娛樂滿紛 26FUN - Powered by Discuz! Board

標題: 三角關係, 一人退出後, 會有幾多人痛苦? [打印本頁]

作者: 極樂 時間: 2005-12-1 12:08 AM 標題: 三角關係, 一人退出後, 會有幾多人痛苦?

剛剛看完"最深的愛是放棄"
但是我不太明白, 不明白是他放棄我是因為他不夠愛我, 還是深愛我.......

以下是我的愛情故事, 亦是我的煩惱:
瘦仔:中五我REPEAT那年他是我的同班同學. 他細我一年, 但我們是同月同日生日的, 就是這個原因, 我們還可以保持聯絡
肥仔:我的男朋友, 我同他拍拖已六年了

正當我中五的時候, 我認識瘦仔, 我對他都有少少一見鐘情的, 而我也覺得他知道我對他有好感, 但是他常明示他有個要好的女朋友, 而當我見到他女朋友的時候, 我第一個感覺是"天生夫妻相, 好襯啊". 當然我已經沒有投入感情啦!畢業後. 我們各散東西, 每年約到我們生日的日子都會約出黎吃一次飯, 普通的朋友般........

而在我大専時, 因為學懂用電腦, 就在網路上認識了肥仔, 而且還拍拖, 一拍.....至今已6年了! 而且去到談婚論嫁的地步......

就在三四年前, 瘦仔突然找我, 他說他跟女朋友分手了, 而他女朋友跟了他最好的朋友一起......我覺得他好可憐, 可能同情心起, 每次他約我出街我都會出, 因為如果他見到他女朋友跟他朋友一起, 我知道他會好難受, 所以我作他的伴....

跟瘦仔一起, 我可以去好多地方, 又會行山看戲, 讓我平淡的生活起了變化 (我跟肥仔幾年來都只留在家, 他打機, 我上網, 看戲都好少)......一路以來我都以為我同瘦仔是好好好朋友, 大家玩得好投契.....而且還一起去外國旅行.........

就在第一次去完旅行回來, 我跟他起了變化........當時我,他還有兩個女孩起行, 其中一個女孩(小K)我當日第一日見, 另一個是瘦仔朋友的女朋友(小G), 小G不知為何貼著瘦仔, 好CLOSE果種, 明明我跟小K第一次見面, 但反而我要跟小K一起....有一晚小K問我, 你不覺瘦仔對你有意思嗎? ......我真的不覺! 她說他對你好好啊! 我說: 他對所有人都好好的.......
但看見他跟小G親密的行為, 我好眼紅.......而且我覺得他們特登做俾我睇......

在到年半前, 我跟我男朋友鬧交, 而我出去找他......他離開後, 我用SMS問他,你是否喜歡我, 我知道自已好不應該問, 但我又好想知, 受酒精影響下, 我問了.......他說他喜歡我, 不過傾過後.....他不會做第三者的......那我們做回朋友......

自從鬧交後肥仔看得出我同瘦仔出現變化, 他跟我說: 你可以選擇他, 不要因為唔捨得而留低, 佢比我後生, 佢依家乜都俾唔到我, 但係我已經當左你係我屋企人.... (或者係呢句, 我留低左)

到現在, 我跟肥仔表面上好開心, 但我的心經常思念瘦仔, 而跟瘦仔的關係......有見面, 有一起去旅行, 有一起看戲 (當然一班朋友), 但每次出到來, 我跟他好像不認識般, 沒有傾談....好避忌....

我明知自已選擇肥仔是正確, 但是每當他提起結婚的事我就想起瘦仔.....明知跟瘦仔沒有可能, 常對自已說時間可沖淡一砌......但已經年半了, 還要多久啊?!

我已經避免找瘦仔, 但有時又覺得好像失去一個朋友.....

其實我應該點做? 當乜事都無發生過, 當日點同瘦仔 FRIEND, 就用返這種態度對他?
還是不再見他? 不過跟他傾談?直到感覺消失? 但他有時會找我, 約個半月左右SEND SMS問好

作者: wai214 時間: 2005-12-1 12:42 AM

you dont like fat guy anymore, thing that hold you two together are just responsibility, but how long can you stand? 10 years? 20 years?

honestly, I am having the same problem...I have been with my gf for 7 years....

