hwkeung

做人又唔好睇得自己咁高, 你覺得你好過人地姐,
但人地唔揀你就即係你有地方唔掂啦,

如果你能夠調整一下自己, 重視改善自己有邊d地方不足,
好快你的人生自然好充實不再空虛, 因為有好多女人會自然鐘意你.

忠言逆耳.

hwkeung

原帖由 seafireson2 於 2009-6-1 04:12 AM 發表



其實我唔知點解唔開心，唔知自己係咪自大唔開心，
而只係想討論清楚點解唔開心同自己點諗～～
我有意識知道要謙虛，但潛意識可能係高傲，有ｃｏｎｆｉｃｔ，
我當然反對自大妒嫉，但唔了解潛意識是否自大妒嫉，點能夠有效控制心魔？

唔係冇 ...

如果討論到呢個位, 就未必係戀愛post.

如果想解答你自大的問題, 我嘗試從我經歷經驗去講,
我以前一向都自大, 因為自細學野快俾人讚得多,
後尾開始出來社會闖, 經歷左多次女人與生意的失敗,

發現學完d野要識得用, 更要識得邊d時候用d乜野先係最最最難,
自始就變得極度自卑因為覺得自己好廢,
然後超級努力去睇書追求知識, 仲學得比從前更快更通透,

近年睇張五常教授文章, 分清楚自大與自信的分別,
自大的人口出狂言, 不會求學改善, 不會檢討自己, 覺得自己永遠是對的.
自信的人偶爾口出狂言, 仍然求才若渴, 常常三省自己, 覺得自己多數是對的.

自大係會令人討厭加邁向失敗,
自信係會令人仰慕加邁向成功.

[ 本帖最後由 hwkeung 於 2009-6-1 05:46 AM 編輯 ]

hwkeung

原帖由 seafireson2 於 2009-6-1 10:20 AM 發表

有冇多ｄ人生經歷？

到哩一刻，我都唔知內心最深處點諗，（可能真係有等佢／葡萄的潛意識）
ｍａｙｂｅ要搵佛洛依德先會知，所以我都唔諗，
不過，我覺得知道有可能的潛在諗法，自己內心另一面的可能性，
...

其實我呢一刻覺得追女仔唔需要咁複雜,
以前細個就會好多計劃好多plan自以為神手,
你將愛情諗得簡單d會比較得心應手,

首先, 我追女仔只重視三個大原則, 其他無謂野唔需要理,
鐘意佢就表白追佢,
鐘意佢就令佢開心為佢設想,
鐘意佢就保護佢,

三個原則就咁簡單已經包含左女人要o既野勇敢細心承諾,
起碼我自己而家係咁囉, 現在都算係一個女殺手.

其次, 個人修養方面的進修提升, 或者事業上的成功,
就可以令你d女越溝越索, 千萬唔好將兩者次序本末倒置,
好容易變水魚.

hwkeung

哈, 追女仔我而家就覺得毫無必勝絕招, 捉到老鼠就係好貓,
條女唔鐘意你, 你點追送錢俾佢等佢年幾兩年都追唔到, 我試過,
我唔敢扮權威否定人, 所謂英雄所見略同,
我純粹都係將我經驗歸納重點分享下交流下姐,

我覺得做個好男人先係真正追女高手,
我喜歡真心相愛的感覺, 兩人會互相付出先叫拍拖,
有d人咩酒都飲, 我就剩係鐘意飲靚酒.

不過我唔知大家講緊純粹追女定係令條女愛你,
我覺得追女上床同要令條女愛你係完全兩回事,
我之前講緊都係令條女愛你, 蔡依林首歌話齋唔做boy friend做個real man.

我唔知追女高手或者情聖點定義, 女多就係? 我見好多『情聖』都有呢d情況,
因為有好多情況的女事主我都做左朋友, 當然唔排除d女事主都老點我啦,

好多女仔受你溝未必鐘意你, 可能咁岩感情空檔你又唔樣衰,
根本唔需要做任何野就可以行埋, 呢d情況應該好多人都試過,

什至如果你有認識, 應該都知道果d知名論壇極多妹妹仔根本唔需要溝,
我有朋友成日車聚求其都有女仔走出來食糖水就已經一齊左,
佢地細個貪玩無聊有架車仔就好有虛榮感, 妹妹仔更有以仔多來炫耀的嗜好,

亦有女仔係特別性慾大, 只要你岩傾就可以......
係真係唔少呢d女仔, 只係你識唔識到加知唔知佢個『真性情』,

仲有好多女仔同我發生過d好極端的例子唔講啦, 唔想你以為我晒命,
黃子華talk show都有講, 『女人食飽之後, 乜乜乜乜, 先訓』,
即係話男人永遠唔會知道女人中間做過d乜先訓, 有意思嫁......

所以我覺得唯一要令到你愛的女人能夠永遠一齊而佢又一心一意,
就係做個real man, 當女人搵到佢心中的real man,
就算古天樂劉德華溝佢都唔會受溝嫁, 男女關係真係好有趣嫁.