amigofans

sorry, 恕我無心機睇大家既論點, ever manutd fans kev兄既point...

因為我全盤否認曼聯大敗原因係佢地本身有問題(所謂排陣, 狀態及戰術等等)

可能曼聯輸左, 所謂形勢有變, 好多利物浦fans重燃希望, 傳媒亦炒作一番,
仲用98年阿仙奴既例子, 去引証曼聯失掉冠軍有理由....

利物浦成日被稱為海鮮波, 但鮮有人包括香港d講波佬會去分析成因,
big 4大戰中15分取足13分, 會輸比米保但又可以炒曼聯4球,
似乎已經唔可以用一句"水準唔穩定"去解釋一切...

奇就奇在人人認為利物浦而家係叫"回勇", 無咩人留意佢地贏既波, 包括好多場反超前同大戰,
都係靠對手既低級犯錯同紅牌所致, 佢地呢種靠謝拉特同扥理斯, 等對手出錯既憑個人質素取分既打法,
根本無可以贏到一季要打38場既聯賽...

再者, 所有人好似當車路士係透明一樣, 第2位其實係佢地, not liverpool...

曼聯莫講輸一場, 輸多兩場佢地都仍然會係榜首到尾,
就算曼聯大意失荊州, 捧杯既只會係車路士,
個人係完全否定利物浦既機會...

amigofans

原帖由 fderek 於 2009-3-16 11:43 AM 發表
我個人認為曼聯今次部防明顯不足
只想單憑早段入球來控制比賽
事實上曼聯終於在利記手上
第一次顯出其中場防守能力的薄弱
很明顯費爺既部署係只以維迪一人凍結托利斯
但事實上很明顯托利斯的能力,尢其是速度完全
在 ...

大致上同意你既說法, 但不要忘記唔可以當呢場波, 係一場獨立既波黎睇,
正如妳第一個point, 無出giggs同史高斯可能係敗因, 但唔出佢兩個,
正因為佢地歐聯搏完一場....第3點既貝碧扥夫, 原理係一樣...

呢一點正就係利物浦同曼聯既分別, 費格遜其實已經有點"過時",
佢可以贏既野, 就係經驗, 佢絕對清楚每場用咩人既得與失,
同每場波要用咩打法, 簡單講, 留與放...

呢方面, 係英超大概只有雲加同佢同一級數....
反觀賓帥, big4小聯賽佢一支獨秀, 但聯賽榜佢只係第3位...

我絕對唔係話曼聯呢場輸波係留力, 只不過係老費呢類老油條鐘意計數,
佢認為giggs, 貝碧扥夫同史高斯用黎打國米最好,
佢係唔會為左利記而去攞一場過既歐聯黎玩...

我敢講唔係有7分加一場在手, 佢未必會出果日既陣容同打法,
其實由佢老人家2月頭講, 今年歐聯比聯賽重要,
就知道佢根本無放利物浦同車路士於眼內, 好有信心已經穩奪聯賽...

當然, 如此肉酸地輸1比4, 絕對會係佢意料之外