作者: 極樂 時間: 2005-12-1 12:49 AM

有朋友叫我同肥仔分手, 但係我知道除左瘦仔, 我就最鐘意肥仔,
概然我同瘦仔無可能, 如果再同肥仔分埋手........
咁我未必搵返一個對我咁好, 咁錫我!而我又鐘意既男仔

作者: wai214 時間: 2005-12-1 01:02 AM

but I dont think you two can get married unless you have sort out the relationship between u and thin guy

作者: 藍 時間: 2005-12-1 01:59 AM

Originally posted by 極樂 at 2005-12-1 12:49 AM:
有朋友叫我同肥仔分手, 但係我知道除...

good,你自己都已經講出左你想要d咩
跟返你個問題,好明顯令你有動搖既,只係揀你愛多d既抑或係愛你多d既,甘你覺得自己想呢?你同肥仔已經有甘耐感情,佢又對你甘好,而且你並吾係吾愛佢,只係吾係最愛佢姐,同肥仔繼續一齊,你應該會幸福既.
聽你所講既野,我相信你應該年紀都吾細架拉,我諗同我差吾多度拉.我覺得人到甘上下年紀,就吾想再冒險架拉,我自己都係,以前或者會憑感覺去鍾意,宜家就會諗清楚好多野,例如哥個人係米真係適合自己,係米可以keep到一段長d既關係等等去諗,畢竟吾再係小朋友,無甘多時間再去亂沖亂撞,所以,請你自己諗清楚,到底呢一刻,邊一段感情先係適合你既呢

作者: 極樂 時間: 2005-12-1 07:12 PM

你地講既野好正確, 正正係我既想法及憂濾!
其實我已經揀左肥仔, 亦都會諗住同佢過人世........
但係我唔想著住婚紗果陣仲諗住第二個!

而且另一個問題係.......
我應該用乜態度去瘦仔呢? 如果離遠佢, 我覺得無左個好好既朋友....好可惜!
如果keep住聯絡, 我好驚對佢既感覺有增無減!

作者: kubrick 時間: 2005-12-1 07:32 PM

或者你同肥仔一齊會有幸褔既..
不過始終你最愛既係瘦仔..
唔好比自己有後悔既機會"
放膽去愛一次..

作者: kubrick 時間: 2005-12-1 07:34 PM

送你一首切合你境況的歌....

第二最愛古巨基

誰陪著我回家你知道吧
不甘心嗎
當我是傻瓜不可點化
才放棄你望著你走吧

其實與她都間中吵架
無奈當天說起婚嫁
還是挑選她

從前情人好嗎
現在幸福嗎還生起嗎
誰人何時提我給你一個家
從前情人還好嗎
尚獨身嗎還想我嗎
無緣成為最愛卻又很牽掛

從前情人好嗎自己都驚訝
哎也也也分開加陪念掛

你不信吧
最懂得我脾氣是你吧
其實那天親你時難忘記她
讓你猜到吧識破吧
由於心死才會不說話

其實這天當我親她
同樣一般那麼想你
難道你未明嗎

DA......DA......DA......
哎也也也 DA....

作者: hello12 時間: 2005-12-1 08:37 PM

triangle relationship are very confusing and hard to solve. I was in the same situation as well, i have been with my gf for over 4 years and i recently met a girl. We both had feeling for each other, we started going out as well. I know i was wrong but couldn't control myself...we started seeing each other for about two months.
We ended last month. I didn't regret because if i heavn't tried i won't know who will best suit me. my advice is give it a shot! IF you never try you never know.

作者: 藍 時間: 2005-12-1 09:49 PM

anyway你揀任何一個都好,你都要畫清界線架拉,拍拖係甘架拉,除非你願意一腳路2船(呢個都係遊戲玩法之一)

作者: 極樂 時間: 2005-12-2 11:43 PM

哈哈~~好一首第二最愛!
果然係我心聲!!

我無勇氣去放棄肥仔去選擇瘦仔!!
可能係自私

作者: hello12 時間: 2005-12-5 07:24 PM

all humans are self-fish

作者: 機密 時間: 2005-12-5 09:45 PM

Originally posted by 極樂 at 2005-12-1 00:08:
到現在, 我跟肥仔表面上好開心, 但我的心經常思念瘦仔, 而跟瘦仔的關係......有見面, 有一起去旅行, 有一起看戲 (當然一班朋友), 但每次出到來, 我跟他好像不認識般, 沒有傾談....好避忌....
但係我知道除左瘦仔, 我就最鐘意肥仔,
但係我唔想著住婚紗果陣仲諗住第二個

