gundamman678

要看個女仔對個男仔既"定位"係邊囉，如果佢真係完全唔會考慮個男仔既話，我覺得就唔應該收任何禮物啦。因為肯收禮物其實即係俾左signal個男仔，話俾佢知佢都有d機會，起碼個男仔一定會係咁諗。所以，如果個女仔係覺得都可以接受個男仔追求下，俾個機會佢試下既話，咁收禮物就應該既。至於價值方面，無得話應唔應該收名貴的禮物。在於被追求既女仔，佢絕對有權收任何禮物。就算佢唔貪呢d，又或是勁貪慕虛榮，佢都有權收架! 因為你要打動佢，係你要追佢，你自己心甘情願架嘛! 不過名貴唔一定就掂既! 送禮物俾佢個目的係乜? 就係要佢開心! 所以只要打動到佢開心，禮物價錢未必係關鍵，你get到佢鍾意收d乜野禮物先至係關鍵。唔係下下都係貴就一定打動到對方架，你送貴既，可能唔及人地送份令佢suprise既咁得佢歡心呢!

不過男仔都要注意下，究竟個女仔係有心俾機會你定係淨係貪你d禮物? 我覺得作為男仔都應該醒目d，保障下自己，唔好俾人當傻仔咁掠水嘛! 有技巧d既話，我認為最初送既禮物應該係以心意為主，到大家發展得穩定才開始送名貴的。一開始送名貴的可能會令二人關係被扭曲，而且亦都令自己好難分辦女仔係貪你d禮物定係真正俾你打動。

以上只是個人意見，大家都發表下啦~~