specificness

Originally posted by mcsimon0574 at 2007-7-15 12:30 AM:
等我依個過來人話你知啦 ..
你發佢脾...

馬後炮少少都要架勒：mcsimon，我等你出呢個post好耐（等左一晚勒）！！ 作為過來人，我知道你一定有最好的經驗去跟朗尼囡講既。果然不負厚望！

朗尼囡，simon兄講得好啱架，不論男女，對另外一半一定要有起碼的尊重。「起碼」其實不夠的，應該要有十二分的尊重，因為你同得佢一齊，一定係佢有好多值得你尊重的條件你先會咁決定家麻係咪？點解你唔諗下呢啲呢？不過就你這個覺得自己不尊重對方的個案而言，起碼要做返「起碼的尊重」啦。唔講男女朋友，就算只是朋友，對方覺得你唔尊重佢，朋友都唔做得成啦！何況係親密既伴侶？有人話就係因為佢係親密既伴侶所以先從心所欲，這只對了一半。「從心所欲」下面仲跟有「不踰矩」三個字架！就是說不能沒有規矩的去從心所欲，因為功利點講，若雙方都沒規矩的從心所欲，那絕對可以變成互相打駡、背叛，則關係一定不能長久；而愛本身就含有尊重，沒有尊重，他哪能感受到你的愛？你想想，「從心所欲」本是美事，應該是開心的，為啥你這種「從心所欲」會引來他的不快、而更引申至你現在的不快？那就表示這種「從心所欲」有問題囉！在互相尊重、互相體諒的從心所欲，那才叫心靈相通，那才叫如魚得水。嗌交偶然一定有，偶然未能好好體諒對方一定有，使小性兒偶然也一定有（「偶然」的小性兒就叫情趣，「恆常」的小性兒就叫幼稚、討厭！），但要及時改過、知錯而且曉得從錯誤中學習大家相處之道，咁先至係長久之計麻。

你既然將得呢個問題提得出黎，證明你同simon兄一樣，前提是愛對方的，而且起碼係一個懂得反省、有心改善的男/女朋友，既然有心，那只要持之以恆，你地一定得既！！

其實呢幾日大家同simon兄都討論過好多關於呢個問題，我覺得男女都差不多，朗尼囡你都可以作為借鏡；有空看看以下兩個post罷

女友被tomboy 追緊﹐點算( 此topic為版主所加)?
http://www.26fun.com/bbs/viewthread.php?tid=155184

對唔住咁多位網友.....
http://www.26fun.com/bbs/viewthr ... ghlight=&page=1

希望幫到你。

[ Last edited by specificness on 2007-7-15 at 07:23 AM ]

specificness

Originally posted by Erocky at 2007-7-15 12:29 PM:
其實好簡單，四個字：「易地而處」

...

講得極好！！！ 己所不欲，勿施於人啊！

specificness

Originally posted by 朗尼囡 at 2007-7-16 10:52 AM:

佢話唔緊要wor.................

哈哈，你自己都覺得有問題，但係你男友就話唔緊要？傻女，你男友想你開心，錫你，唔想你為左呢樣野成日好似好拘謹咁啫。除非你男友真係被虐狂，否則點會當當事人都自覺過份時而他一無所覺？佢咁錫你，你快啲錫返佢啦！ 同時，為左佢，好好改變自己啦。就算佢真係覺得無所謂，這也不等如你可以這樣繼續落去家麻，你自己都過唔到自己啦。況且，你男友就算今日真係覺得無所謂，如何保証他明天一樣無所謂？所以，只有不斷改善自己，才會穩如泰山麻

[ Last edited by specificness on 2007-7-16 at 11:23 AM ]

specificness

Originally posted by mcsimon0574 at 2007-7-16 12:48 AM:
你地唔好再講女仔點解咁鐘意發脾氣啦...
其實佢發脾氣都係想個男仔tum姐....
做男人就要大方d...唔好樣樣野都計住曬啦...

simon兄，雖覺你大方，但我就覺得呢番話唔係長久之計勒。女仔鍾唔鍾意發脾氣係一回事，我就覺得，想個男仔tum有好多種方法，唔使用一啲令自己勞氣、同時又令對方受氣既方式既；所以無論如何，亂發脾氣都係需要改正架（但如我之前所講，「偶然」的小性兒絕對可能是情趣的表現）。於是，這跟男仔是不是大方是沒有關係的；大方的男仔不等如要忍受錯誤的相處方式！如果為了表示大方而去忍受的話，這不過是將錯誤擴大到難以收拾的地步，為將來埋一下個不斷倒數的計時炸彈，最後的情況也許就會如eric911兄的個案一樣了。所以，絕對同意ta姐的說法，要好好跟另一半溝通呢！