你知道『感情』兩個字為何用『心』字部嗎？其實你自己都知自己『身在曹營心在漢』！你要知你拍拖是幾年；結婚簽紙是幾秒。但之後是幾十年。你要知唔係拍得耐拖就無得變，唔係駛乜拍拖？你騙得到自己個『心』嗎？好明顯你自己個『心』是不滿肥仔幾年來都只留在家, 他打機, 我上網, 看戲都好少；好明顯你自己個『心』是較喜歡跟瘦仔一起, 我可以去好多地方, 又會行山看戲。好明顯你自己個『心』是因為唔捨得而留低怕傷人傷己。

但你又有無想過你往後幾十年無論在家, 打機, 上網, 看戲, 上床都『身在曹營心在漢』不是也在各自傷害大家？若不小心有bb就更大濟！若你這個『感情』cancer---『心』不現在正視，難道將來有bb、結了婚後再後悔，忍不住才離婚、再傷多些人、更傷得深？

你真的咁有自信結婚後不會再想他人、不會離婚？若有，為何你現在無自信去正視自己個『心』？

作者: 極樂 時間: 2005-12-5 10:32 PM

機密~~你講野真係好有point~~
唔止係呢件事上, 其他post你既見解都好有見地.........

唉~~好一句『身在曹營心在漢』......絶對係依家既情況.......
不過係呢件事上, 我理智重於感情.....
1. 瘦仔未出現前我已經諗住嫁俾肥仔
2. 我同瘦仔相處過, 唔知點解同佢一齊, 我成日發脾氣.......又無乜話題咁...可以話相處唔黎
3. 如果我要選擇, 應該大年半前, 因為我覺得瘦仔依家對我無feel....我同肥仔分手等如一拍兩散

所以係依家, 我成日叫自已回憶當日點愛肥仔.....雖然仲未成功 ><

另一方面係唔知點面對瘦仔..........

作者: 機密 時間: 2005-12-5 10:44 PM

Originally posted by 極樂 at 2005-12-5 22:32:
我同瘦仔相處過, 唔知點解同佢一齊, 我成日發脾氣.......又無乜話題咁...可以話相處唔黎

若果你早d咁講又唔同。

如果我要選擇, 應該大年半前, 因為我覺得瘦仔依家對我無feel....我同肥仔分手等如一拍兩散

問題根本不單是瘦仔，而係肥瘦仔都有問題。不過怕一拍兩散而無自信去正視自己個『心』，這個『感情』cancer---『心』不現在正視，難道將來有bb、結了婚後再後悔，忍不住才離婚、再傷多些人、更傷得深？呢样是一样的。

作者: 藍 時間: 2005-12-5 11:35 PM

我又相信感情當中有d情況不足為外人道,真係自己先知自己事.若果你肯定當真肥仔可以比到幸福你而瘦仔吾可以,甘我覺得揀肥仔係理所當然既事丫;而且如機密所講既,的確,理智地諗會覺得而家吾諗清楚,到將來先分開情況會更壞,呢個係啱既,但係我地都係凡人,有d野吾試過又真係吾會知.我有個好好既朋友,睇住佢地F1開始拍拖,期間吵吵鬧鬧離離合合無數次,一路過埋大學生涯,做左幾年野先話結婚,真係差吾多一齊十五年,結婚前都仲好到不得了,結果結婚吾夠一年,離婚收場.想多初又邊會有人諗到會甘呢.
既然你都決定左如無意外的話會嫁比肥仔,心意而決拉,想太多都係無用,諗得越多,煩惱越多,會越吾開心架

作者: 機密 時間: 2005-12-6 02:00 AM

Originally posted by 極樂 at 2005-12-5 22:32:
機密~~你講野真係好有point~~
唔止係呢件事上, 其他post你既見解都好有見地.........

唉~~好一句『身在曹營心在漢』......絶對係依家既情況.......
不過係呢件事上, 我理智重於感情.....
1. 瘦仔未出現前我已經諗住嫁俾肥仔
2. 我同瘦仔相處過, 唔知點解同佢一齊, 我成日發脾氣.......又無乜話題咁...可以話相處唔黎
3. 如果我要選擇, 應該大年半前, 因為我覺得瘦仔依家對我無feel....我同肥仔分手等如一拍兩散

所以係依家, 我成日叫自已回憶當日點愛肥仔.....雖然仲未成功 ><

另一方面係唔知點面對瘦仔..........

