。

不過，迪比亞路最近仍被召入國家隊，出戰對蘇格蘭及白俄羅斯世杯外圍賽，迪比亞路固然感激流涕，但如果佢演出再度令人失望，東山再起機會更加渺茫咯！

作者: Jeans 時間: 2005-9-6 05:19 PM

曇花射手奧雲
06/09/2005

皇家馬德里極度失意奧雲，季初決定重返英超，可惜母會利物浦以價錢太貴為由拒絕接收，幾經辛苦至得到紐卡素收留，總算有地方落腳，不過搞到咁狼狽，認真慘情！

奧雲當年決定離開利物浦，原本諗住西班牙闖出名堂，點知皇馬粒粒皆星，奧雲去到無碇企，浮浮沉沉消磨一年時間，乜冠軍獎座都拎唔到。出發前滿懷大志，點知最終得個桔，奧雲自己都冇晒癮啦！

奧雲始終都係後生仔，得廿五歲，冇理由皇馬蹉跎歲月，依家重返英超，仲拍住好好先生舒利亞，但係唔好唔記得紐卡素仲有一位西班牙射手盧基，此子腳法射術不比奧雲遜色，奧雲咪以為可以穩坐正選呢！
奧雲

朗尼出現光芒盡失

即使英格蘭國家隊，奧雲影響力亦大不如前。奧雲初出道時一鳴驚人，九八世界杯對住阿根廷，更射入世紀金球，可惜其後無以為繼，光芒漸被後輩朗尼蓋過，連巴西天王巨星朗拿度都點名激讚朗尼仔，對奧雲隻字不提，顯然唔將佢放在眼內。

奧雲備受各界冷落，加上佢性格低調，是非新聞唔多，記者們都覺得佢太悶冇乜新聞價值，所以如果奧雲唔能夠紐卡素重生，重拾昔日風采，呢位昔日天之驕子，幾年之內大有可能被廣大球迷忘掉呢！

作者: Jeans 時間: 2005-9-6 05:20 PM

森巴「炮灰」魯爾
06/09/2005

魯爾一直被視為皇家馬德里鎮山之寶，其地位等同托迪羅馬，不過由於皇馬大力推行「巴西化」，巴迪斯達及羅賓奴今季悉數加盟，魯爾球會地位肯定受到進一步衝擊。

皇馬一直係西班牙旗艦球隊，每個年代必有一位西班牙球員擔任「精神領袖」角色，從昔日布達堅奴開始，直至希亞路，一直係球隊靈魂所在，原本魯爾亦繼承呢個角色，不過隨皇馬引入更多頂級球星，魯爾重要性已經大不如前，更被安排不擅長位置，未能發揮最佳水準。
魯爾

移後「半格」入球大減

魯爾原本出任前鋒，不過皇馬已經擁有朗拿度等鋒線殺手，魯爾被迫安排踢較後位置，入球數字隨即大減。事實上，魯爾即使國家隊踢回前鋒位置，但射門觸覺已大不如前，西班牙世界杯外圍賽表現失色，同魯爾入球能力下降不無關係。

現年廿八歲魯爾，曾經為皇馬奪歐聯冠軍以及聯賽冠軍，基本上皇馬已經取得相當圓滿成績，不過，佢最大遺憾肯定係多年來西班牙國家隊毫無建樹。西班牙近年大型國際賽失意而回，魯爾必成為眾矢之的，明年世杯決賽周將係魯爾「最後機會」，若西班牙再度失利，魯爾隨時要黯然退出國家隊，就此告別國際舞台。

作者: Jeans 時間: 2005-9-6 05:20 PM

野性難馴卡斯辛奴
06/09/2005

卡斯辛奴係意大利近年出產最具天分球星，可惜佢恃才傲物，視紀律如無物，得罪球會及國家隊領導層，令到仕途發展始終欠順。卡斯辛奴今季慘被羅馬雪藏，如果仲唔肯悔改重新做人，隨時要做足四個月後備呢！
卡斯辛奴

扭計惹禍後備都冇

羅馬開鑼戰大勝里賈納三比○，卡斯辛奴只能坐後備席，一分鐘出場機會都冇。雖然賽後羅馬練史巴列堤表示，無意雪藏卡斯辛奴，但係人都知，卡斯辛奴同球會合約明年夏天屆滿，但卻遲遲扭計唔肯續約，史巴列堤自然要施下馬威，畀顏色卡斯辛奴睇！

卡斯辛奴對續約態度消極，已經惹來球迷非常不滿，有球迷街上遇到卡斯辛奴，立即報以噓聲，卡斯辛奴得罪羅馬球迷，唔使旨意有好日子過呢！

廿三歲卡斯辛奴早年鋒芒畢露，九九年以巴里球員身份，首度意甲上陣，即有驚喜演出，立即招來各大富豪球會垂青。○一年當時十九歲卡斯辛奴以二千萬鎊轉會費轉投羅馬，其後扶搖直上，○四年歐洲國家杯更有精采演出，前途一片光明之際，卡斯辛奴卻同前羅馬練卡比路，以致國家隊領隊納比關係愈鬧愈僵。雖然卡斯辛奴好波，但如此野性難馴，莫非想重蹈加斯居尼覆轍？

