逼宮

locklock

魯爾帶頭醞釀罷操　皇馬4元老逼卡達朗落台  19/01/2007
  
「皇馬鬧劇」幕幕精彩！繼會長卡達朗喪插全隊之後，周三就輪到球員進行大反擊，
「四大元老」魯爾、沙加度、希古拿同卡斯拿斯，突然代表全隊要求卡達朗就佢堆
「偉論」立即交出合理解釋，否則將會帶領全體罷操。消息話四大元老真正目的係
「逼宮」要卡達朗自動落台，仲話明今日會召開記者會有所公布。

卡達朗之前在大學講座由球員鬧到去球迷，隨即惹來猛烈批評，特別係皇馬一眾球員不
論新舊，統統都畀佢踩到一文不值，班球員唔嬲就勢係假。據知，在幾位老大哥提議之
下，前日晏晝舉行一個緊急危機會議，矛頭指向卡達朗身上。  



古迪：唔配做會長
   
消息話，艾馬遜同馬些路因為私務在身未有出席，羅賓奴則因為接受緊醫生治療，同
朗拿度一齊冇到，不過唔係話佢唔撐大家，皆因「大哨」就派出佢心腹助手埃斯皮納
爾到場表態支持。至於唯一真正冇到場，就只有根本在皇馬冇晒前途既卡斯辛奴。

會上大家一致通過係要求卡達朗就佢日前批評言論，交出一個令佢滿意既合理解釋，
否則就會罷操。據聞當時大家都興合合，碧咸鬧了句：「我以後都唔會對卡達朗同米
積杜域（皇馬總監）有任何尊敬。」古迪就直指卡達朗唔配做會長，至於大鬧卡達朗
落井下石既隊長魯爾，雖然即場收到卡達朗來電要求加入會議解畫兼道歉，但就嬲到
第一時間拒絕，話要等球員內部傾掂數，先再同佢傾。

呢單消息傳出之後，西班牙傳媒就爆料話今次由四大元老出面，根本就係想逼卡達朗
在本月二十九日「會長選舉郵寄選票案」宣布判決前自動辭職，好等球隊可以盡快重
選新會長。至於皇馬既練卡比路稍後就證實，卡達朗向大軍收操後已經同球員開了個
半鐘頭會議，但一眾隊員都仲係唔多滿意，並會在今日開記者會講下一步決定。

反啦！反啦！反啦！內鬥升級啦！看來今年皇馬又再四大皆空了！


＜＜＜無佢粉！？
巴西幫幕後黑手！飛起了簾價勞工卡路士！




深仇大恨，互相交惡，自生自滅（內含14日15日16日17日的新聞）
http://www.26fun.com/bbs/viewthread.php?tid=136135&fpage=1

全面禁煙
http://www.26fun.com/bbs/viewthread.php?tid=136413&fpage=1

碧咸有權告皇馬！
http://www.26fun.com/bbs/viewthread.php?tid=136477&fpage=1



[ Last edited by locklock on 2007-1-19 at 03:18 PM ]

locklock

今次真係斷正，正當卡比路以為得到主席力挺之時，大刀闊斧式向一眾球員開刀，
甚至連球迷也不放過，一併臭罵，以中指對之攻之。但在背後的老細又其身不正，
有樣學樣的在大學演講上痛罵球迷和球員，真係好似上下齊心，四方百面放箭。

但他們忘記了在場上踢球的仍然是球員們，無論教練有多雄才偉略，無輪主席有多
遠大夢想，也絕不能視球員自身利益於不顧，甚至在制裁球員們之前，也應和律師
交流意見，才是正道。而不是一意孤行，自以為變革就要有人犠生。

大家可能覺得球員過了３０便為之老，其實這是大錯突錯的想法，理論上球員是可
以戰至３５也不打緊，問題是要看教練如何調配使用，更何況３１的碧咸，離３５
這數還有很遠的距離！皇馬四老今次出來表達球員們真整的理念是正確的做法，因
為近期的內鬥，聲音太雜，跟本不知誰在操控誰，也會為外界帶來多方謬誤。現在
形勢明顯是主席十分不利，而卡比路亦難逃一責，因為他們的高調而付出了沉重的
代價！看來今次一定要有人走，看看到底是主席還是教練了！



