色者生存

d個區開佐好耐咁,小弟都唔知tim,早d知咪好囉,唔洗慢慢睇番d回覆,睇佐我足足半粒鍾
但係咁我先發覺我對3國真係好多野都唔知,自問我睇佐好款3國演義,之但係我連張遼既逍遙x之役都唔知係乜,唉.........(有冇人可以講番比我知)
另外如果比我揀5個武將同1個智將黎係3國入面打仗既話
武將:帶領步兵既將領首先我會揀 ○張飛○ (佢需然性格火爆,但係佢粗中有細,粗方面,你可以在『長板橋』一役中見到,而細方面,你亦可以係『義釋嚴顏』同『智取瓦口隘』中見到)

        帶領步兵既當然唔可以只有1個人,次選係 ○張遼○ (佢當然無張飛咁神勇,但係佢有武將無既冷靜同計謀,係合淝一役以八百幾騎大破吳軍十幾萬大軍,就足以令人敬佩)

        之後我會揀 ○許褚○ 做保鑣(你地可能會問,點解唔揀典韋,但係你地記唔記得典韋點死嫁,飲酒後比人拎走佐武器先中伏死,你地幾時聽過保鑣可以飲酒所以我先揀許褚,佢同典韋武力可以話有過之而無不及,但係智慧一定更高,唔係曹操d個奸人點會係典韋死佐之後,連個名都唔比佢,許褚就有個『虎痴』丫?)

        第4個就係 ○黃忠○ 喇(佢年過70,但係曾經打贏關羽,因為關羽同佢比武,黃忠kick馬腳,關羽放過去,之後黃忠打贏唔殺佢,唔係關羽死得仲早d tim呀而且百步穿揚仲可以用黎暗殺tim=.=)

        第5個係 ○呂布○ (點解我要放呂布最後?事關佢係個弱智既=.=不過佢太過神勇,可以留番係武將單挑個陣出場,上陣殺敵又唔怕死,係較小型戰爭發揮到好大功效)

智將:點解無人提 ○司馬懿○ 既嫁=.= (需然佢每每為自己做皇帝鋪路,但係佢可以攪到諸葛亮六出祁山仲要無功而還,可以話係比起孔明有過之而無不及)

次選我一定揀郭嘉(如果佢唔係早死,係38歲就病死,孔明未必可以事事如意,司馬懿都唔會比曹操賞識,因為郭嘉既智力一定比佢地高)


*以上純屬個人意見

色者生存

Originally posted by fatfatdragon at 2005-7-5 07:02 AM:
成日講武將同軍師太旱啦 自...

唔講靚既,我有一個推介,月英(諸葛孔明老婆)
根據演義,月英其貌樣衰,但偏偏孔明先生自命清高,不與世俗一般見識,貪佢聰明,與佢結為夫妻,但係史實,根本沒有事與月英有關,所以我覺得孔明先生係係到扮野
同埋我另一樣唔服孔明先生既事,就係唔信魏廷同信錯個個咩馬謖
魏廷如果要作反,佢點都防佢唔到,佢有軍權係手,就可以叫d兵偷襲佢府第,咁佢死佐都唔知咩事
另外1樣就係相信馬謖,d個人咁鬼驕傲,孔明仲信到佢十足,d個弱點可以話係佢兩個相同之處