<<新主題 | 舊主題>>
娛樂滿紛 26FUN» 測試區 » AIO2014tp2019 » 范冰冰 主演劇集《武則天》同史實有咩出入?
返回列表 回復 發帖

范冰冰 主演劇集《武則天》同史實有咩出入?

)《武則天》成大半套劇都講緊武則天同李世民嘅愛情故事,成套劇講到李世民有幾愛武則天,武則天又幾愛李世民。而史實上,武則天根本唔得李世民歡心,入宮十二年都只係做一個才人,而武則天就偷偷勾搭上太子李治。

) 史實上李世民唔愛武則天,愛嘅反而係劇中另一個奸角。劇中因愛成恨由忠變奸嘅徐慧,應該係歷史上賢良淑德嘅徐惠。

徐惠係天生才女,四歲識《論語》、《詩經》,八歲識寫文章,仲成日勸諫李世民。李世民不但唔嬲佢,仲對佢大加獎賞添。徐惠深得李世民竉愛,一路由才人升級上去,最後李世民死咗,仲哀傷成疾死埋,先真正係可歌可泣。

) 《武則天》成套劇嘅後宮佳麗都係V面,全部都瘦到得副骨,個個塊臉白得似鬼。史實上,唐朝人鍾意有肉地嘅豐滿女人,而且女人最好「面如滿月」塊面圓啲,同埋唐朝人鍾意紅臉,胭脂塗得好厚,誇張到王建係《宮詞》寫一個宮女「金盆水裏潑紅泥」,講佢梳洗之後,臉盆就好似多咗層紅色泥漿。

) 武則天畀人屈,出口就話:「莫須有的罪名」,莫須有應該係宋朝岳飛之後先出現架嘛?!

) 劇中韋貴妃囂張專橫,多次陷害妃子皇嗣,最後不得善終。其實韋貴妃為人謙卑,深得李世民喜愛,李世民死咗都未到佢死,李世民死後跟兒子李慎遷往封地,享年六十九歲,獲得善終。

) 劇中李牧係武則天初戀情人,史實上無李牧呢個人。

) 其實最離譜嘅出入,應該係套劇講武則天懷有李世民個仔再被李治召回宮養胎,因為同史實出入實在太大,武則天根本無可能懷有李世民個胎,被有關當局要求改返劇情,劇組唯有用剪接同配音硬改。

所以大家之後追劇個時,睇到武則天大肚個時,就會覺得好奇怪,完全唔明點解武則天會有咗李治個仔囉。
返回列表 回復 發帖
<<新主題 | 舊主題>>
娛樂滿紛 26FUN» 測試區 » AIO2014tp2019 » 范冰冰 主演劇集《武則天》同史實有咩出入?

重要聲明:26fun.com為一個討論區服務網站。本網站是以即時上載留言的方式運作,26fun.com對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,用戶不應信賴內容,並應自行判斷內容之真實性。於有關情形下,用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。26fun.com有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。