[ Last edited by locklock on 2007-1-19 at 11:14 PM ]

locklock

碧咸轟會長﹕「大話精」　1月 20日 星期六 【明報專訊】

皇家馬德里「禍不單行」，在前晚的西班牙盃遭貝迪斯逼和1：1後宣告16強出局，並有傳
碧咸當眾炮轟會長卡達朗是「大話精」。

有研究則指皇馬在失去碧咸的商業效應後，
每年將蒙受4.5億港元損失。

皇馬會長卡達朗日前在演講中斥碧咸欠缺職業操守，因為沒有球隊收容，他才被迫轉戰荷
李活，又冷嘲老將古迪有名無實，結果引起球員不滿，令卡達朗要公開道歉。

有指碧咸曾炮轟卡達朗：「你是『大話精』！你向球迷說我已在洛杉磯買下新居及私自與
銀河簽約，但事實不是這樣。我的隊友一向也尊重我，只有你從來不會！」

貝迪斯8強遇西維爾

另外，有學者表示失去「萬人迷」，將令皇馬每年損失4.5億港元：「皇馬不止失去碧咸的
肖像分紅，沒有了他的明星魅力，皇馬恐怕也難像高峰時般吸引廣大球迷。」



唔知依Ｄ係咪就係叫做 "雙失"！人財兩失！
失去高觀眾入座率！失去肖像權分紅！



手機汽水罐亂咁掟　皇馬西盃出局球迷失控！  20/01/2007
  
皇家馬德里衰野一單接一單，周五凌晨西班牙盃強陣出擊，主場竟然遭貝迪斯逼和一比
一，更因作客入球不及對手，於十六強止步，主場球迷忍無可忍掟落球場柴台，當中包
括汽水罐同手提電話，就連旁證都唔好彩被掟中，都唔知會唔會有手尾跟。

雖然羅賓奴在開賽五分鐘近門建功，但丹尼在三十七分鐘為貝迪斯追和，兩回合計雙方踢
成一比一，貝迪斯憑作客入球優惠晉級八強。其實皇馬被追平後，巴拿貝球場已不斷響起
噓聲，至完場前，有球迷用汽水罐掟中旁證左臂，貝迪斯門將杜巴斯亦幾乎被手機掟中，
證明皇馬擁躉嬲到出火，難怪頭卡比路輸到失常亂：「我認為球隊踢得唔錯，輸波只
是欠運，足球就是這樣，我覺得好開心。」  

碧咸雙聲道狂插卡達朗

另外，自從卡達朗在大學演講中狂插皇馬球星錄音曝光之後，呢位皇馬會長近日不斷向各
方面「耍霖」，日前更加親自去到皇馬訓練場向球員逐一當面道歉。不過畀卡達朗鬧得最
甘既碧咸，一腔怒火似乎無法平息，火滾起黎話知佢係會長，當住全部隊友面前兜口兜面
炮轟卡達朗係大話精，仲英文同西班牙文都出齊。
（碧咸文化水平又進一級了，雙語廣播，大話精西班牙話唔知點講！？）



[ Last edited by locklock on 2007-1-20 at 12:44 PM ]

locklock

Originally posted by Rated-R at 2007-1-20 12:42 PM:
我信打好波就會有Fans,球唔球星只系花巧野,而花巧又冇料既人更系炒左都冇人可憐

每年4.5億都叫花巧野？我想連李嘉誠都唔會咁白痴，送財神走！
皇馬要成積係無錯，但係為了成積而將所有罪說成是球員們的錯，就有點兒那過！
問題唔係你有無鬥心就有觀眾，西班牙唔係香港，人家的職業足球已發展成熟。
球星對每一個大球會來說都很重要，更何況碧咸這種世界級球星更是。
要有一個像碧咸一樣有魅力的球星出現，可話是千載難逢，唔係努力踢球就可以有的！
現在皇馬失去了碧咸，未來希望只可以放在魯爾身上，但他是西班牙人，
發揮作用也只可以局限在西班牙境內，對發展歐洲或是全世界都沒有太大益處。
再加上他的年歲已和碧咸相差不遠，快要退下來，因此未來希望一係就要再比錢買，
唔係就自家找出來，可能就是拉莫斯或是羅賓奴！

好多人都唔明現在皇馬的問題不是在碧咸和朗拿度兩人身上，而係戰術變化少的問題，
卡比路的４２３１無錯是很強，但整個賽季都用這種陣式，在第下半季一定會吃盡苦頭，
你估人家傻架，睇到熟乜野筆記都做足，你好容易就會比人迫和！上半季來說皇馬的成
積已叫不失禮，仍在三甲之中，亦沒有出現像華倫一樣的災難性下滑，但下半季要維持，
一定要在陣式上有時作出小量改變，難道這不是用碧咸的好時機嗎？但試問你上半季咁用
佢，下半季佢又要磨合，咁又點會有發揮。想想曼聯今季打得這麼棒，又何常不是常有改
動，或多或少都有變，有時４４１１，有時４３３，有時４４２，來來回回的運用，但卡
比路初到貴境，就打死了４２３１，會不會太執著？都係過句，球員好與壞，不一定是自
身問題，可能是教練的執著，另他們受害。卡比路唔係第一次誤人子弟，現在在富咸踢球
的蒙迪拿亦是他曾棄用的球員，但試問蒙迪拿的入球能力又何常有下滑過？現在仍在富咸
書寫個人足球理歷中。（蒙迪拿離開現在的羅馬，是因為現在的教練史巴尼堤打無鋒陣多！）



[ Last edited by locklock on 2007-1-20 at 01:00 PM ]