主持黑牌榜

nico1982

今屆奧運主持遭各界狠狠批評，當中張嘉兒與李思雅被網友彈得最多，成功穩佔黑牌榜榜首！

張嘉兒

張嘉兒在跳水比賽中將水花講成「火花」，又將俄羅斯講為「蘇聯」，被彈勁食螺絲及講廢話。

李思雅

李思雅被指經常發問無聊問題，打斷專業教練的評述，又曾說「排球的發球好重要」，被踩言之無物。

朱凱婷

朱凱婷被指廢話連篇，在射擊環節中問：「射擊每次係唔係射一槍？我聽到好多槍聲發出。」主持只好無奈地答：「因為同時有幾位參賽者開槍，所以有好多槍聲！」

陳百祥

陳百祥在籃球賽中問：「Kobe（高比拜仁）咁勁，點解會去打後備？」又說：「冇咗姚明，就好似明星足球隊冇咗我咁，成隊散晒！」被網友群起狂插。

方力申

方力申曾讚泳手懷絲靚女，指她為比賽而與男友分手，被網友批評輕佻。他還大搞爛Gag，包括說女泳手「係鄭雪基唔係鄭中基」及「匪夷所思菲比斯」等。

袁彩雲

袁彩雲被網友批評缺乏運動知識，在評述中完全搭不上嘴，甚少發言，只懂露出僵硬笑容。