中國海外球員開始掘起～～恭喜！！

YingTung

呢幾個星期有留意開海外球員版既朋友應該知道中國海外球員開始解凍。
而且仲踢得幾好喎～～
首先係德乙既邵佳一成功爭取到絕對主力，之前三次比賽有三個入球，最近一次輸波都有一個助攻同兩次中楣。雖然話係德乙，但其實聯賽水平只係差德甲少少，而且講緊既係1860隊。似乎國家隊影子前鋒既位非佢莫屬。
跟住係岩岩大爆發既董方卓，下半場連入三球幫助球隊大勝。個人覺得此子的確有料，但要成為曼聯前鋒都仲係差好遠好遠．．．．除非佢ｏ係比乙場場入返三四粒，兼幫球隊重返比甲，否則要返曼聯可能仲要三四年。
最後孫繼海今次又轉打左路，佢踢得不錯，而且似乎主力前景明朗，今次曼城大勝，老孫可能會繼續做正選。
PS:最怕睇到中國傳媒吹捧佢地上天，希望大家要保持理性去睇中國傳媒報導佢地既新聞。

YingTung

咁多位海外兵團當中,的確以李鐵最失色。
佢腳法唔夠細膩,但勝在在防守中場的粗野攔截同破壞組織傳送上做得幾好。
不過一代足球先生淪落如此...唉....
老莫其實都已經攞明放棄左佢...愛華頓之前咁多傷兵,李鐵連後備名單都上唔到。
後來睇左佢返黎國家隊對德國o個場....仲慘不忍睹...