amigofans

英軍呢10年除左心理質素呢個大問題外, 搵錯唔同本身球隊風格既領隊, 亦係一大問題,
經典例子莫過於大打防守穩陣既90年巴西, 始終打進攻打士氣既球隊, 唔適合搵意式防守領隊教...

就算卡比路唔被炒, 相信亦要面對"改朝換代", 大部份"golden age"既球員如泰利, 林柏, 謝4等等相信都要淡出了...

amigofans

28# HansChan

其實呢幾年, 係BECKS淡出以後, 英軍已經唔似以前果種兩翼高Q大棍既打法, 可能同英超歐化有關,
當然呢10年, 除左艾殊頓似傳統英式中鋒外, 似乎出產既FW全都唔係呢類形, 根本要打番80年代既波亦無條件...

唔同意以成績論球員實力, 即巴治奧年代既意大利, 薛高時代既巴西, 球員實力都比奪冠時更強,
說明一點, 係整體合作, 戰術, 士氣同運氣既使然, 足球係team work, 有天才球員都要講發揮...

無意研究雲拿保斯係咪痴左, 點可以提出352如此攪笑既論點, 佢以為英國有馬干呢類左右二閘?
反而英軍已正式成為名領隊既墳墓, 當然卡比路仲有2年時間去反底, 又睇下推到重來黎唔黎得切?

唔同意現在呢一刻就可以批死英軍, 甚至一支球隊係未來10年8年既成績, 因為一般球迷似乎難以理解後起之秀既實力,
就以西班牙為例, 相信02年被踢出局一刻, 相信無人估到10年會有呢一班球員出現, 注意當年最有潛力既祖亞昆, 今日竟係唔入流...

德軍今年亦令人耳目一新, 英軍若敢把心一橫放棄大部分"黃金一代", 之後有咩球星湧現實在未可料...

p.s. 你所講英軍10多年未能解決左翼球員問題, 最大罪人應該係"韋爾遜"先生, 若果唔係佢當年拋妻棄子,
相信今時今日, 施路頓既出場紀錄, 早已被以"懷恩韋爾遜"打破...

amigofans

師兄你都好夾硬黎.....你所講既人腳冇可否認係現時英格唯一可以用得比較好既人腳而已.....但論級數相比之下...你喜愛嗰一班只係小學生而已......
"高治可以做舒寧咸, 林柏特/祖高爾做柏列/加斯居尼"好似有啲insulti ...
HansChan 發表於 2010-7-1 11:25 AM

講黎講去, 又咪係講番而家呢代交唔到成績...

GOLDEN AGE 黃金一代, 唔係香港英格蘭fans自己作出黎, 係英國果邊班傳媒比佢地既名,
就以其中既朗尼為例, 有一定速度同技術, 傳射皆能, 閱讀球賽能力高, 呢種前鋒都係英格蘭20年黎無既,
當然你可以質疑日日睇住英國波, 呼吸同一空氣既英國人有眼無珠, 認為身於香港仍可以比佢地看得透徹...

amigofans

甘又點呀??
睇波係用對眼黎睇..唔係跟紅頂白人云亦云返黎的!
連續幾屆賽事已証明咗英軍好多嘢!
情意結已被濫用...令好多人都失去理智甘死撐!
朗尼....二十年黎英軍都冇既前鋒......(笑到眼水都標!!)...要每一樣嘢黎 ...
HansChan 發表於 2010-7-1 08:06 PM

我都可以覺得美斯, c朗, 大衛維拿, 杜奧巴係垃圾, 仲可以笑到眼屎都標,
若果係齋吹唔洗講理由的話...

咁玩法, 我係咪都可以講巴治奧係咪垃圾? 成個世界杯一腳踢左出界

amigofans

00年德國出局係人材老化, 但98年西班牙出局係輸冇運, 當年希亞路, 魯爾, 古里路等如日中天, 怪只怪遇上神勇芝拉華特
今屆英格蘭出局唔代表實力差, 只怪抽簽冇運, 如果佢十六強唔駛對德國, 後果已經唔同
今屆八強巴拉 ...
darkensun 發表於 2010-7-1 05:08 PM

你不如話, 卡比路最錯一著係第一場落一個平凡又無經驗既格蘭啦, 正所謂一子錯...

個人覺得唔係開壞個頭, 佢地大可延續外圍賽個勢, 至少佢地既賽力, 行左美國條線至少會過到加納...

不過話時話, 佢地係時候大換血, 早d out仲輸1比4未嘗唔係好事...

唔係佢地唔會醒

amigofans

講左咁多篇, 水平太低已經無咩力去所謂"撐"英軍, 反而有少少感想...