唉！現在返到家，有時間長細做下乜乜夫人！

(因為發覺第二篇回文打得太快，有點錯漏。)
先多謝你覺得我的道理對！不過是維園阿伯的經驗而已，希望幫到你啦。

如前所述你依家根本有無瘦仔出現，你同肥仔本身都有問題出現。首先依家已經唔係你選不選擇的問題，而係你縱使不去選擇，你的『心』仍然經常不在肥仔身。而你的『心』仍然未放棄肥仔只是你條氣唔順！明嗎？因為你怕之前的投資化為烏有。先失去瘦仔，後失去肥仔。

最失敗的就是你想迫自己鍾意番肥仔。講番我#13講的『你知道『感情』兩個字為何用『心』字部嗎？』心是指真心。因你越迫它，它就越要你知道它在想什麼。  正如你小時很喜歡食糖，但大個之後，你見識多了。你知道食糖無好處，你變得不喜歡，而且對另一種食物『炸雞髀』鍾意左，但當然都無乜益。  你於是想回憶起糖的好處，但你說有無可能再好像以往般喜歡糖？當然無，因為時、地、條件都改變了。你知道糖的壞處多了！亦有其他食物對你的影響。所以『心』是無可能騙的，你縱使迫、騙得到全天下，也迫、騙得到自己的『心』。所以『感情』兩個字為何用『心』字部嗎？而非『日』字部，因為感情是受心影響而非時間影響。而心情是受時、地、條件而改變的。

所以你依家做的事，其實同時傷害肥仔同你自己。  『感情』是從『心』部，當然要有心才成事。你現在無『心』即成咸青，咸青即是咸魚青菜！  中國人認為咸魚青菜即代表苦痛的日子！   你試問自己現在雖然未婚，但『心』裡苦嗎？若你騙過自己與肥仔結婚，縱使他對你好，你快樂嗎？你因為騙自己的『心』，當然對他亦無真心。我非要說情色話，但以下的事卻是真話。  若你們上床時行夫妻體時，心裡卻想著另一人。你試問自己除此之外的時間還會有多少在肥仔身上？你試問自己的心真的無罪惡感？這樣又對得起肥仔嗎？還不是傷害他嗎？他真的一點也不知道嗎？

你試想，你若因為怕失去前幾年時間，現時短暫的空虛，卻換來兩個人未來不知幾多年的痛苦，值得嗎？若怕年紀越來越大還未結婚的話，還更笨！  婚後相處不來後離婚，到時你的選擇將更少，你說笨嗎？

不過，有樣野你要知。為何你會對瘦仔發脾氣？因為你的『心』發作！若果你對肥仔無乜發脾氣就更大件事。因為你晡和瘦仔相處時無話題是另一回事。但你心卻是另一回事。因為你要知，女孩子通常只會在最親近的人面前發脾氣，尤其是『心上人』。因為那時才是最真。若你對肥瘦仔有此極端，我勱你還是要想清想楚才結婚，否則你將抱憾終身。你若然不能與瘦仔一起，還不如兩者皆放棄好過。

現代，女孩子還是一定要早早結婚嗎？無結婚真的不能過日子？我說結錯婚總比無結婚好得多吧！

[ Last edited by 機密 on 2005-12-6 at 02:12 AM ]

作者: jani 時間: 2005-12-6 09:02 AM

同性相斥
異性相吸

作者: 機密 時間: 2005-12-6 10:57 AM

Amendment for 最尾那句:

現代，女孩子還是一定要早早結婚嗎？無結婚真的不能過日子？我說無結婚總比結錯婚好得多吧！

作者: 極樂 時間: 2005-12-6 09:10 PM

唉~~~
突然覺得好煩添........機密你講既野句句到肉!

但我又相信, "愛情"只可以維繫年幾兩年, 之後就會轉為"感情", 之前我都有考慮過兩個都不要, 重新去選擇另一段愛情, 但又想.....呢個世界有幾多男人可以好似肥仔待我咁好?! 咁錫我呢?! 我同果個男仔可以相處得這麼自然呢?! 一連串問題, 令我覺得沒有把握找個更好的........所以到今時今日我都仲係肥仔一齊, 雖然我地真係好平淡好平淡, 但總算相處螎恰. 如你所講, 瘦仔未出現我同肥仔之間都有問題, 但當然仲有好多開心既事可能真係要我地兩個先知......

我同肥仔之間依家係感情, 對瘦仔係愛情........我真係想盡快忘記對瘦仔既愛情 ><
同埋可以同瘦仔做返朋友.......
但係我依家係咪即係傷緊肥仔同瘦仔呢?!

唉~~~~
自私既表現 ><

作者: 機密 時間: 2005-12-6 09:44 PM

Originally posted by 極樂 at 2005-12-6 21:10:
唉~~~
突然覺得好煩添........機密你講既野句句到肉!