作者: Jeans 時間: 2005-9-6 05:20 PM

自毀前程古華特
06/09/2005

古華特初出道即被譽為天才球員，更協助阿積士勇奪歐聯冠軍，當時球壇都認為佢係繼雲巴士頓之後，最厲害荷蘭中鋒，可惜古華特經唔起時間考驗，賺到錢就變質，成名之後無甚突破，只係曇花一現天才。

古華特職業生涯最威水賽事係九五年歐聯決賽，當時阿積士維也納挑戰勁旅AC米蘭，古華特完場前七分鐘建功，AC米蘭冇仇報，阿積士得以稱霸歐洲。AC米蘭被打敗後，立即羅致古華特，呢個亦係佢職業生涯轉捩點。古華特意大利享盡榮華富貴，私生活就開始放縱。
古華特

交唔到貨淪為人球

力AC米蘭期間，古華特因不小心駕駛被控誤殺，要守行為及釘牌。後來佢又惹上強姦官非，短短一個球季內搞出兩單大，AC米蘭都頂佢唔順，將佢賣到巴塞隆拿。

古華特巴塞拍住李華度，曾經贏過西甲冠軍，但總括講，佢表現都唔算標青，最後遭放棄，上季轉投紐卡素又唔掂，今季只有返回西甲，力華倫西亞再碰運氣。好好一個天才球員，淪落成為人球，畀人踢來踢去，只怪自己唔生性。

作者: Jeans 時間: 2005-9-6 05:21 PM

病魔「點心」曲波
06/09/2005

曲波曾經係中國金童，有「中國奧雲」之稱，差成為第一位進軍英超中國前鋒，可惜條命生得唔好，經多次嚴重傷病之後，職業生涯已跌落谷底，比奧雲跌得更快。
曲波

難敵病患天意弄人

曲波現力中超球隊青島中能，狀態已比去年好得多，但同全盛時期比較，水準仲差好遠。究竟曲波當弗時候有幾勁？○一年世青杯，曲波以速度及強勁射門挑戰強敵，表現震驚世界球壇，被視為當屆賽事最大發現。後來英超熱刺搵佢試腳，想斟曲波過檔，最後因工作證問題告吹。赴英失敗之後，曲波回國發展，但球運極差，傷患甚多，至去年更跌至谷底。

去年曲波體力大幅下降，練懷疑佢身體有問題，送院驗身後證實患上甲狀腺功能亢進症，因此內分泌失調，體能衰退，經療養後，病情已好轉，但仍未恢復最佳狀態。天意弄人，球員就算點努力，都敵唔過病患，曲波就係最佳例子。

作者: lookityourself 時間: 2005-9-6 05:47 PM

好可惜
睇到都想喊
我係講曲波

作者: skjeiw 時間: 2005-9-6 05:54 PM

近幾年d超級球星都無乜好下場...

作者: 雷公 時間: 2005-9-6 06:27 PM

照敢睇d天才少年架悲慘生涯
令我諗起依家朗尼都好大機會係敢
佢布齊晒上面d古華得,卡斯辛奴,奧雲架特質
好大機會早熟早殘

作者: pc20001103b 時間: 2005-9-6 06:38 PM

Originally posted by 雷公 at 2005-9-6 18:27:
照敢睇d天才少年架悲慘生涯
令我諗起依家朗尼都好大機會係敢
佢布齊晒上面d古華得,卡斯辛奴,奧雲架特質
好大機會早熟早殘

朗尼既優點係佢係愛華ton呆過
佢最初成名時,係果度唔係好勁,淨係國家隊勁
就算第時衰左,都不過係打回原形
佢有晒經驗

作者: YUEN_LOUIS 時間: 2005-9-6 06:41 PM

Originally posted by pc20001103b at 2005-9-6 06:38 PM:

朗尼既優點係佢係愛華ton呆過
佢最初成名時,係果度唔係好勁,淨係國家隊勁
就算第時衰左,都不過係打回原形
佢有晒經驗

大家驚羅賓奴好過啦

作者: skjeiw 時間: 2005-9-6 06:44 PM

Originally posted by YUEN_LOUIS at 2005-9-6 06:41 PM:

大家驚羅賓奴好過啦

技術型通常都唔會咁易殘gei...

作者: YUEN_LOUIS 時間: 2005-9-6 06:45 PM

Originally posted by skjeiw at 2005-9-6 06:44 PM:

技術型通常都唔會咁易殘gei...

係驚佢心智上咋

作者: 雷公 時間: 2005-9-6 06:56 PM

好明顯朗尼個Feel就係球場上充滿智慧
球場外係一個傻仔
走去叫隻50歲架雞

作者: michelle_tom 時間: 2005-9-6 07:05 PM

希望保度斯基同美斯唔好步佢哋既後塵la...

