中國第一張上網Call車牌照 香港落後了？

Grandfather

近日中港兩地嘅科技應用生活發展，經常畀人用嚟比較，八達通到底係唔係落後，就仲有排爭論，但Call的士app呢次，可能真係內地行前咗少少，
話說有「中國版Uber」之稱嘅滴滴快的，拎到全中國首張互聯網專車牌照，終於有制度下合法經營了。
發牌精妙之處有兩點，
第一，就係呢張「網絡約租車平台經營資格許可」，規定滴滴快的要統一幫專車買齊保險；
第二，就係無講明發牌上限，所以Uber同埋神州租車，都已經講明會向上海市交通委員會申請。
更重要嘅係，上海市交通委員會主任孫建平，仲要讚揚「泥鯭的」同順風車為社會帶嚟價值喎。
不過上海模式，暫時唔會全國推行嘅，而且牌照條件，係要個call的平台本身，直接受政府監管，另外連伺服器都要設置於國內，換言之，對外資公司嚟講，都有唔算低嘅門檻。
據今日《信報》報導，就引述的士司機從業員總會秘書長黃大海講：「香港是講法治，明明是不合法的事，怎可能變成合法？」睇嚟香港今次真係要認真研究，係咪有必要修例了。
資料來源：奧一網, 信報