但我又相信, "愛情"只可以維繫年幾兩年, 之後就會轉為"感情", 之前我都有考慮過兩個都不要, 重新去選擇另一段愛情, 但又想.....呢個世界有幾多男人可以好似肥仔待我咁好?! 咁錫我呢?! 我同果個男仔可以相處得這麼自然呢?! 一連串問題, 令我覺得沒有把握找個更好的........所以到今時今日我都仲係肥仔一齊, 雖然我地真係好平淡好平淡, 但總算相處螎恰. 如你所講, 瘦仔未出現我同肥仔之間都有問題, 但當然仲有好多開心既事可能真係要我地兩個先知......

我同肥仔之間依家係感情, 對瘦仔係愛情........我真係想盡快忘記對瘦仔既愛情 ><
同埋可以同瘦仔做返朋友.......
但係我依家係咪即係傷緊肥仔同瘦仔呢?!

唉~~~~
自私既表現 ><

若然你心無煩惱，又可會到這問人？
若然說話不能句句到肉，又焉能令迷者醒覺？回文者又是否負責任？

感情是分好多種，但皆由心做。朋友間、親人間亦有感情。離婚夫婦你估就沒有感情？每人都應對身邊人負責任，但是否留低就是負責？

總之，你一切如何就是要問自己個心。因為只有你自己知道答案。
但是，我提醒你，縱使你是甘願作個自私的人，你更應及早正視自己是否真的有感情cancer。你試想，假設你個肥仔真的是萬中無一的人，你不斷接受他對你好，但你卻『心不在焉』，你將一生背著這種對他不起的『罪惡感』，這樣你以為是真正的幸福快樂嗎？而肥仔同瘦仔，你想想，如果你是他們又會感到真正的幸福快樂嗎？我說你們的三角感情就是比雞肋也不如。

所以你問：『但係我依家係咪即係傷緊肥仔同瘦仔呢?! 』其實是連你自己也正在傷緊自己。你把感情cancer不斷擴散。

希望我錯啦。 Good luck

作者: 極樂 時間: 2005-12-6 10:03 PM

多謝你既意見同回覆.....

不過講到呢到, 我真係無言以對!
或許我真係認真咁諗下自已既將來...........

作者: 機密 時間: 2005-12-6 10:29 PM

Originally posted by 極樂 at 2005-12-6 22:03:
多謝你既意見同回覆.....

不過講到呢到, 我真係無言以對!
或許我真係認真咁諗下自已既將來...........

Welcome.

All the best

作者: edmond511 時間: 2005-12-16 05:21 AM

Originally posted by 極樂 at 2005-12-1 00:49:
有朋友叫我同肥仔分手, 但係我知道除...

大家都係人一個...都會三心兩意....雖然心知唔應該...但總唔可以話安分就安份...

我同妳一樣..都係情海沉既普通人...以下純粹個人意見...唔係d咩至理明言...

我只係覺得...做人唔可以太貪心...唔係妳就會過得比其他人辛苦...最後可能得唔到最初要既野不單止....仲會失去更多...

其實....肥仔或瘦仔妳都可以揀...只要妳唔後悔...其實妳係可以做到的...
妳話妳除左瘦仔, 就最鐘意肥仔,
而且肥仔都同妳咁多年，妳亦視佢為結婚對象...
咁妳咪唔好諗咁多...索性同佢拉埋...依個係較現實既做法...

係..係有遺憾...但邊個人做人係唔會有遺憾??....因為咁而卡住係一個關口...面對唔到現實...
戔增加自己既痛苦...

瘦仔妳亦可以揀...但妳既然咁鐘意人...就預左要賭一舖...
唔好諗住怕失敗左會一無所有.....點可以一d代價都冇?...
仲要留戀怕失去肥仔??
妳洒脫唔起?? 咁唔該妳就唔好賭咁大...嫁左肥仔佢算...
唔通要有個人坐定定等做妳既後備歸宿先得??

當然..如果妳既肥仔甘心情願做後備，等妳同唔到瘦仔之後再娶妳...咁妳咁幸運其他人都恨唔來...

給的忠告可能有所冒犯...對不起...
但做人如果可以唔好咁貪...妳一定唔使咁煩...

[ Last edited by edmond511 on 2005-12-16 at 05:29 AM ]

作者: 極樂 時間: 2005-12-27 07:38 PM

唔使揀啦~~無得揀啦!!
平安夜果晚.....瘦仔同小g 一齊左.......

所以我依家好唔開心................ ><:

歡迎光臨娛樂滿紛 26FUN (http://26fun.com/bbs/)