英格蘭同d fans到底做左咩, 會令咁多人要"憎"佢地?
係人追捧球隊, even果隊係瑞士, 都係想佢地贏, 都係發夢佢地贏冠軍架啦, 唔同會想佢地輸?
咁d fans唔通要次次講, 佢地係垃圾, 好屎, 先叫客觀冷靜?

香港轉播英國足球多, 英軍fans自然係多, 咁呢d歷史積落既問題, 係香港成日會聽到英格蘭fans發夢,
又有咩奇有咩咁"討厭"? 意大利係其次係香港多球迷既, 意大利成劈屎咁, 又唔見有咁多人撲出黎wor...

講真, 我的確係唔明

amigofans

42# filter-052fans  
又唔可以咁講
屆屆都話要換血就有排都冇得爭標, 入到四強起碼可以搏贏巴西, 但十六強對德國贏面就得45%
darkensun 發表於 2010-7-1 11:47 PM

唔係亂up要換, 事實上以beckham為首既黃金一代亦已逐漸落幕, 不如早點換埋仲可以打既林柏等人先係上策...

貪圖成績既下場, 法國有眼睇, 遲遲唔改重心, 浪費亨利及列貝利一代, 今屆, 亦只係分組就出局...

amigofans

理由講咗唔知幾多個,只係你當睇唔到之嘛!
冇所謂你要玩九唔搭八死撐,又標屎甘,又個個都廢甘...得既!!
橫掂未瞓,睇吓你無聊都幾唔錯的!!
HansChan 發表於 2010-7-1 11:48 PM

你除左講佢世界杯無料到, 讚過舒利亞, 加斯居同奧雲之外, 仲up到咩出黎?

最叻仲係倒果為因, 將朗尼在陣曼聯先會好成績, 講成佢可以好表現, 係歸咎於曼聯隊友造就...
呢一點只係口舌辦論上似是而非既道理...

季中不知大堆歐聯或英超對手批評曼聯, 當無左朗尼之後立即出現問題,
世杯之前, 日本numbers體育雜誌中, 專訪32國記者時, 英國記者亦擔心英格蘭有"朗尼倚賴症"...

再講你用黎做比較既兩位戰將, 舒利亞除左制空力之外, 無論速度, 傳送, 身體對抗性同個人技術均在朗尼之下,
至於佢既曼聯隊友奧雲, 大概只在埋門打握力上比朗尼優勝, 當然相貌也可勉強一談

有興趣可以繼續駁落去, 艾歷臣, 費格遜, 卜比笠臣, 卡比路, 仲有一眾媒體及投佢做足球先生既球員, 廣告商都係白痴睇錯晒,
天下唯獨hans你一人睇出佢既不足...

amigofans

天童水平再創新底...我都睇到!
支持一隊球隊當然想佢哋長勝!
但支持係有分盲唔盲目既....支持既球隊啲人唔夠料或踼得唔好...而做球迷會去agree,我覺 得態度比較正常!
不過真係唔知點解,十多年証明咗近代既英格蘭係 ...
HansChan 發表於 2010-7-2 12:00 AM

我同意最好無果球問題球, 咁無得賴!!

但事實上係86遇上上帝之手, 90, 98, 06三次12碼出局, 10今年係世紀問題球...
先不論實力同奪標機會, 請找一隊如此黑運的球隊給我看看吧!!

P.s hans你又再一次表演"倒果為因", 話英軍fans盲目追捧大肆評擊你既所謂"理性討論", 若果唔係有人開個post攻擊英格蘭,
你再入黎加把口先, 人家fans又如果攻擊你? 自己開個post出黎亂鬧一通?

我咁口臭, 你有見我開個post出黎抽抽法國同意大利水? 就算會, 仲比人駁駁駁, 小弟亦唔會認為自己好"委屈"

amigofans

47# filter-052fans  
講得好, 就算瑞士FANS想佢地贏波都唔代表盲目
再者歐聯賽事入面早已證明謝拉特, 林伯特, 艾殊利高爾, 朗尼, 泰利等等都係星級戰將, 烏拉圭, 巴拉圭, 加納呢D又有幾多個可以稱得上星級戰將? 數 ...
darkensun 發表於 2010-7-2 12:21 AM

係你錯, 你唔理性, 同盲目...

我都錯, 當年細路錯手tune錯台睇左fa cup, 自此染上英格蘭毒癮....

講真, 你唔捧英格蘭就無事, 早知我就捧客麥隆, 自大到聲大大話要攞冠軍, 最後打到一劈屎咁出局,
講都無人講, 幾好...