作者: 艾奧羅斯 時間: 2005-9-6 07:20 PM

唔係既,伯金17成名...咪一樣打到依家,
好睇球員既心理質數~

作者: lookityourself 時間: 2005-9-6 08:43 PM

Originally posted by michelle_tom at 2005-9-6 07:05 PM:
希望保度斯基同美斯唔好步佢哋既後塵la...

我超like 保度斯基!!!!!!!!!!!!!!!!!!!!!!!!!!!!!!!!

作者: ciger 時間: 2005-9-6 08:54 PM

Originally posted by pc20001103b at 2005-9-6 18:38:

朗尼既優點係佢係愛華ton呆過
佢最初成名時,係果度唔係好勁,淨係國家隊勁
就算第時衰左,都不過係打回原形
佢有晒經驗

朗尼呢種人,最易步加斯居尼後塵,磋跎歲月,因為佢太情緒化,又紅得早,17歲已經比人捧到上天,壓力會好大,容易走上酗酒,濫藥之路

作者: fffffa 時間: 2005-9-6 11:05 PM

唉~~~!魯爾個位置後到好似cmf咁,搞到d射門觸角冇晒~~~!

作者: abc123aa 時間: 2005-9-6 11:27 PM

Originally posted by YUEN_LOUIS at 2005-9-6 06:41 PM:

大家驚羅賓奴好過啦

我反而唔驚佢......出到聲叫大哨唔好帶佢去蒲@@"

作者: abc123aa 時間: 2005-9-6 11:27 PM

Originally posted by 艾奧羅斯 at 2005-9-6 07:20 PM:
唔係既,伯金17成名...咪一樣打到依家,
好睇球員既心理質數~

可惜柏金唔同朗尼呢,朗尼經常叫雞,柏金都冇

作者: abc123aa 時間: 2005-9-6 11:28 PM

Originally posted by fffffa at 2005-9-6 11:05 PM:
唉~~~!魯爾個位置後到好似cmf咁,搞到d射門觸角冇晒~~~!

依家都係打前鋒,只不過打法好似唔同左咁= ="

作者: MaxFigo 時間: 2005-9-7 12:44 AM

Originally posted by abc123aa at 2005-9-6 11:28 PM:

依家都係打前鋒,只不過打法好似唔同左咁= ="

以往係摩仔掩護佢入波
e+搞到要墮後支援個肥仔炒飛機
慘....

作者: abc123aa 時間: 2005-9-7 12:51 AM

Originally posted by MaxFigo at 2005-9-7 12:44 AM:

以往係摩仔掩護佢入波
e+搞到要墮後支援個肥仔炒飛機
慘....

掉轉左,哈哈~

作者: hcee 時間: 2005-9-7 05:44 AM

有不少都係受外界嚴重吹捧同壓力而影響前途同實力.....又或因為重傷........

作者: buengland 時間: 2005-9-7 10:20 AM

我驚C7

一陣到27 28歲仲係度掛住縷, 其實俾人迫係啲無乜威脅既位度

又傳得吾靚, 助吾到攻

係咁大

作者: 雷公 時間: 2005-9-7 10:27 AM

Originally posted by abc123aa at 2005-9-6 23:27:

可惜柏金唔同朗尼呢,朗尼經常叫雞,柏金都冇

25歲成日叫雞都可以係場上保持到體能
但25歲過後係場上一定腳軟
朗尼,你都幾大獲

作者: kaixinren 時間: 2005-9-7 03:59 PM

以前玩CM都有買過曲波，跑的真繫好快，其他就唔得啦。

作者: wer 時間: 2005-9-7 04:24 PM

Originally posted by 雷公 at 2005-9-7 10:27:

25歲成日叫雞都可以係場上保持到體能
但25歲過後係場上一定腳軟
朗尼,你都幾大獲

希望朗尼修心養性
踢好d波

作者: pc20001103b 時間: 2005-9-7 04:34 PM

Originally posted by 雷公 at 2005-9-7 10:27:

25歲成日叫雞都可以係場上保持到體能
但25歲過後係場上一定腳軟
朗尼,你都幾大獲

有專家話搞完第二日踢波腳軟
多數係心理作用
不過以龍格保為例
佢就話佢唔會係賽事前一晚搞

作者: pc20001103b 時間: 2005-9-7 04:36 PM

Originally posted by ciger at 2005-9-6 20:54:

朗尼呢種人,最易步加斯居尼後塵,磋跎歲月,因為佢太情緒化,又紅得早,17歲已經比人捧到上天,壓力會好大,容易走上酗酒,濫藥之路

佢心理既質數我覺得冇問題
始終以前係球會唔勁(同奧雲有d唔同,雖然都係國家隊大賽成名)
身體就....都幾難復原

歡迎光臨娛樂滿紛 26FUN (http://26fun.com/bbs/)