十二碼

sonyguy

一路以來...
兩隊要用十二碼分勝負既比賽...
對大部人黎講...
都係一種靠運氣高於技術既方法...

但當每次在國際大賽場合中...
有d 球隊射親十二碼都贏..(德國...)
相反...有幾隊球隊係射親都輸...(英格蘭...)
某程度可以反映...
其實射十二碼時技術真係好重要...
因為只有實力/技術...先可以令球隊在射十二碼射親都贏...

睇新聞訪問艾歷臣...
佢話佢地事前已經練左好多次十二碼...
已經多到無得再多...
但睇返佢地四個射十二碼...
除左效力德國球隊既夏格維斯射入外...
其他都射唔入...
究竟...德國球隊點樣訓練佢地既球員射十二碼架呢??
英格蘭又點樣訓練架呢?
我覺得...心理質素係最關鍵既因素...
今朝場比賽見到幾點..
1)當林柏特射失時..見到謝拉特個樣真係好驚青...
2)艾歷臣換加歷查出黎射十二碼...咁代表佢係英格蘭隊中頭五位最有信心射十二碼既球員...
但佢既表現...唔係講佢射失...而係佢連球証既雞聲都未聽就射...証明佢當時都係好驚...
呢d 完全反映佢地既心理質表係非常之差!!

最後想講...
另一個我認為英格蘭射親十二碼都係輸多贏少既原因...
就係英超實在太成功...
林柏特, 謝拉特, 碧咸(曼聯時代)等等...
佢地係佢地球會既劊子手...
所以大家都知佢地射十二碼既習慣...
基本上可能...佢地所有小動作都已經比人紀錄低晒...
相反好似今朝葡萄牙咁..
森馬奧第一個射...究竟佢係唔係佢地球會既劊子手呢??
羅賓遜見過森馬奧射十二碼未呢?
無論如何...
英格蘭國家隊對其他球隊既認識肯定唔夠其他人對英格蘭球隊認識多...
呢個亦都係點解英格蘭射十二碼咁差既原因...
所以我覺得..
如果有機會再射...
應該搵其他人射..
例如泰利, 艾殊利高爾射..
搵班平時在球會無份射既球員射..
等龍門捉唔到路!!

sonyguy

Originally posted by bigfish at 2006-7-2 06:02 PM:
十二碼, 三分實力, 七分運氣, 究竟仲有冇存在價值呢?

如果真係運氣係最重要既因素...
咁點解有d 球員/球隊係十射九贏...
有d 剛剛相反係十射九輸???
運氣唔會一世都跟隨某一個球員/一隊球球...
點解德國隊在射十二碼時十射九贏?
唔通佢地一世都咁好運??
呢個世界...只有實力會跟你一世...

sonyguy

Originally posted by 艾力克 at 2006-7-2 05:15 PM:

"睇新聞訪問艾歷臣...

我唔知一隊職業球隊既內部運作...
但講緊練十二碼...
我認為現今體壇...
唔會只係狂射十二碼...
佢地係會有一d 專家follow...(運動心理學)
運動心理學在現今體壇係好重要...
我認為果幾隊射十二碼表現好好既球隊...
佢地球隊內呢一part 做得好好...
埋到去射...好有信心...好專心射...
唔會諗其他野...

sonyguy

Originally posted by Ｌｕｎｇ～ at 2006-7-2 05:02 PM:
我同意心理係最大因素,落得場為國家....

無錯可能英格蘭既壓力會比葡萄牙大...
但如果球員可以將球迷既支持變成動力...
咁佢地應該會好大信心..
相反佢地將球迷既支持變成壓力...
咁就死梗...
事實可見...英格蘭球員將所有支持變成壓力!!

sonyguy

Originally posted by Kian76 at 2006-7-3 08:52 PM:
識射又點？？人地識撲既話人地咪又救倒？？唔識射，遇著對手唔識撲一樣會入，呢個問題係雙向架。

剩係針對頭一part...
科學上...
如果識射十二碼...
(識射既定義係有足夠力度+足夠角度)
龍門係夠唔到..
因為個波既球速係快過龍門起撲...
人地真係用科學去計算過...
實際數字唔記得...
佢地既計法係...
個波只需要n秒就入到龍門...
而龍門需要m秒先飛到...(n細過m)...
所以如果識射...龍門識撲都撲唔到架~~!
=)