香港講波佬, 跟紅頂白令人作噁

amigofans

德國正常發揮, 贏細佬波蘭果2比0, 就話就住黎食, 仲有大把係手...
到對克羅地亞輸左, 就猛講原來第一場波蘭係魚腩...

荷蘭贏一場3比0, 立即上天, 今晚贏4比1, 有人講到佢天下無敵,
雲巴士頓就快係殿堂級, 咩進攻足球好犀利..

佢地唔會提下, 法國輸果2球波杜林之肉酸...
亦唔會提下, 意大利又係衰到爆, 頭場又輸d肉酸波...

我無話荷蘭打得唔好, 只不過佢正常發揮, d人又fit,
相反意大利法國兩場波都不知所謂...呢點係值得一提!!

好怕香港呢種, 贏一兩場就上天, 尤其講波佬, 應該客觀少少...
仲記得06世界杯, 阿根廷炒塞克一場又上天, 最後咪又輸比德國...

條友而家仲講到口沬橫飛, 丁偉傑, 真係得人驚...

amigofans

明顯地, 西班牙唔係丁先生杯茶, 同樣係2戰2勝, 佢就識指出西班牙既不足,
臨完節目前仲心水清到提醒大家, 西班牙係仲未出線...

但昨晚講荷蘭點解就上晒頭? 法國幾咁不濟佢唔去講?

球迷可以主觀, 幾誇張地捧自己既球隊也可以..

但做足球評述就要客觀, 持平, 將事實仲有球迷忽略左既野講出黎...

個人覺得何輝, 蔡玉瑜同鄭兆聰係持平方面, 都做得比丁偉傑好...