基佬我怕你! 80年代本港傳奇樂隊 - 皇妃專輯Lady Diana再度發行

fatchaikwok

近排有不少80年代樂隊專輯再度發行, 好似 “凡風”, “小島樂隊”及 “Raidas”等, 其中不可不提有 “皇妃”呢隊樂隊, 宜家D人開口埋口講基佬, 好似無乜嘢咁, 但回想嗰時(廿幾年前呀大佬)經已用嚟做歌曲題材就真係好勁(高唱 "基佬我怕你, 基佬我怕你 !" 仲話要讓性愛解放!), 老實講, 我對呢隊樂隊嘅曲風係點樣真係無乜印象(因為電台禁播), 但如果有興趣想了解一下本港樂隊歷史文化嘅朋友, 不妨買番一隻聽吓 ! (我諗我都會買 !)

[ Last edited by fatchaikwok on 2006-10-17 at 10:23 PM ]

fatchaikwok

今日終於喺信和買到隻碟 ! 返到屋企即刻放嚟聽, 順便睇吓內頁嘅唱片資料, 嘩 ! 原來全隻碟都喺美國錄音及做後期制作, 仲搵到 美國洛杉磯大師Bernie Grundman監制錄音及Mastered, 隻碟嘅錄音絕對有水準, D歌亦唔係全部都有露骨題材, 有3首慢歌聽落都幾OK(都有少少流行完素), 快歌風格有D似外國樂隊 SEX PISTOLS(經典大碟有 "GOD SAVE THE QUEEN")及 The CLASH, 聽落都幾過癮.  有樣值得一提, 樂隊入面嘅創作大腦安格斯係前玉女歌手黎瑞恩出道時候嘅唱片監制(首歌好似叫發誓).
p.s. 隻碟有三級題材, 但係我買嘅時候封套完全無加警告字眼 (黃秋生出D碟都有啦), 有關嘅政府部門係咪應該要檢討吓呢 !

[ Last edited by fatchaikwok on 2006-10-23 at 10:18 PM ]